樂園

營業中

休息中

又來樂園放肆，今次食炸豬扒沙嗲牛汁蛋撈丁（ $44 ）。沙嗲牛汁惹味，篤穿隻變形嘅太陽蛋黃，令到個麵更加香滑。炸豬扒大大件，見到都興奮。但今次味道有點失準，可能塊扒炸過龍，稍為乾身、同硬。另外當然唔可以缺少西多士（ $28 ），對佢嘅評價，除了好味，我冇補充。邪惡到底，加埋杯鴛鴦紅豆冰（ $27 ）。紅豆大大粒，咖啡同奶茶比例啱啱好。作為街市茶餐廳，樂園嘅夥計由安排座位，落單，送餐，到收錢都乾脆利落，讓人食得輕鬆。

同朋友尊登黎九龍城食呢間茶記，餐廳係街市樓上，環境算乾淨以熟食中心黎講，野食唔算平同朋友各自叫左一杯野飲，一個麵同share左西多士，野食等8-10分鐘就到，算快今日落雨又凍，無飲到最出名既紅豆冰，呢杯檸蜜，不過不失，唔會太甜太澀滿心期待既沙嗲牛肉麵，唔算大碗，男仔食應該唔夠。沙嗲味好濃，好突出，而麵都煮得剛好，但牛肉好鞋好硬，係非常扣分既地方.....MVP係西多士，炸得剛好，唔油膩，入面既花生醬都好好味！唔覺唔覺就食晒。 必叫！ 總括，但唔值得專程過黎.

味道:4.0/5環境:3.5/5服務:3.5/5衛生:3.5/5性價:3.0/5今日去舊同事屋企housewarming...咁啱朋友介紹話要去九龍城買火鍋野食就順路去左九龍城街市呢間樂園食埋lunch。 去過咁多個街市熟食…呢間都算係乾淨企理…黎呢間記得要留意關門時間...3點左右就關門西多士外脆內軟必試最出名ge 牛肉雪菜出前一丁...不負所望...堅新鮮牛肉加沙爹醬...除左價錢貴左d 外... 無可挑剔 咖央多+咸牛治...烤得剛剛好...脆得黎又唔燶...

黎左九龍城熟食街市試呢到既名物，奶茶紅豆冰同埋沙爹牛西多。奶茶紅豆冰，紅豆飲落夠溶好似紅豆沙禁樣，奶茶多奶了點，也不錯的。好似紅豆沙配奶茶，意想不到咁夾，很不錯的新配搭。沙爹牛西多士，味道係食緊沙爹牛包加煉奶禁樣，沙爹牛味淡淡，牛肉有d鞋口。西多士厚身，蛋味可重，唔配糖漿配煉奶，係不錯既選擇，很有水準既西多，配埋沙爹牛新鮮感十足。奶茶十六蚊，西多十九蚊，兩款港式產品變奏，值得一試。