Tommy Yummy (元點)

營業中

休息中

今日放工約了老公到元點吃晚餐，這間泰國餐廳我想食很久，因為每次行經都看到人頭湧湧，而且環境裝修美麗，相信一定不錯。今晚大約7:30時到了這間泰國餐廳，看到高很多食客入座，幸好等了一會兒便可以入座了。看到有二人套餐，而且套餐食物也不錯，所以我們沒有再看單點食物便選擇了這客二人套餐。套餐包了兩杯飲品或可以加配其他特飲。薄荷青檸梳梳打～薄荷味清新，而且配合了青檸，酸酸甜甜的十分開胃。另一杯是椰子班蘭梳打，椰子班蘭味十分濃郁，香香甜甜，而且仲有兩片班蘭葉，賣相十分特別。哈哈蝦餅拼泰式魚餅，這個小食好吃。蝦餅金黃色的外皮脆卜卜的，而且這款蝦餅相當特別，是以蝦膏包裹着一整隻蝦，所以口感彈牙爽口蝦味濃郁，真的十分好吃。另一款是泰式魚餅，魚餅煙煙韌韌，十分惹味。小食還可以沾上秘製醬汁，帶點點微辣相當刺激好味。泰式雞肉炒飯，賣相豐富，材料豐盛。有蛋絲、雞肉、車厘茄、秋葵、粟米等等。炒飯炒得相當乾身 ，而且配上不同食材來吃相當好味及飽肚。又好味又惹味，正蝦球炒金邊粉，太好味，充滿泰式味道。有多隻彈牙爽口大蝦，賣相吸引。金邊粉入味，可以因應自己口味半上花生碎和辣椒碎來吃，換上辣椒碎後，帶點點微辣十分惹味。仲

Tommy Yummy位於元朗新商場元點Yoho Mix. 商場係今年六月開。之前見過中環有呢間餐廳，已經想去，而家元點有一間。好鍾意呢度嘅裝修，座位好舒適，好新派同潮嘅泰菜餐廳。今次我係下午茶時間去，食咗個甜品。⭐️泰式班蘭奶凍 $58賣相好靚。好特別嘅奶凍，有些斑蘭味，旁邊伴了些水果和穀類食物，同甜品好夾。好健康嘅甜品。下午茶有一款跟餐飲品。我選擇了薄荷青檸梳打。另外再叫了一杯泰式奶茶。賣相非常靚。如果跟餐叫泰式奶茶的話，只是一杯上，好似青檸梳打嗰杯咁。但如果係另外散叫，份量會多啲，會另外有一樽。職員嘅服務態度都好好，好有禮貌。

同朋友慶祝生日，揀咗新商場Yoho Mix，最人氣嘅Tommy Yummy食泰國菜。我哋揀左set B $398，餐單豐富D🌶️酸辣冬䕃功湯（二人份）冬䕃公湯由泰式酸、辣、鮮及香料於一體，刺激味蕾。辣椒、南薑、香茅、蕃茄、草菇等，湯內有一隻虎蝦，口感鮮味彈牙。二人份應該一人一隻蝦啦😌🥬馬拉盞炒椰菜苗馬拉盞炒椰菜苗香氣撲鼻，但椰菜苗不嫩，非常老，要用力咀嚼😕🐮黃咖喱薯蓉燉牛肉泰式黃咖喱濃郁帶甜味，薯蓉綿密，牛面肉口感非常軟淋。🦐虎蝦海鮮混亂杯麵創意十足，將虎蝦、青口等其他海鮮，配上泰式辣汁與杯麵混合，味道微辣帶來刺激。🍋‍🟩青檸薄荷梳打薄荷葉清涼，青檸酸甜混合梳打水，夏日首選。🥥椰子飄香咖啡配雪糕 +$18濃郁香醇的椰子加上咖啡，再搭配雪糕，適合炎熱的天氣下品嘗。🍮泰式奶茶Tiramisu (7月6-12日 做特價$34)將泰式奶茶與經典意式甜點Tiramisu融為一體，柔滑的Tiramisu帶點奶茶味，搭配有驚喜。餐廳熱葷味道是OK，但沒有溫度，全部都係唔熱！學泰山話齋😌食物最緊要有味道、態度同溫度😌反而餐廳嘅甜品飲品就比較出色👍🏻