帝苑餅店

營業中

休息中

這個品牌的蝴蝶酥真不是蓋的，金黃色的外層，加上濃郁的牛油香味，入口鬆脆又夠酥化。用料更是非常講究、採用新西蘭小麥粉及特級牛油製造，更滲出焦糖的甜香味，甜度適中啱啱好，難怪一吃便停不了口；如配上一杯香濃的咖啡，更是相得益彰。#theroyalgarden #hongkong #tsimshatsui #hotel #帝苑酒店 #香港 #尖沙咀 #酒店 #帝苑餅店 帝苑餅店地址: 尖沙咀麼地道69號帝苑酒店大堂電話: 27332045

新年個陣朋友仔比左幾塊帝苑餅店既蝴蝶酥我試，一試之下，嘩！好食喎！之後自己忍唔住買返盒！雜錦蝴蝶酥$198原味 - 正！香脆又唔算甜！芝麻 - 加左芝麻，成塊野充滿芝麻味！又有啲咬口！朱古力 - 算係濃朱古力味，同樣唔會太甜！宇治抹茶 - 好食😋作為抹茶甜品愛好者覺得呢個茶味都出！P.S. 我本身麻麻地食蝴蝶酥既人黎，但呢個食完會再想繼續食！真心值得試試！

之前同事係農曆新年時帶翻黎一盒fine food原味蝴蝶酥，一試之下不得了！簡直驚艷。可惜當時屬於農曆旺季已經被人預訂晒啦～等到今個月係表妹生日，突然醒起可以買黎做禮物，於是就專登坐地鐵去尖沙咀。當時濛濛細雨，時間已晚，雪櫃度的糕點幾乎售罄，只剩下馬卡龍，可惜，下次早點黎試試。買左一盒mix，原味同芝麻味，178元，都唔平。鐵盒裝送人最相宜，設計簡約又高檔。造型實在很靚啊～一打開香味撲鼻而來！果真係好酥好酥！係我咁耐以來食過的最酥的蝴蝶酥。原味的有淡淡牛油香，芝麻的口味更豐富。同朋友分享時，芝麻味更加受歡迎。希望妹妹食得開心。

今年農曆新年吃到很多美食，這盒來自Royal Garden的蝴蝶酥也不例外一直知道Royal Garden的甜品很有名，當中妹妹更大力推薦其蝴蝶酥，說是吃過最好吃最好吃的蝴蝶酥！嘻嘻～數年前我也帶過外國的朋友嚐其特色甜品，印象中確實不俗～蝴蝶酥非常鬆化，但結構絕不鬆散，很少吃蝴蝶酥不會掉碎，這裏的蝴蝶酥居然做到了！另一點非常驚訝的是，其牛油香味濃郁卻不覺得膩，不知不覺越吃越多整體很值得一吃，推介～

小弟不算很嗜甜，但吃甜食及糕點機會絶對不少，因為林二小姐是甜食專家，不時都有大量零食益大佬，今天她的好朋友送了她一盒帝苑酒店出品的蝴蝶酥，蝴蝶酥可歸類為易製甜品，材料基本只需現成急凍酥皮、沙糖及雞蛋，基本上很難造得難食。不知道大家在進食完蝴蝶酥或一些酥皮製品後，整條舌頭會否感到很油很膩，而且久久不散呢？這感覺很不自然，跟油本身好像一點關係也沒有，小弟吃肥牛肉及油炸食品時也沒有這種感覺，只有吃酥皮製品時才有，莫非這跟充滿反式脂肪的人造牛油有關？在下未能求證，但今天吃帝苑酒店出品的蝴蝶酥，並沒有這個現象。蝴蝶酥 250g (正價HK$160)面前的一口氣吃了多件，舌頭也沒有那種令人不適的油膩感覺。看一下食品標籤，啊！原來 ，從網上找到的資料發現，原來酥皮湯的酥皮每100g計反式脂肪含量有可能高達2.6g，而按世衛建議每人每日不應攝取多於2.2g 的反式脂肪，我正在吃的它原也不太邪惡，至少我知道幹下一整盒也不會反式脂肪超標。味道方面，面前的充滿了焦糖味而不帶丁點燶味，焗的火候掌握得很好 ; 口感則相當鬆脆而毫不油膩，最重要沒有令我舌頭不適，真的是很好很好的酥！總結: 經過再去買一盒！

朋友知道我鍾意食蝴蝶酥，送了一盒呢間高級餅店蝴蝶酥比我！包裝簡潔，白色紙盒包膠袋！打開已經好香甜牛油味，蝴蝶酥金黃色心型，每一件都好靚嘅心型！無碎裂，好輕身，咬一啖，好鬆脆，甜度剛剛好！做到酥香脆！唔會膩，食到停唔到！好好味！

好友知我的生日，預早送了一盒名物給我，小生有禮。能稱得上名物，當然是眾所週知的，很多時在 facebook 見到朋輩在拿著讚美或炫耀時，自己暗地裏渴望有機會一試。終於皇天不負有心人，這天我收到了！它就是好友從帝苑餅店購來的蝴蝶酥。打開盒罐，牛油香味撲鼻而來，金黃的顏色散發出光澤，拿上手輕盈但不是一碰即散，入口鬆脆，牛油的香味不羶，混合焦糖的味道，成就了一盒名物，我吃了兩塊，其餘珍而重之慢慢歎。可惜！公子多情，紅顏薄命，開了盒不夠三天，已空無一物，慨歎家中小魔怪鑒賞力及消化力特強，為何包嘉頓時時食，月頭到月尾都仍健在？

如果與愛吃蝴蝶酥的朋友講到城中蝴蝶酥心水頭幾位的話，相信一定有帝苑餅店Fine Foods出品的份。 這夜與朋友飯聚，沒想到會收到朋友帶來了一盒帝苑蝴蝶酥小禮物，而且這還是一盒由原味蝴蝶酥mix最新推出的芝麻味蝴蝶酥呢。實在太驚喜啦，在此要再次謝過這份甜甜心意。盒蓋印上Fine Foods餅店的白配金桐色方型鐵盒設計清雅大方，用來送禮的確不錯。一打開鐵盒，已經聞得到那份牛油香，一盒共32件原味和芝麻味蝴蝶酥擺得整整齊齊。每塊淡淡金黃色的蝴蝶酥從外表看，已經看得到層次分明。雖然還未食，已經被吸引了。 快快餵完相機就唔客氣啦！經典的原味蝴蝶酥咬落十分香脆鬆化。甜度適中，兼帶點焦糖香，輕輕的牛油香不會讓人食到覺得膩。至於新推出的芝麻味蝴蝶酥，比原味蝴蝶酥再多加了黑芝麻和白芝麻，食落質感一樣香脆，而且還多份突出的芝麻香， 超喜歡這新口味！與朋友大家一塊接一塊食，食到停唔到口呢～

行經尖東，就想起FINE FOODS 的美味蝴蝶酥 ($98)，不只有外表，還有內涵~包裝的紙袋很漂亮，送給別人作禮物很體，而且味道也很好，非常鬆化，又不會太甜，令人一食再食~用CITIBANK CARD 比錢仲有 15% DISCOUNT，真是好了雖然折左都仲要八十幾，但間唔中買D甜點氹下自己係非常之開心的~

上次只能與蝴蝶酥擦身相遇, 今次不能再錯失機會, 所以今次一定要買咗先之再去BUFFET。其實60蚊一包我真係覺得物超所值呀, 真係好好味, 味道又唔係太甜, 難怪蝴蝶酥次次都係LUNCH前後就會好快賣晒啦, 如果有心想試既話真係要訂囉。今次我冇訂到所以只係好好彩咁買到兩包, 個SALE話其他都俾人訂晒lu,仲叫我下次黎之前記得打電話黎訂左先呀。放心啦, 下次再買既話我一定會訂架。

見人人都話D蛋糕好食，仲有蝴蝶酥潻...整個星期都好忙好多嘢做，就獎勵一吓自己，喺last working day of the week諗住買D甜點食吓... lunch time已經打電話去問吓有無蝴蝶酥，因為聽人講要預留，店員都好nice，而我都好彩可以留到兩包！諗諗吓，還掂都要專程去，不如對自己再好D啦，要D cake試吓都好喎，就係咁，我留埋fresh fruit cream horn，tiramisu同埋chocolate truffle...其實我仲想要埋blueberry cheese架，但係我真係無辦法食咁多，唯有留返下次啦！首先食嘅係horn，人人都話好食，連店員都話超好食...但係我諗因為我買完之後行咗好耐先返屋企，所以一冷一熱之下，變"淋"咗，一D都唔脆但係味道係幾好架，我諗即買即食係非常good的!第二日，開包蝴蝶酥試吓先，我本身就對呢樣食品無咩特別喜好，只係抱住試吓係咪真係咁好食心態，原來真係好唔錯，好鬆脆，唔會過甜，係會令人不知不覺一次食好多件果D，我第一次食咗四件先停口！到夜晚，點都要食埋D蛋糕啦，首先食tiramisu，我覺得係有水準嘅，不過未係我食過