鍋心粥底火鍋 (和富道) (已結業)

海鮮粥底火鍋套餐($200/人)，真係自己買海鮮材料都唔止，最重要係啲海鮮樣樣都好新鮮，又無收加一服務費，絕對可以話係平靚正。我哋食8:30-11:00時段，早一日book定枱，等左一陣就有枱，入座不久，已經全場full哂。侍應服務態度幾好，啲海鮮係逐樣上枱，有2個半小時，可以有充足時間享用。每樣火鍋材料，都有烹煮時間建議。用餐廳提供的計時器，就算唔識煮嘢食，只要跟足建議時間，煮出嚟嘅海鮮，一樣非常鮮甜。至愛「鮑魚」、「聖子皇」、「象拔蚌」，必吃鮑魚聖子皇蟹象拔蚌多寶魚海蝦

朋友約食火鍋，佢話呢間係好嘢，不過就分三個時段用餐，而我哋用餐時段係20:30-23:00。收費方面每人$200，包括餐廳指定海鮮及八款火鍋材料，價錢非常經濟實惠而且不用+1。。用餐分三個時段：18:00-20:3020:30-23:0023:00-02:00朋友早幾星期已經卜定枱，因為都多人食嫁。北角地鐵站，行8分鐘左右到達。去到餐廳門外已經企滿食客，大家都在等候店員清場，然後安排入座。。。終於20:30店員開始讀出訂枱名單，聽到自己資料就舉手，跟住會有人話你知你個位喺邊。。。坐定定就自己撈定個火鍋豉油，要撈快少少因為個調味盤好快會俾人收走，同時會有侍應前來問一下有冇興趣追加其他海鮮。。。這裡好有香港feel，因為每一件事每一樣東西都需要快，宜家枱面會有張Order紙，食客們首先要從七款海鮮內揀五款，然後要從數款火鍋配料內揀八款，最後要將填寫好的Order紙交給侍應入單。。。好快手的侍應轉眼間已經將鍋底放到爐上。今晚枱枱都有蟹，不用加錢的。。。以下係當晚揀選的五款海鮮：1. 鮑魚 - 我哋覺得隻鮑魚唔夠生猛，同侍應講下姐，點知佢好認真咁，即係換過4隻俾我哋，佢呢個行為令我大開眼界。。