小漁港海鮮舫 鮮蒸‧鮮味火鍋

營業中

休息中

朋友本月生日，難得齊人當然是要食大餐海鮮蒸氣鍋幾年前剛興起時曾經在老尖食過那次也是因為朋友生日感覺性比價不高，每位埋單直逼七百味道也沒有特別出色，所以之後一直沒有再食今次壽星女提出要食蒸氣鍋時，本人也不抱希望但竟然今次比幾年前的好很多避風塘豬手雖然看似很辣 但其實只是微微辣，頗脆皮下有很多膠狀軟骨，感覺可以補充骨膠原當作等候時的小食，很惹味但這款沒有包在套餐裡，是額外點的貴花蚌肉質彈牙，而且鮮甜殼的汁也可以飲帶少許咸味和鮮味蒜蓉粉絲蒸扇貝本人其中一款喜愛的菜式只要扇貝新鮮，基本上也不會是伏帶子肉質不會老，配上蒜香粉絲大愛馬刀貝這款平日刺身吃得多，蒸還是第一次比起刺身，熟食肉質比較煙韌結實，不錯蕃薯貝 & 珍珠蜆對比剛才的貝類，這款鹹香海水味最重雖然是細細粒，但肉質飽滿，鮮味無減，本人頗喜歡的鮑魚平日家父煮新鮮鮑魚都是汁煮第一次食無配料的清蒸鮑魚肉質爽口，不會過韌，帶陣陣鮮甜味草蝦蝦頭有大量膏，超級鮮甜而且肉真的很彈牙，相當新鮮平日本人不太愛食蝦，但都覺得這隻蝦是頗高質長腳蟹最期待的環節，店主捉住隻蟹過來時都覺得很生猛蟹腳啖啖肉，大家都食得津津有味大量蟹黃與生米一起在底慢慢煲成粥蟹粥結集

奶奶生日約食飯，有人話好想食蒸氣鍋，同事介紹荔枝角道這間小漁港，老人家想早啲，book咗六點， 入內店員安排好座位即刻可以點菜。這裏有兩款海鮮套餐，食客亦可以散叫餐牌上各款菜式。想來想去，計來計去，最終決定海鮮餐，價錢合理可以試多啲唔同嘅海鮮。起初諗老人家不吃魚生，都怕奶奶吃不到太硬的肉蟹，所以點選另一個餐吃長腳蟹，阿拉斯加長腳蟹蒸熟後，佢個仔可以幫佢拆蟹肉。配咗个瑤柱瘦肉粥底， 好期待最後煲好嘅粥先上蒜蓉粉絲蒸日本元貝連小蕃薯仔，店員幫忙預教好時間，剛剛蒸熟好新鮮呢隻蟹據我估計大概有三至四斤重，這個size我哋六個人食都應該啱啱好。這個海鮮套餐主角是阿拉斯加長腳蟹，斬件蒸熟，肉質鮮甜，好味蒜蓉粉絲蒸貴妃蚌，蒜蓉粉絲蒸聖子，新鮮劏好的貝類海鮮用這個方法蒸，一定可口!繼續蒜蓉蒸開邊大蝦，新鮮蒸熟南非活鮑魚。清蒸大花甲，好鮮味!蟲草花蒸雞(烏冬底)，這個雞醃好入味，蒸熟之後，烏冬面索曬啲汁，阿囡吃個不停!尾声，個蟹殼放入煲粥，店員幫忙煲多一次个粥底，果然會綿啲

天氣凍凍地，自自然然想揾食 d又熱辣辣既野食。朋友介紹太子有間蒸海鮮口碑唔錯。以前食過幾次蒸海鮮，唔係貴就係好似白拾鮮冇咩味，所以都唔抱咁大期望，點知反而有驚喜.一黎到侍應就叫我地上facebook睇下今日有咩精選menu~就係「是日廚師精選套餐」($298/位).見有餐叫又唔駛煩食咩,就叫呢個喇.老闆叫我地坐一陣,轉頭就拎左大大碟刺身出黎.上便條魚個口仲係度開開合合,雖然有D得人驚,但真係好鬼新鮮. 之後既海鮮都唔多講喇~鮮味到爆,蟹又多羔,鮑魚又鮮甜,扇貝同鮮蝦樣樣都新鮮到不得了.最正就係有成隻手掌咁大隻既賴尿蝦, 多汁又鮮味!最後個蟲花雞烏冬,吸哂D精華,真係好有驚喜呢!最好係所有野都唔會話蒸過火, 同埋又唔會好似打邊爐咁熱氣,好少可清淡得黎又咁好味,怕肥既女仔啱晒!同班FD嘻嘻哈哈又一晚LU.唔洗300 又有海鮮又有刺身, 仲唔駛收加一, 我諗如果下次有朋友想食海鮮嘅話,叫佢地唔駛去咩咩西貢香港仔~近近地太子就有好野食.

老闆熱情推介我地試下每日唔同既'是日廚師精選套餐'，就揀左呢個餐啦九點後入座可以減$50~座低冇耐店員就倒左d熬粥既材料落個鍋度(有南瓜,元貝仔同豬肉碎)，油甘魚刺身好快就送到黎，刺身好多片，仲有埋腩位！食到一半店員就幫我地蒸海鮮啦。第1盤係蒸鮑魚&元貝&花竹蝦，元貝連埋蒜蓉粉絲蒸出黎好香又鮮味，再多d蒜就好🙊花竹蝦厚肉鮮甜第2盤係蒸聖子&生蠔&波蜆，好鮮甜，冇沙！第3盤係羔蟹，好大隻 好多羔！d羔多到我要用黎撈粥食個粥底集結左之前幾盤海鮮既精華，好鮮甜！！！最尾個盤就係蟲草花蒸雞同埋雜菜，雞下面原來仲有烏冬，d烏冬索哂雞汁既精華，非常入味！原來最尾仲有甜品，和果子2粒。冇食到又冇影相。因為已經太飽了個粥打包左第二日做早餐。值得一讚既係店員們都好熱心咁幫我地蒸海鮮，老闆好熱情，又幫我將蝦頭放落粥底一齊熬粥好少火鍋店既職員會咁有禮貌

今日突然間好想食海鮮，又想去油尖旺區食，朋友介紹太子小漁港，朋友仔話地點方便，海鮮好鮮味，每日都有不同類型新鮮海鮮，員工服務態度好，地方坐得舒適，所以去試試，試完一試難忘環境好舒適生蠔好鮮味，有好清香嘅海水味道 蒜蓉粉絲蒸元貝，粉絲索左海鮮香味好好食鮑魚好彈牙，花蝦好多膏小龍蝦好有特色，令人食指大動膏蟹全晩精選，好多膏好鮮甜，必食😋蟲草花蒸雞配冬茹，好出色每日Facebook 推介新鮮海鮮套餐，好方便

呢排好興海鮮蒸鍋，咁岩同男友行開太子，見呢間幾出名，所以就入去試下。９點左右去到都幾多人，好在咁岩有人走，只係等左幾分鐘就入得座位都好闊落呢度裝修都幾有香港特色。９點後原來仲有特價，每位$218，仲要免加一，免茶芥，免小食，比出面真係平好多。佢地仲有潮州小食，橋頭幾入味，幾開胃，好食。每個蒸爐都有電子計時器，每次只蒸一層海鮮，全程店員都好細心去幫手蒸，每次要等5分鐘左右。可以慢慢食，細味每款海鮮既味道。第一屠，全部都好鮮甜，唔洗點任何醬油，真正明白到只要材料新鮮真係清蒸都好好食，咁先食到個鮮甜味粉絲吸曬Ｄ味，好入味！栗米都好甜，好食。第二屠，元貝，一點都唔硬，連埋蒜蓉粉絲食超好味！觧味仍然保存，仲好實得黎唔硬。大連鮑，冇任何配料都好有咬口彈牙。蒜蓉花竹蝦，蝦肉有觧味，幾厚肉，連蒜蓉一齊食好正。第三層，蟲草蒸雞烏冬，個雞既肉質好滑，入曬Ｄ蟲草味，而精華就完全係個烏冬充滿曬雞同蟲草既味，烏冬滑 ，蟲草花爽口！龍蝦，好有肉地，都係果句，唔洗落任何醬油都已經好有味。第四層（最後一層），農家四寶(翠玉瓜，粟米，甜蕃薯，勝瓜)。食左咁多海觧，真係需要食曬Ｄ菜平衡一下。翠玉瓜，面上有梅菜調味，幾特別