人和荳品廠 (已搬遷) 新店位置

以前返學好鍾意食「人和荳品廠」嘅魚肉煎豆腐做下午茶又或者花奶豆腐花做甜品其他嘢就無食過有時難免都唔想食肉不過下午茶唔太餓的話喺銅鑼灣選擇一啲都唔多好彩醒起「人和荳品廠」嘅炒麵佢哋嘅豉油王炒麵寫明係vegetarian 盒麵係無韮菜、蒜頭、洋蔥等等淨係得豆卜、椰菜同麵唔食五辛嘅大家都可以放心食係嗰麵少少乾如果襯埋辣椒醬應該會更好食佢絕對唔算超平但相比一個十幾蚊嘅飯糰差唔多價錢又只求飽嘅人嚟講「人和豆品廠」嘅豉油王炒麵一定係首選

平時行銅鑼灣都無發現呢間店，今次係朋友帶我去食先至知道有間咁抵食同埋幾好味嘅荳品店。 我地食左豉油王炒麵，鹵水豆腐，薑汁豆腐花同埋凍豆漿。總體來講幾好，所有野都係新鮮整，暖笠笠嘅野食適合而家天氣轉涼食。豉油王炒麵唔會太乾亦唔會太油，大家如果鐘意嘅話仲可以加佢地提供嘅甜醬或者辣醬。味道適中，唔會話太過濃嘅豉油味。鹵水豆腐亦唔錯，好滑同埋食落去豆腐裡面都入味。豆醬就無咩好挑剔。不過我最鐘意都係食薑汁豆腐花，薑味啱啱好，辣中帶一點甜，基本上唔使加黃糖，食完之後感覺成身都變暖左同埋喉嚨滋潤左，真心推介!😜

前排在銅鑼灣返工，但有時唔知lunch食咩好，最後揀咗這間常常經過的豆品店，可以好快食完就走☺️對上一次堂食這類豆品食物，好像已經有兩年時間，朋友們好少食這些，始終怕食唔飽和冇乜肉😂今次自己諗唔到食咩就啱晒～——————————🔹滷水豆腐豆卜$16這個豆腐豆卜，一看就知滷了一段時間，是深啡色☺️我最喜歡豆卜，一咬裏面甜甜的滷汁爆晒出黎，而且好香豆味👍🏼 豆腐更有豆香味，但滷汁唔夠入味，相比之下豆卜更勝一籌😍😍-🔸豉油王炒麵 $16豉油王炒麵可算是童年回憶，讀書時期番學放學都會買黎食，十蚊左右就有一大碟，飽肚又好食😋 依家已經好少食～ 這裏一樣大大碟，加入芽菜和切條豆卜炒，再自行加少少甜醬，好似番咗中學咁☺️有時諗唔到食咩，食碟炒麵已經好飽肚，又滿足👍🏼

係銅鑼灣食野想平同有得坐住食既，非人和莫屬！人和麻雀雖小，食物種類唔算多元化，豆腐、豆漿、豆腐花，但勝在價錢合理，今次食左滷水豆腐、豉油王炒麵同魚肉豆腐，三樣加埋只係$48！個人認為豉油王炒麵同魚肉豆腐係好食既， 下次去都會再叫，而滷水豆腐味道一般，可惜豆卜賣曬，否則我會想試滷水豆卜！之前試過佢灣仔分店既豆腐花同豆漿，係好味既，但因為今日太飽，所以無叫！平時人和好多人去，所以食完都要快走讓枱比其他人，但由於夜晚及疫情關係，今日位比較多，但我都唔敢坐太耐，因為老闆無戴口罩😅😅，我都快快手食完即刻走！***口味既野好個人化，不喜勿插***

由小吃到大的人和店，質素依舊咁高咁好，價錢咁多年都冇話加價加得好西利，仍然覺得好抵食👍🏼。每次經過都見到小小既店舖座無虛席，要同人搭枱既機會好高😂。必食既當然係 豉油王炒麵🍝同魚肉煎豆腐🥚。豉油王炒麵（$16）每一條炒麵都染上了豉油的深色，非常均勻，配上少少嘅豆卜同埋椰菜，口感好好。有調味料架（豉油、甜醬、辣椒醬）可以自行添加調味。魚肉煎豆腐（$16）新鮮滾熱辣、即叫即煎，因為客人流水式咁黎幫襯，幾乎每個人都會order，所以全部都係新鮮煮緊再上碟。豆腐煎到個面好香口好脆，超熱要攤凍一陣先可以放入口♨️。

好久沒光顧了以前在大坑上學，下學後都會找時間吃碗豆腐花這次趁著在附近蒸完腳，就在人和把晚餐宵夜一併解決了柯打了杏仁豆腐花，鹵水豆腐，豉油王炒麵登登人和的豆腐花還是跟之前吃過的一樣滑，白白的豆腐花上淋了同樣白白的杏仁漿杏仁味好香喔配上香軟滑的豆腐花，原來是一絕鹵水豆腐維持一貫水準很入味。鹵水汁不會很咸，很易入口豆腐不會一夾就散，但入口又不會感覺過分結實豉油王炒麵當然味道也是不錯最喜歡吃裡面的芽菜，炒得軟軟又入味難怪這麽多人愛吃香嫰的豆腐