元祖沾麵專門店

營業中

休息中

今日放假，出左尖沙咀拍拖，諗住買傢俬，行行下就肚餓，緊係去搵野食啦。經過厚福街，入去睇下先，見到呢間叫元祖沾麵既餐廳，門口竟然有人排隊，就決定食呢間😂入面好多人食緊，個個客人都擺出一個好開心既食相，應該會好好味👍🏻👍🏻等左一陣位，終於可以坐低了，睇一睇餐牌，就即刻點餐，因為好肚餓了😂😂我地點左兩樣野食，極上芝士海膽沾麵 同埋 豚玉魚介占麵。因為制作需時，所以要等一下，等既時候，睇下個食法教學先。先放入青檸檬汁，再將麵放入湯中浸一下就食得，最後可以叫店員加木魚湯，就咁入埋啲湯。👍🏻👍🏻終於上菜啦先上既係海膽，勁新鮮，入口鮮甜，非常美味👍🏻個芝士湯，熱辣辣，將啲麵放入去浸一浸先食，一流。啲麵係凍既關係，會發現啲芝士湯沾滿啲麵，入口好濃既芝士味，好好味，好味指數⭐️⭐️⭐️⭐️另外一個豚玉魚介都上菜，同樣地個魚介湯熱辣辣👍🏻呢個一麵我覺得都好味，個湯吾太濃，加埋麵食，岩岩好。如果鍾意食芝士同海膽既朋友，我極力推介一定要試極上芝士果個。

之前經過好多次元祖沾麵專門店都發現佢長期爆滿。網上搜尋過後知道佢推出o既沾麵頗受歡迎，於是就相約女友一齊排隊等食。入座後一見到海報上的沾麵好吸引就即刻點了一碗極上芝士蟹皇沾麵配龍蝦湯($138)，女友想試試原味o就點了一碗豚玉魚介沾麵($89)。極上芝士蟹皇沾麵真係好特別，佢配上果隻蟹蓋極多蟹膏，鮮甜味美，有好濃烈o既蟹味，飛魚子更係多到推滿了碟，至於熱滾滾的龍蝦湯亦好夠味，掛在沾麵上充份發揮了兩者的味道，整個配搭非常之配合。至於豚玉魚介沾麵的味道亦係非常之好，湯底掛上麵上無減魚介味之餘鹹度又岩岩好，除了叉燒外湯底內的肉粒都好軟好香又好食，感覺一點都不普通，令人再想食多碗。兩碗沾麵份量十足又好食夾埋都只係$227，真係好抵食。

豚玉魚介沾麵呢個沾麵嘅麵係用日本小麥粉所製成嘅粗麵--極太麵。麵嘅軟硬程度都剛剛好，而個魚介個湯都好香，入面加有柚子，令整個湯不會太膩，很清新。自家製煎餃呢個餃子都好好食，個皮唔會太淋，好有正宗日式餃子嘅味道。極上芝士海膽沾麵第一食是冷食，海膽加配有青檸汁的麵上，帶出了海膽的鮮味，168蚊 有一大板海膽，性價比很高，而且芝士湯裡面都好足料，有海膽有肉，好豐富。第二食就係熱食，將海膽放落芝士湯裡面撈再配上沾麵，芝士湯反而蓋過左海膽的味道，不過芝士湯特濃，如果是芝士fans的話一定會覺得好好食，不過如果好似我咁唔係芝士fans，就覺得有d太濟啦。到後來加木魚湯落芝士度，個湯稍微開淡返小小都幾好味，不過因為都食到好飽 所以都飲唔落啦。總括而言 都幾好食 不過成碗汁都係特濃芝士就稍微有d濟啦 值得一試💪🏻💪🏻💪🏻整體環境整個店舖都裝修有日本氣色，而且會播返流行嘅日文歌，好好聽！

嚟到厚福街嘅元祖沾麵專門店.裝修同我食過嘅拉麵店有啲分別,反而比較似食壽司之類嘅食店.不過就有面向牆嘅吧檯,如果一人個嚟都唔怕太尷尬.佢哋嘅沾麵同拉麵都有幾款口味揀,例如係赤蝦,龍蝦等等,當中芝士海膽系列最特別,另外仲有其他小食同飲品等等.同坊間嘅拉麵店一樣係用畫紙仔嘅方式叫嘢食,沾麵只可以揀麵量,湯拉麵就可以揀麵嘅軟硬度同粗幼度.檯上面放咗一排調味料,分別有黑胡椒,七味粉,昆布醋,餃子沾汁,白芝麻,其中黑胡椒同白芝麻嘅樽係即磨設計嘅.當眼位置仲貼咗食沾麵嘅整個流程,簡單易明.我試咗最基本嘅豚玉魚介沾麵,等咗陣店員就拎咗兩碗嘢嚟,呢碗係麵條,叉燒,半熟蛋,紫菜,青檸,大蔥同竹筍.另一碗就係用石鍋載住嘅魚介沾麵湯,個鍋嘅熱力令湯汁拎到嚟時仍然係沸騰狀態,氣泡同熱氣不斷冒出,咁樣就可以用嚟保持沾麵湯嘅溫度.而呢度嘅沾麵湯係用豬骨等熬煮,之後再加魚介而成,湯質落嚟濃稠,表面凝結咗層厚厚嘅油脂.先淺嚐一啖,有黏黏嘅口感,又有啲魚乾鮮香,用匙羹撈一撈,仲發現湯入面有粒豚角.睇咗餐牌,得知佢哋嘅沾麵麵條係採用日本小麥粉製成嘅粗麵,亦即係極太麵,比一般嘅較粗身.用筷子夾起再放晌沾麵湯浸一浸,麵質咀嚼