正宗水上人蒸氣鍋專門店 (已結業)

好耐之前晚飯時段旺角分店食過一次，今日黎到尖沙咀，見到lunch小菜同點心有半價優惠，海鮮有7折，一於再戰水上人。🥄蟲草花燉白肺湯 $48好足料，不寒不燥蟲草花湯，飲落鮮甜清潤，養生又養顏。🍴雞汁脆笋 $58本身想叫碟菜，但見到有我鐘意既笋，當然食笋啦。加左雞汁好入味，笋味道鮮美，好快清光。🍴麻辣燒賣 $18麻辣味重，食落香好惹味，足料好味。🍴黑色午夜 $15入面係流心荔枝味，第一次食，感覺好新奇。🍴嬲豬豬 $15名字同賣相都好搞笑，入面係流心乳酪，乳酪味重。🍴回味辣子雞 $68小炒夠獲氣，辣子雞夠香口，雖然辣，但回味無窮。🍴豉油皇炒麵 $68用我鐘意食既幼麵黎炒，分量夠哂多，食到飽飽。蒜茸粉絲蟶子皇 $68/1lunch食海鮮，有點邪惡感，但太耐無食蟶子，所以叫左一隻滿足下。好鮮甜，蒜味極香，好食。🍴花蟹仔（約8兩）$ 158味道有點淡，但過下口引，午餐食份量剛好。

這間位於尖沙咀厚福街路口的正宗水上人蒸氣鍋專門店，平日晚上間中會跟同事去食蒸氣鍋，我都跟店員都比較熟，她跟我說午市有半價小菜優惠，有時間可以過去試試，今日假期放假，帶老婆去試一試。午市時間都有做蒸氣鍋，全部都是以每位起計，亦都有單點。但今天我們只選了吃半價的小食，除了飲品類，全部都是打5折。回味辣子雞：辣子雞幾乎被乾辣蓋過，望見都覺得辣，但吃落去只有微辣，沒有想像中的十級辣，雞肉炸得很乾身，但肉質嫩滑，辣味感比較低，但非常惹味，適合只能吃小辣的大眾。蟲草花燉白肺湯：初時以為豬肺湯是白色的，但開蓋後竟然是偏黃色，表面有層雞油黃，但只有薄薄一層，湯內有很多材料包括蟲草花、雞腳、雞骨肉、豬肉及豬肺，味道似雞湯多於豬肺湯，可能是大量雞肉及豬肉煲燉而成，湯很清甜有雞湯的香味。椒鹽炸鮑魚：鮑魚共有四隻連殻一起上，表面舖滿著炸蒜、乾葱頭及少許辣椒，鮑魚是用鮮鮑，表面𠝹上井字炒爆而成，再放入鮑魚殻內，肉質爽口彈牙，椒鹽惹味，有避風塘的感覺。總結：$44就可以吃到4隻新鮮鮑魚，成本都不只，絕對平絕全港，食物味道中上，沒有將貨就價，值得一讚，良心企業。