真香蛋卷

營業中

休息中

唔知係咪因為啱啱過咗新年，所以好想食蛋卷。不停周圍去買老字號嘅蛋卷返屋企試( ´▽` )ﾉ今次就買咗喺元朗都幾出名嘅真香蛋卷。佢間舖頭細細哋喺一條巷仔入面有一個阿婆同埋一個中年男人喺度做手作仔。睇住個男人一條一條咁樣喺度捲，真真正正嘅香港製造！結果我就買咗一罐拎返屋企試！不過佢哋當時最細罐嘅都要$128╭(╯3╰)╮返到屋企，一打開先發覺有勁多層，尤排食😂不過，我覺得佢哋嘅蛋卷缺少咗啲蛋味，但係都好重餅味(唔識點形容呀，好似雞仔嗰啲餅味)~\(≧▽≦)/~ 最慶幸嘅係唔係好重奶味，因為我自己唔係好鍾意食重奶味嘅蛋卷。不過我個腌尖嘅friend就話有少少燶味🙄，我食咗幾條都冇發覺，而且我媽咪都好鍾意。其實佢哋有好多唔同嘅手作仔食品，下次可以再試吓。

一打開個盒就好大陣蛋香味飄出黎。果然無令人失望，好重蛋香味，食落無牛油味。唔滯，好香脆，脆到一咬就成條碎哂.....其實我已食得好小心...... 唔油膩，岩哂一家大細食用。價錢都好親民，64蚊一罐，食用期三個月，不過我相信幾日會食哂

間野係橫行入面，買咗一罐蛋捲試下⋯價錢好似$64，一打開已經好香蛋香味湧出來，雖然佢嘅蛋卷係比較薄⋯但食落去係超級鬆脆，同出面好唔同⋯好味道。我買緊嗰陣時，我仲見到個老板喺度卷緊鳳凰卷⋯下次再去嘅時候一定要試吓鳳凰卷。