Beans the Rambler

營業中

休息中

今日去青衣難得見到唔洗排隊就去左食lunch。荳子由得一兩間分店，到宜家好多地方都有分店。而我就覺得分店多左後，質素有啲參差，葵芳同屯門都係麻麻，唔會想再去。而青衣就相對好少少。今日叫了蟹肉牛油果他他整體而言味道相當唔錯，蟹肉一定係罐頭架啦，但都仲有少少鮮甜味！與牛油果的濃郁相互融合，有一種豐富的口感。沒有過多的調味，味道恰到好處。特別喜歡配上的三塊包，哄過，外脆內軟綿綿的質感。但份量都有啲小，係唔多夠飽😂好彩有加點黑松露薯條！每次都會加點，因為好好好食！薯條炸得金黃酥脆，黑松露的香氣與薯條的鹹香完美結合。但有一部分薯條炸得稍微乾左啲。小總結❤️❤️❤️📌環境舒服📌食物保持水準

今次試左蟹肉牛油果他他、BEANS 小食拼盤、德國燒豬手、卡邦尼黑松露煙肉意大利粉、焦糖香蕉熱烘窩夫全日早餐。蟹肉牛油果他他 面嗰層全部都係蟹肉，味道鮮甜，份量足，蟹肉下面嗰層就係牛油果🥑，味道清新，記得要mix 埋一齊食，層次感豐富。BEANS 小食拼盤（香辣雞翼、焦糖雞翼、啤酒洋蔥圈、肉醬薯條）諗唔到食咩小食可以同朋友share，一次過可以試晒四款小食，雞翼係先炸過然後再沾上焦糖/香辣汁，雞翼沾左炸汁，炸得香脆，肉質嫩滑，焦糖汁甜甜地，香辣汁少辣，2種汁同雞翼都好夾。德國燒豬手 配煙肉薯仔、酸椰菜、黑醋燒汁可以揀原隻上，或者由廚房幫你切開一件件，豬手表皮燒得超級脆，肉質吾會太鞋口，黑醋燒汁少少咸，加埋黑醋嘅甜酸味，中和返燒豬手嘅油膩感，黑醋燒汁同豬手好夾。卡邦尼黑松露煙肉意大利粉 意粉汁非creamy，配料mushroom 好多，意粉軟硬度剛好，汁份量好夠。焦糖香蕉熱烘窩夫全日早餐 焦糖香蕉有驚喜，表面好脆，仲有煎煙肉同埋炒滑蛋，炒滑蛋仍然有少許蛋漿，窩夫鬆軟。