鮨玥 (已結業)

呢日過咗西灣河做嘢，放工就約個住附近嘅朋友聚下。佢帶咗我去食「鮨玥」，餐廳門面同內在環境用上木嘅原素，令人感覺舒服😌！餐廳有做晚市套餐，魚生丼飯同熟食等選擇都有，價錢介乎百幾蚊一份，算OK啦👌。原來餐廳有做廚師發辦餐Omakase，兩個餐目叫「鮨」同「玥」，即餐廳名，幾有意思☺️。套餐價分別為$550同$880，仲可以食河豚添。本鮪壽司盛($255)，有六件壽司，包括本鮪赤身、中本鮪魚腩同大本鮪魚腩，每款各兩件。鮪魚即係呑拿魚🐟，食用次序由赤身、中拖羅去到大拖羅。赤身一般，但無筋嘅，可能用醬油醃漬方法處理會好食啲。兩款拖羅都好正，各有千秋。魚腩位置油份真係勁好多，口感好綿，有少少入口即化嘅感覺😋。大拖羅嘅油脂分佈勁靚，雪花紋般細膩。角切海鮮丼定食($148)，晚市套餐嘅定食好豐富，有沙律🥗、茶碗蒸同麵豉湯，最後者幾有誠意，因為加咗蜆，又夠熱。角切海鮮丼賣相吸引😍，角切海鮮包括甜蝦、三文魚、油甘魚同蟹籽等。魚生粒無碎濕濕，感覺唔會令人聯想到係切剩嘅魚邊。我最欣賞係蟹籽份量夠哂多，所以每啖飯嘅口感都好爽，有爆漿嘅效果。另外，🍚丼飯仲加咗紫菜同芝麻，以提升香氣。鹽燒牛舌($88)，🐮👅一客六片

今晚約左朋友係鯉景灣食好西，地點係日本菜餐廳鮨玥。餐廳唔算大，但係裝修非常日式，好骨子。星期一夜晚都好多人。我第一次黎，叫住d基本野試下先，叫左兩個定食同一份特選本鮪寿司盛。定食有唔同價位，我地叫個兩個都唔算貴，晚市仲有咁既價錢真係幾抵。特選本鮪寿司盛 $255+10%特選本鮪寿司盛有大本鮪魚腩，中本鮪魚腩及本鮪赤身各2貫。本鮪新鮮厚切，個人最愛大本鮪魚腩，肥美入口即溶兼冇筋。角切海鮮丼定食 $148+10%角切海鮮丼定食係限定。刺身有好多款，包括一隻甜蝦，三文魚，吞拿魚，白身魚，連魷魚同北寄貝都有。刺身質數不錯。飯面鋪上紫菜，再加上不少蟹籽同青瓜增強口感，再灑上白芝麻粒。當然仲有一塊印左鮨店個名既玉子。晚市海鮮丼有咁既質素配咁既價位，性價比高!定食包括海帶麵豉湯，胡麻田園沙津同茶碗蒸。海帶麵豉湯咸香，仲有一隻蜆。胡麻田園沙津有不少新鮮生菜，仲有半粒車厘茄同玉米粒，加了很多日式胡麻醬，健康中見邪惡。茶碗蒸好滑，有一塊日式魚蛋同蟹柳，仲有一條粉絲。生薑燒豚肉丼 $118生薑燒豚肉燒得好香，面頭灑上葱花同白芝麻粒。d豚肉係帶d白色軟骨既豬腩肉，汁濃又脆口，送飯超正!如果可以多d洋蔥就好啦!