幸屋

營業中

休息中

很久沒吃拉麵，來到灣仔這間小店嚐嚐。我和男朋友兩人點了一個蝦武士（$88）、一個黑武士（$83），加$20可以轉套餐，配小食和罐裝飲品，我們要了一個套餐，小食要炸雞，另外再點了一客和風餃子（$38）。這店提供熱茶而不是冰水，如果喜歡冰水的可以跟店員說，他們也可以提供的。桌上有大豆芽作前菜，我們吃了一點，很開胃。「蝦武士」是海老蝦味噌拉麵，一上枱，就聞到濃濃的蝦湯味，還有很多櫻花蝦，賣相非常吸引，我們選了豚角煮和叉燒混合，各有一件，份量很足，配溏心蛋一隻，配料有椰菜、蔥，麵的軟硬度、湯底濃淡、配料多少都可以自己選擇的。選了特濃的湯和最多濃香油，本來擔心會否太濃味，結果我們都很喜歡這種口味香濃的湯底（可能是我們重口味吧），加上櫻花蝦，每一口都充滿著蝦湯的香氣。「黑武士」是黑蒜濃厚山藥豚骨拉麵，也是很期待的，同樣選了豚角煮和叉燒混合。豬骨湯味非常突出，吃得出真材實料，但是因為我們選了少濃香油的關係，黑蒜油味就不太明顯，如果喜歡清淡的可以這樣點，但是如果想吃濃濃的黑蒜油味就要點多濃香油了。（我們還是太重口味吧）豚角煮肥瘦分明，厚厚的一大片，一層瘦肉一層肥肉，喜歡吃腩肉的應該會覺得很美味，但我不

同朋友約咗喺灣仔食嘢, 上嚟openrice睇下附近餐廳嘅食評, 就決定嚟呢間小巷拉麵度試下啦👯‍♀️ 落單方式都似日本嘅拉麵小店, 可以自己填紙仔定制自己想要嘅拉麵麵條類別、軟硬度、湯嘅濃度... 特別在連叉燒都有得揀：可以揀平時拉麵嘅叉燒, 或者豚角煮, 或者mix都得‼️▶️黑武士 (黑蒜油豬骨湯底) HK$83揀咗叉燒～▶️蝦武士 (櫻花蝦味噌湯底) HK$88揀咗豚角煮～拉麵全部都好大碗, 仲配埋成隻溏心蛋🍜🥚小食都有好多唔同種類揀‼️喜歡飲啤酒嘅朋友可以叫小食送下酒都應該幾正, 見到佢有麒麟Draught Beer🍻▶️吉列廣島蠔 HK$42Deep Fried Oyster炸蠔好好食呀‼️超級熱辣辣上枱, 係新鮮炸出嚟嘅～ 配上沙律醬同埋和風醬～仲有生生菜可以夾埋一齊食, 有啲似係食緊炸串嘅感覺添呀🤭▶️和風餃子 HK$38Japanese Dumplings 傳統日式煎餃子嘅做法👍🏼煎到一邊有脆底, 呢度仲喺上面加上咗沙律醬同埋蔥花～🔺🔺🔺🔺🔺🔺🔺🔺🔺🔺🔺

禁堂食前去食餐好，揀咗間拉麵店面唔大，成晚都滿場，呢間小店都幾受歡迎。小食揀咗個芝麻雞翼，其實想食明太子雞翼多啲，不過呢度無。但呢個雞翼都有驚喜，入面係無餡，普通雞翼，但一咬落去係有汁，調味剛好，有少少辣味其實仲叫咗個炸雞，但唔記得影相都好好食，又係好多汁，配上mayonnaise，熱辣辣，無得輸。拉麵方面質素中上，蝦湯嘅蝦味唔算好濃，主要靠蝦乾調味，麵同叉燒都係正正常常，配料好多，可以話係性價比高，味道唔算好出彩。朋友叫咗個胡麻王，但佢話無乜芝麻味，當係普通豚骨拉麵咁，味道都係正正常常。整體來講都滿意嘅，平時晚飯都係個唔錯嘅選擇。

老公愛吃拉麵，我就一般啦～今日陪佢試下呢間幸屋，主食有🍜拉麵及丼飯，另外仲有🍢炸物小食串燒，送下啤酒～🍻揀緊食物時，店員為我們送上熱水及綠茶包～時常留意，主動為客人加水👍🏻😌炸雞外層薄脆不油膩，咬開裡面仲有閃閃油光，嫩！細細碗，但份量都ok，牛舌軟身～仲有粒粒蘿蔔都好入味，我覺得好食，但老公覺得甜咗啲😆拉麵來了～個蝦味湧上嚟～超濃郁蝦湯，湯可以揀特濃、濃、正常三個層次。我揀正常已經覺得好濃郁好好味～肉揀咗Mix，一件义燒一件豚角煮，勝出嘅係豚角煮好食！入味！夠腍！入口化開咁～～薄切燒牛片，燒得剛好，邊緣微焦，香脆～配上醬汁一齊燒～甜甜地，好味～糖心蛋perfect池！最後讚下～店員親切熱情❤️店舖清潔乾淨，有客人離座便會清潔座位👍🏻

自從疫情爆發，我同女友冇乜出街食飯，但今日決定出去食個快靚正既晚餐，順便補祝情人節。拉麵係食同煮既過程都非常快，所以今日同女友去左灣仔既幸屋。餐廳樓底好高，座位之間有一定距離，唔會太迫，減少同其他客人有接觸既可能。餐廳既拉麵以武士為名，一共有七款，任君選擇。- 蝦武士🦐湯底有大量蝦米，不過蝦既香味唔太突出，味道偏鹹。反而豚角煮（Pork Belly)喜出望外，肥瘦比例啱啱好，而且燒得幾香，麵條都彈牙。最開心莫過於餐廳以椰菜取代芽菜，實在太感動啦！- 黑武士🍜即係黑蒜油拉麵，女友認為蒜香味都足夠，麵條揀左粗麵，同幼麵一樣咁彈牙。另外肉類揀左Mixed，有豚角煮同叉燒，女友覺得豚角煮略勝一籌。- 芝麻雞翼肉質都ok嫩，而且幾多肉。另外皮薄香脆，芝麻味好香。- 和風餃子🥟薄薄既餃子皮加上一層脆脆，餃子層次更多。另外加左沙律醬、木魚同蔥，味道更豐富。整體而言，拉麵定價唔貴，大部分$100以下，小食有驚喜，食完一定「武士」！

約咗朋友喺灣仔食晚飯，去咗一間日本拉麵店，裝修簡潔，坐得舒服，而員工服務好親切有禮貌菜單有拉麵、鰻魚飯牛肉飯同多款小食可以選擇，枱上有酸辣芽菜可以任食我叫咗碗黑武士，係黑蒜油拉麵，蒜味好香濃，有叉燒、糖心蛋、木耳、紫菜、椰菜等，配料好豐富，而拉麵質感夠硬身，配合我口味朋友叫咗蝦武士，係櫻花蝦湯底拉麵，蝦味濃郁仲叫咗個蟹籽沙律，好清新開胃，係蟹籽加沙律醬同青瓜絲飲品有清酒汽水等，仲可選擇啤酒，夏天飲杯suntory啤酒夠正啦小店用心經營當然要支持，尤其是員工服務態度好好，值得一讚

我寫料理係因為唔止拉面好食，係差不多樣樣我地點的小食都好好味，6點去到完全無人，仲心諗係咪伏店呢，好在有試，仲想一試再試點左「蝦武士」真材真料有好多櫻花蝦，湯都濃，仲有特濃選擇，個人覺等湯底只濃唔夠鮮。另外佢既幼面好爽，叫普通硬岩岩好，面底都好多，女仔食得晒都飽左9成。重點來了....就係舊叉燒，肥瘦適中，咬落有酒香但唔oily，我覺得好過日本來個啲連鎖多多聲！加多$20就有一個小食同飲品，當然加埋啦，我同友人叫左鷄軟骨同栗子餅。軟骨不過不失啦，香口易咬。我之前未食過栗子餅呀，今次一試愛上！好多好多栗子蓉，栗子味好濃但唔太甜（本人好怕甜野），外皮炸得好金黃，唔止賣相好靚，好睇又好食！仲叫多左個牛肩串燒，呢樣麻麻地，太乾身所以無咩咬口無咩牛味。員工服務好好，不過位置唔多，好在周未早來先試到咋！

落超級大雨嘅一日，只想快快趣趣食完個lunch即刻走人。一入到嚟，細細哋但有啲日式小餐店嘅感覺！限定王 ($93)今日係黑松露沾麵，又幾得意喎！整體賣相不錯，好豐富。一手將所有黑松露醬撈入湯，味道唔會太搶；最開心係有幾粒蜆，入面冇沙而且肉厚，幾滿意！豚角煮冇想像中咁肥，反而肉多過肥膏，肉質食落鬆軟，喜出望外！蝦武士 ($83)湯底好濃郁好杰，蝦味比想像中濃，再連埋啲櫻花蝦一齊食，夠晒蝦！糖心蛋好入味，蛋黃有少少流心，正！叉燒肥瘦適中，不過得一塊，唔夠喉！拉麵偏幼身，但掛湯能力不俗！自家製餃子 ($30)有4隻餃子，雖然煎到有冰花效果不過燶咗啲；但食落餃皮薄，入面好juicy，餡好有咬口感而且醃得啱啱好唔會過鹹炸雞 ($38)件雞非常乾身，一啲都唔覺得好油膩，肉厚好滿足，不過就鹹咗啲，係咪醃得重手咗？！呢度樓底超高，加上廚房喺盡頭，完全冇油煙味！