OPPA韓國燒肉店

營業中

休息中

喺旺角做嘢做到夜，想搵啲嘢慰勞自己，咁啱見到韓燒九點半後八折入咗去食。氣氛好好，似韓國街頭小店，一條條抽氣伸落嚟，少少懷舊、幾warm。✦ 泡菜豆腐湯足料，好多豆腐、泡菜、配菜，味道濃郁，每啖嘅尾都有hint of泡菜嘅酸辣味。好開胃、惹味。 ✦ 和牛拼盤好睇又好食。木盤係牛嘅形狀，載有美國上肩胛肉、美國牛小扒、美國下肩胛、日本A4背峰/上腦肉/牛肉眼、1++韓牛肉眼、澳洲和牛頸脊、澳洲和牛舌等。顏色鮮豔、牛味濃郁、紋理清晰、肉脂均勻。可以配搭生菜、夾泡菜入口，口感豐富。 ✦ 蜂蜜原漿米酒有特色，係韓國傳統飲料。入口順滑厚身，配搭蜂蜜後味道略甜。份量唔少，飲完好暖肚。 食晒咁多嘢都唔使五百，性價比甚高。

好耐冇出嚟食燒肉，呢間餐廳成日路過見到都好吸引，趁早唔使排隊入咗去！餐廳好有氣氛，仲有電視播緊韓文歌，直頭好似去咗韓國咁。另外抽氣系統做得幾好唔覺大油煙。前菜都幾多，一共有四款。大豆芽好香麻油味，昆布非常爽口。燒肉仲會跟埋爐邊蛋，配上泡菜好開胃好滿足！🍽️ 牛肋骨湯 $108天氣好凍所以叫咗個湯飲！湯底濃郁，配料好多，有白蘿蔔、枸杞、紅棗等，牛肋骨亦都好大件煮得好腍身，兩人飲亦覺得好大份！🍽️ 牛氣沖天和牛拼盤 $458和牛拼盤有齊多款美國、日本、韓國及澳洲牛肉，牛魔王見到呢個拼盤即刻流唒口水！其中日本A4牛肉眼非常出色，油脂豐富、入口即溶。1++韓牛肉眼肉質鮮嫩細膩，口感鬆軟多汁，肉味非常濃郁。牛肩胛肉厚實但軟嫩，脂肪適中。拼盤有跟生菜，包肉一齊食更加好食！🍸 蜂蜜原漿米酒 $88米酒係韓國歷史悠久嘅傳統酒，機會難得當然要試吓！米酒帶啲碳酸同微甜嘅香氣，入口順滑，加上蜂蜜甜甜地更加容易入口。一set酒份量都唔少，飲完成個人都暖笠笠！

呢間韓燒🇰🇷🔥其實開左好耐，咁啱之前食飯經過附近見到記得就再黎食下～ 一入到黎已經見到色彩繽紛既壁畫，全部係唔同食材既卡通，有得意既雞🐥、牛🐮、豬🐷同八爪魚🐙，令人感覺開心啲～ 食材方面選擇多，質素都唔錯～(5 😍 係滿分，🤩係半分）牛氣沖天和牛拼盤 🐮 - $458 (好味指數：😍😍😍😍)原本以為個拼盤淨係有唔同牛🐮既部位，原來連唔同產地既都有，啱晒我呢啲鐘意一氣過試晒唔同野既人😌美國上肩胛肉 🐮：係牛肩上面既肉，肌肉纖維相對比較多，口感結實啲但唔會韌，肉汁豐富美國牛小排 🥩：油脂豐富，肉質結實，而且去左骨🦴就啖啖肉咁幾好食😋美國下肩胛：係由肩部到背脊位置既部分，纖維細小，肉質柔軟，油脂適中，味道濃郁～日本A4背峰肉：即係肉眼頂蓋，黎自和牛肉眼🥩上面嫩滑既部位，係和牛🐮入面得大約得1.5~2KG左右，油香同肉味比例平均，甘香鮮味，油花同爽口兼備幾正🤤日本A4上腦肉：呢個部位係唔近腦🧠既😂 上腦肉係指牛後頸、脊骨兩側既肉，肥瘦交錯但會感覺偏瘦啲，細嫩多汁，入口即化～日本A4牛肉眼 🥩：肉質嫩滑，有幾香濃既牛味🐮同埋幾靚既大理石花紋，有幾醇厚既油香🤤韓牛肉眼 🥩：食完和牛就食韓牛🐮，感覺

今日來到依間近旺角東嘅韓式燒肉店😋 裡面裝橫充滿韓國街頭小店特色，兩邊牆身都以色彩繽紛嘅壁畫作點綴，打卡一流👍 店內不斷播放著韓國流行音樂，氣氛極佳❤️ 首先當然㨂好睇又好食嘅和牛拼盤😍❤️ 內裡包含韓牛肉眼、澳洲和牛舌、日本A4牛肉眼、美國上肩胛肉、美國牛小排等等😍 包羅萬有款式極多元化😙 全部都好新鮮，色澤紅潤，油花均勻，超級高質❤️ 🐧 最喜歡當中嘅和牛舌😋 食落口感爽滑又彈牙，嚼感極佳，牛味濃而不膩，真係會食上癮😙 另選了一客食韓國野必點嘅石鍋拌飯🤭 熱辣辣嘅石鍋原個送上，內裡裝滿各式泡菜配料，散發著迷人嘅飯焦香氣🤤 攪拌均勻一齊食用，口感豐富啖啖滿足😋 辣香又惹味，超級正❤️ 飲品特別㨂選了蜂蜜原漿米酒😚 米酒濃郁醇香，酒味出眾，加入了甘甜清香嘅蜂蜜，飲落更順口更芬芳🤩