The Grill Room (The Humphreys)

營業中

休息中

呢排好多餐廳都有優惠，我哋見呢間好似唔錯，二人套餐晚餐有七折優惠，見book到枱就嚟試吓啦～二人晚餐$888（原價）巴馬火腿凱撒沙律沙律🥗菜好新鮮，巴馬火腿又好好食喎～南瓜湯味道淡左少少～16安士美國安格斯肉眼扒配黑松露薯蓉炭燒味濃，食到我舔舔脷，不過可能我叫左七成熟，有點韌，但唔乾，肉汁很夠，連肥膏都好好食😋，可以再encore ~蟹肉忌廉蕃茄汁意粉好多蟹肉，忌廉汁黏滿每條意粉，味道很好👍🏻法式椰奶凍配芒果汁椰奶凍的椰奶很香，配上芒果汁好好味😋藍莓芝士蛋糕都好好食啊～

今午在「The Grill Room」與家人分享下午茶。黑松露薯條，黑松露為傳統的炸薯條升級不少，淡淡的松露香味與酥脆可口薯條是極受我們歡迎！忌廉牛油蒜雜菌，忌廉的幼滑與甘香牛油繪雜菌，放上脆麵包上吃，很滋味，享受過程也挺有浪漫感覺！藍莓芝士蛋糕，藍莓、藍莓醬與芝士蛋糕是絶配，芝士蛋糕質感很香滑，芝士的味道是點到即止，就算我不愛吃芝士也不抗拒，藍莓、藍莓醬也中和芝士有少許膩的感覺。馬卡龍朱古力蛋糕伴雪糕，高高在上的一顆名貴馬卡龍，少吃更覺多滋味，這個可愛的法式小圓餅，兩塊餅乾之間夾有的奶油內餡。不過甜，是很喜歡的味道。中間位置是球體雪糕，混有曲奇餅、杏仁.....香滑甜美！下層是朱古力蛋糕，用料、味道都非常豐富，朱古力蛋糕的上半層是軟固體朱古力，還有杏仁粒、乾莓粒........

今晚嚟到尖沙咀嘅 the grill room 食飯啦～ 之前朋友介紹完，一直都未嚟試，終於有機會啦 ～我哋仲可以坐喺bar枱見到廚師煮嘢食呢！見set menu好似都幾抵，所以我哋點咗兩set。前菜我哋點咗一份沙律一份湯，青蘋果巴馬火腿藜麥杏仁沙律，口感好豐富呢~除咗有爽脆嘅青蘋果，仲有香脆嘅杏仁，同巴馬火腿嘅味道都好夾呀~而磨菇忌廉好香好滑呀~啖啖都有磨菇呢!而主菜就叫咗燒美國安格斯西冷扒配黑松露薯蓉同燒豬腩肉鹽味焦糖汁配青蘋果沙律。西冷扒口感嫩滑，仲好大份呀，而薯蓉有淡淡嘅黑松露香味，軟棉棉咁，好味! 而燒豬腩肉，有濃濃嘅炭燒味，燒到脆卜卜啦，但仲鎖住D肉汁，唔會乾身呀~最後出場嘅係法式椰奶凍配芒果汁同藍莓芝士蛋糕，兩者都各有特色，奶凍有好香嘅椰子味，而且好滑，而藍莓芝士蛋糕就酸酸甜甜，滿足晒大家嘅口味呢~

這裏一直是我們慶祝和聚會的地方，晚上餐廳內柔和的燈光加添浪漫氣氛。喜歡餐廳的環境，更喜歡其色香味俱全的食物。點了兩個晚餐，每個晚餐包括前菜、主菜、甜品，比起單點更划算。是日湯是南瓜湯，綿滑的南瓜湯帶着濃郁的南瓜味，湯上一勾的忌廉，增添其綿滑。而湯上的小蔥加上微微的爽脆和清新。温軟的美味徘徊在唇齒之間，幸而份量多，不會兩口就喝完。青蘋果巴馬火腿藜麥杏仁沙律。鹹香的巴馬火腿與少量的藜麥粒混在沙律中。杏仁畫龍點晴，為爽脆新鮮的沙律帶出另一層次的口感。這款前菜不能錯過。香草鮮蠔芥末忌廉汁扁意粉($258套餐)，鮮蠔肥美細滑，均衡掛滿濃滑忌廉汁的意粉微微散發出芥末味，煙煙靭靭。配上頂層爽脆多汁的蟹籽和爽脆小蔥粒，味道和口感都做得恰到好處。燒美國安格斯西冷扒配黑松露菌薯蓉($378套餐)，薯蓉份量頗大，非常軟滑，黑松露菌均勻散佈於薯蓉中。西冷扒外層是燒過的烤肉香和鬆脆的肉，內層則充滿肉汁，不加任何醬汁可嚐到原味肉汁香。是日甜品藍莓芝士蛋糕。精緻的四方形芝士蛋糕藏着濃郁細膩的芝士味，蛋糕，以藍莓醬伴碟。法式椰奶凍配芒果汁，頂層香甜的芒果汁、紅桑子、藍莓和杏仁，以法式椰奶凍盛着。奶凍除了嚐到椰香，也嚐

而家正值疫情嘅時期， 好多餐廳都各色其式， 務求可以吸引多啲食客黎幫襯～ 係openrice見到「The Grill Room」做緊安格斯牛扒套餐5折優惠， 平日set dinner二人同四人套餐都有做優惠， 連復活節都要有套餐優惠，真係好抵呀！ 所以就帶小妹黎食撐枱腳～ 最後我地叫左一份套餐同a la carte叫左份羊架～ 是日嘅餐湯係忌廉蘑菇湯， 入口creamy，菇味都幾濃郁，不錯！ 燒美國安格斯西冷扒配黑松露薯蓉 Angus Sirloin（12oz）（$378） 12oz嘅安格斯西冷扒有足足有1.5cm厚，可見斤兩十足！ 我地order左medium rare， 牛扒賣相呈炭燒格仔紋，外皮仲散發陣陣嘅煙燻香， 熟成度拿捏得還好， 不過切開唔係好夠juicy， 可能係牛扒都唔算太新鮮，但係肉味都算香濃， 附送小pot嘅自家製薯蓉，好精緻！☺️ 入口creamy，不過黑松露香唔算好突出。 上次食過香草燒羊架配烤蔬菜Roast Lamb Rack（Half）（$268），覺得幾好食， 所以今次要食過返尋味～⭐️推薦❗️ 4枝羊架，燒至

見好多人介紹呢間餐廳，於是就bk左食生日飯。呢度的環境氣氛一流，當晚都見到好多情侶一齊黎食飯，不過張枱就細左少少。睇完餐牌我地決定叫set dinner。前菜有蘑菇湯同沙律。個湯好香，不過旁邊塊包就硬左少少，唔夠脆。今晚的主角就係呢塊必叫的安格斯肉眼扒。切開色澤唔錯，確實係medium rare，肉質幾好，但表面煎得唔夠香，有啲失望。相反個薯蓉就好好味魚柳望落無咩特別，但原來外層煎得好香口之餘，裡面的魚肉仲keep到好嫩滑，有驚喜最後食埋甜品份量剛剛好。

今晚同朋友食聖誕大餐， 這間餐廳想來試很久，好辛苦早兩個禮拜終於訂到，因為星期五通常都滿座。我地叫左個Set Dinner有頭盤主菜甜品，另外叫左個意粉。頭盤是三文魚他他沙律，其實幾喜歡吃三文魚做的前菜，只要加點好味的醬汁和配料就已經是一個很豐富的前菜這次的配搭是用簡單的乳酪汁，而最特別就是用煙三文魚加刺身三文魚去造成的一個頭盤，這是坊間比較少見一種材料兩種食法，大概是現今最流行的做法。這個墨汁意粉是用新鮮的墨汁做的，加左青檸汁，所以沒有腥味，但就食到成個嘴污糟糟而且他的麵身是帶有彈性的，蜆肉也是鮮嫩多汁主菜就是16安士肉眼扒，用炭爐煎的牛扒，火候十足肉眼扒是薄身的切法，不過仍能做到五成熟的效果外皮焦香，肉質軟嫩。最有驚喜的是那個忌廉薯蓉，真的是十分香滑，配合用紅酒做的汁，和牛扒一齊食滋味無窮最後以一個精緻的芝士蛋糕作結尾為這個晚餐畫上完美的句號

黎到尖沙咀，高消費就真係唔少得架啦仲要係黎食西餐，不過無所謂食一次貴少少黎滿足下自己姐呢度坐位都好多，不過就最好book位啦人流都ok多而我就叫左個set dinner既首先頭盤就係三文魚他他配香草乳酪汁頭盤就揀左個特別少少既，唔係平時既沙津咁佢有2種既三文魚，煙三文魚同平時既刺身三文魚，不過食落就唔會分到啦有少少菜增加個口感仲有乳酪汁係比左少少甜味落去作為頭盤都幾開到胃主菜就係紅酒黑松露野菌燴牛臉頰肉配法式薯蓉 ($348)牛臉頰肉就有3大塊，黑松露既味道好濃，就要有少少偏鹹所以菌類會變到好入味牛臉頰肉既肉質好似牛腩咁，係一絲絲咁食落好淋，有少少肉汁唔會乾最後甜品就係藍莓芝士蛋糕成個碟都好靚，個蛋糕就細左少少藍莓味足夠，芝士蛋糕唔係實身個種不過就夠芝士味，什至有少少搶過藍莓

早前已光顧過銅鑼灣的The Grill Room，覺得環境、食物、服務也不錯，得知最近餐廳在尖沙咀開了分店，實在是我們九龍人的好消息！餐廳提供新開業優惠，價錢折扣很吸引。尖沙咀分店是位於尖沙咀港鐵站附近的樓上店，感覺地方寬敞，整潔新淨。餐廳的裝潢簡約，予人一種舒服企理的感覺。我和朋友都選擇Set Dinner，包括了Mains, Entree, Dessert。Mains共有七款選擇，單看菜名已覺吸引，最後我們點了慢煮三文魚配香草乳酪汁及紅酒黑松露野菌燴牛臉頰肉配法式薯蓉，前菜是巴馬火腿溫泉蛋配黑松露筍沙律及三文魚他他配香草乳酪汁。率先上枱的是巴馬火腿溫泉蛋配黑松露筍沙律，食材紅黃綠的色彩配搭很鮮明吸引！這個是凍食，柔軟的巴馬火腿點綴了溫泉蛋的味道，露筍很鮮嫩，打散後的溫泉蛋猶如滑滑芡汁把其他食材融入口中。前菜三文魚他他配香草乳酪汁也不錯，沙律菜新鮮爽口，粒粒三文魚質感柔軟，配合爽口蟹籽，口感特別。乳酪汁味道開胃，配搭得不錯。我選的紅酒黑松露野菌燴牛臉頰肉配法式薯蓉上枱時，陣陣的黑松露野菌芳香味動人，香燴過後的牛臉頰肉非常酥軟，有融於口的感覺，配合起紅酒和野菌汁，味道更見香濃法式薯蓉香

<The Grill Room>在尖沙咀開分店了，放工後跟朋友捧場。餐廳走型格路線，透明廚房及Bar枱設計，盡顯舒逸氣氛。Dinner Set有8款，前菜及甜品可以自由組合。三文魚他他配香草乳酪汁他他是軟嫰的滋味，三文魚粒粒新鮮香甜， 配合甜酸有致的乳酪汁，十分開胃。三文魚他他夾合清脆的蟹籽及生菜絲，是愉快的雙重美味。巴馬火腿温泉蛋配黑松露露筍沙律巴馬火腿充滿咸香，把爽脆、嫰綠的露筍結合流心蛋漿中，充滿滑溜的口感，只是黑松露味道不夠突出。慢煮三文魚配香草乳酪汁 $278慢煮三文魚是他他的半熟版，魚肉軟腍，入口肥美，肉汁鮮甜，配上香草乳酪汁，奶滑細膩。但份量略嫌過少，如果跟配薯菜，感覺更完滿。紅酒黑松露野菌燴牛面肉配薯蓉 $348燴牛面肉以低温慢煮方式，使牛肉保持原汁原味，防止水份流失。牛面肉軟腍、柔滑，用叉輕輕按壓，肉質變成一絲絲，口感黏密。黑松露野菌吸收了紅酒汁的精華，爽滑而帶微酸，是清新的伴菜。藍莓芝士蛋糕藍莓芝士蛋糕是淡雅的甜品，清新、乾爽的芝士層，配上鬆軟蛋糕，入口有粒粒藍莓果肉，酸甜別緻，令人意猶未盡。白朱古力鮮奶涷鮮奶涷香滑而奶味濃郁，白朱古力脆片令味道香甜

自Eatigo訂座平台出現以後，使用The Entertainer優惠券的次數已經少了許多。主菜買一送一的優惠，二人用餐只能使用一張，單數用餐人數便不能完全發揮這個App的好處。因此相較全單的折扣優惠，方便性始終較低。更何況The Entertainer還需要繳付年費才可以使用優惠，普及程度自然難以跟免費的訂枱app相提並論。話雖如此，The Entertainer的優惠券除了在公眾假期及數個特定日子之外，基本上沒有使用時間的限制，在正常用餐時段亦能享用優惠。食店亦不會硬要你在個半鐘內完成晚飯結賬，始終有其一定的實用性。趁著早鳥優惠，肯恩趕快買下來年度的優惠會藉，亦趁機看看有沒有心水餐廳值得在年尾前到訪。檢視了一下App內的餐廳優惠，發覺The Grill Room最近在尖沙咀開了分店。除了司空慣見的主菜買一送一套票，App亦有為這間食店提供晚市套餐買一送一的優惠券(不過這優惠券只可在2017年度內使用)。作為精明的消費者，一定知道晚市套餐買一送一優惠的吸引力遠較單純主菜買一送一的優惠為高(除非你到食店後真的打算只會點兩道主菜作晚餐)，這類優惠券在App內提供的機會委實不多。既然有新店

牛肉可以有很多煮法，但牛扒當然是炭火烤的最好食，今晚突然想吃牛扒，又唔想到取價進取的高級扒房，普通西餐廳又擔心不夠火喉，終於想起親民的 The Grill Room，因爲去過銅鑼灣的店留下印象，原來剛好在尖沙咀開了分店，今天方才開張，正好被我們遇上。我裝潢跟銅鑼灣店有些不同，同樣簡約舒適，設置開放式廚房，末嚐已經嗅到烤肉之香，偶爾見到火光熊熊，更加引起食慾。二話不說，即點16安士肉眼扒套餐。巴馬火腿配溫泉蛋黑松露幼露荀沙律造型有些美感，火腿及雞蛋互相擁抱著，60度溫泉蛋，並不流心但香軟滑溜，組合恰當味道好。炭燒美國安格斯肉眼配薯蓉16安士有份量，焦香坑紋，粉嫩肉質四成熟，完全對板。配角並不失色，薯蓉做得美味滑溜，燒汁香，香草汁味微酸清新，喜出望外。藍莓芝士蛋糕美麗的藍莓顏色，吃到新鮮藍莓的味道，芝士蛋糕做得輕盈，正合我心意。性價比合理，滿足的一夜！新開張有優惠，OpenRice 都有呀！