Mille Mele Tokyo (已結業)

咁啱行開尖沙咀 Donki ， 見到隔離有間賣「世界第一蘋果批」嘅舖頭， 順便入去睇下， 職員很有禮貌， 地方乾淨， 最後外賣咗一個蘋果批返屋企食。 蘋果批係好食嘅， 加埋啲吉士醬， 甜度啱啱好，不過36蚊一個， 真係貴咗少少, 因為完全冇 嘅感覺， 所以試一次便夠了。

尋日經過美麗華shopping行街 見到有好多舖頭都唔同咗 仲有牛角buffet真係嚇死我 可能真係好耐冇去街 好多地方嘅舖頭唔同咗都唔知 以後出街真係要留意吓有乜新餐廳可以試經過Mira Hotel 見到有一間門面紅卜卜好乾淨企理嘅舖頭仔 原來係買蘋果批 仲講到好勁咁世界第一蘋果批 入到去啲店員好有禮貌 咁我就買咗一個試吓 見到佢哋係即刻整 唔係比個櫃入邊嘅我 等我仲以為咁好賣得返幾個😂蘋果批到我手嘅時候仲係暖 咬落去不得了 入邊啲吉士好香唔會太甜夾埋蘋果真係啱啱好 嗰陣皮係鬆脆嘅真係好正 之後我仲帶埋佢哋個一口千層酥留返第二日食 呢個千層酥就係勁好食擺到第二日都仲係好脆好香 下次一定要再買過一口千層酥

上次介紹咗來自美國嘅蘋果批，今次介紹嘅係來自東京橫濱，喺橫濱起家之後喺神奈川開設幾間分店，而第一間海外分店就係香港。依間被譽為世界一の絕品蘋果批，品牌創辦人先後取得「料理奧林匹克大賽」、「世界蛋糕大賽」、「料理世界杯」、「米蘭世界蛋糕大賽」多項殊榮。 而店舖除左招牌蘋果批，仲有賣鬆脆既千層一口酥。-1️⃣蘋果批 💰36（👅: 8/10）溫度係小小暖，可能撞唔正新鮮出爐既蘋果批，聞落有小小牛油味，不過大小偏細。蘋果批外皮金黃色，批皮係每日新鮮手工製作，入口小酥脆但佢夠多層酥皮，但批皮比較薄身唔夠滿足感。餡料係用日本直送慢煮厚切富士蘋果粒製作，將蘋果醃漬至晶透剔透，再經過兩次烤焗，咁做可以保留傳統法式蜜餞蘋果製法帶來既香氣同甜味，所以蘋果咬落爽口，食落都新鮮，味度都係甜而不膩，但可能因為用富士蘋果所以食落酸味唔夠，同埋蘋果數量唔夠多。而蘋果批加入日本直送豆乳忌廉同日本直送無添加吉士忌廉，特製糖漿食落甜而不膩，亦唔黏口，帶小小既鹽味帶出牛油香味，吉士忌廉有牛奶同雞蛋香，食落幾幼滑，豆乳忌廉帶小小乳酪既微酸，平衡左小小甜度，不過呢個唔係加玉桂粉既蘋果批，有D人會食唔慣，唔鍾意重肉桂既人會好岩食。-

有世界第一蘋果批呢個朵🌍 好似好吸引😋 因為係日本食過熱辣辣甜蜜蜜既蘋果批🇯🇵令我念念不忘❤️試一試今次水準如何 一入到去 鮮紅色既裝修非常IG able📷 都幾有日式網紅店風格💕⭐️ 蘋果批 🍎 ($36)首先咬落去只係表面微微的熱🔥有點點失望😅 一粒粒既果肉有Juicy既蘋果香🤗淡淡既果香唔似美式咁多Spices🍂 反而加上幼滑既Custard 同蘋果既甜好夾 👍🏻豆乳Cream 口味都好輕鬆 🍦 呢種日式既細膩口味幾得我的歡心😁

脆皮鬆軟，有蘋果嘅果肉加內裡滑滑忌廉 ， 酸酸甜甜層次分明感覺真喺唔錯，只喺分量對比價錢 偏向少少貴，睇大家有幾愛食甜品。自問自己嘅話，經過買嚟食喺👌🏼，但專登去食就未到。