豪隍點心工房 (已結業)

🥧🫖🥢高質大件抵食點心▫️茶芥$8/位▫️免加一☑️豪隍蝦餃皇(2粒) -$27蝦餃真係好大粒飽滿，大過隻匙羹，包住大量蝦肉，新鮮彈牙，蝦餃皮幾薄，而且軟糯，實在難得。☑️蝦仁燒賣皇(2粒) -$27燒賣同樣比一般嘅大粒，蝦仁同肉都彈牙爽口，調味都好正，絕對會encore。☑️高湯鮮竹卷-$25一份三件，入面有木耳絲，魚肉、芹菜，口感豐富，高湯味道都吾錯。☑️山竹牛肉球 -$25牛肉球有三件，超大粒，好多芫茜碎😍口感味道都吾錯，配喼汁一流☑️溫泉蛋牛肉飯 -$37吾算好大碗，好似迷你煲仔飯咁，飯應該係用瓦碗煮熟，飯粒粒分明，牛肉餅係拍扁咗嘅牛肉球，口感味道都同牛肉球一樣，係餅中間多左窩蛋，但個窩蛋整得好靚。☑️蒜蓉芝士長春捲 -$37春卷幼長脆口，有3條，同樣有蝦係入面，蒜蓉味唔算好出，配左胡麻醬，幾特別，仲有兩條爽口青瓜。☑️蓮藕煎鯪魚餅 -$31一分三件，每件都好厚實，蓮藕粒好爽口，鯪魚肉都好彈牙，係油膩左d。🆗鮮蝦腐皮卷-$31一份三條，切開咗六件，新鮮炸起熱辣辣，出面層皮好脆，但因為腐皮有d厚，入面d腐皮會有d靭，入面有超級多芹菜粒，中意食芹菜嘅應該鍾意😂

食過好多次，每次想食點心嗰陣都必黎豪隍，水準一如以往嘅好豪隍蝦餃皇佢一籠雖然得兩粒，不過就大大粒裏面啲蝦又爽口彈口份量十足，皮薄餡多，一大啖咬落去好滿足！食過好多間點心店嘅蝦餃，覺得依間整得幾好食，唔錯！豉汁蒸排骨身為排骨愛好者，好驚食到啲咬唔爛又韌嘅排骨，但依個就唔會，豉汁味香濃，而且排骨口感好嫩一啲都唔會咬唔爛甜奶炸饅頭炸饅頭炸得夠透，裏面熱辣辣，點上煉奶真係非常好食😋脆皮雞翼物如其名，真係十分脆，新鮮炸起熱辣辣之餘每一啖咬落起都脆到卜卜聲，好驚艷，鍾意食炸野嘅人一定要試吓，值得一試混醬腸粉呢間嘅腸粉整得好爽口，唔會好似有啲舖頭咁蒸到一patpat 淋到一夾起就爛影響口感，佢係一條條都好分明完整，又爽口Q彈，點上甜醬好好味😋

位於觀塘的豪隍點心工房經常大排長龍，各款點心即叫即製，抵食又足料，性價比極高！假日下午不用排隊就可以入坐，必定要把握機會食啦～🦐蝦仁燒賣皇 ($26)蝦仁大粒，口感豐富，超滿足～🦐豪隍蝦餃皇 ($26)蝦餃皮柔韌，蝦仁大粒，餡料豐富！🍲高湯鮮竹卷 ($24)高湯鮮甜，鮮竹卷皮薄，餡料十足又入味！🥬香茜牛肉腸 ($26)腸份薄滑，茜味不會過濃，味道不錯～🥢生煎蘿蔔糕 ($24)口感結實而不粉，吃得出條條蘿蔔絲，相當足料！🥒手拍青瓜 ($24)最喜歡的涼拌小菜！青瓜清甜爽脆，加上酸辣醬汁特別開胃！🫖茶芥 ($6/位)

呢間邊個時間段去 都好多人 原本上個星期6 晏就諗住3點去食 以為過左午市會少人d 點知一望到門口樓梯仲有人排緊隊 拎緊飛 於是果斷放棄 唯有擇日再黎結果搵左日平日夜晚放工得閒 於是又再過黎食啦😋呢間位於工廈一樓 入口樓梯並唔起眼 初初只係區內街坊認識 但慢慢開始多人推介 就變左愈黎愈多人識 依家係咪唔可以再叫隱世小店啦🤣我地兩個人嗌左🥢蝦仁燒賣皇 有得揀兩粒／四粒 大大粒 足料又好味 個人推介！🥢豪隍蝦餃皇 都係有得揀兩粒／四粒 大大粒 皮薄兼入面大大舊蝦肉🥢流沙奶皇包 有小小流心 味道不過不失🥢蜜汁叉燒腸 味道正正常常 叉燒都算足料 入面有少少芫茜 唔鍾意嘅可以skip或者挑走佢🥢蒜蓉芝士長春卷 長條形一桶上 有3條配兩條長青瓜 對於唔係太識揸筷子嘅我鍾意拎上手 點芝麻醬食 食落脆口同唔算太濃蒜蓉味或者芝士味 我覺得唔錯 🥢甜奶炸饅頭 皮脆 唔會話好似有d酒樓因為擺得耐而淋左🥢五香金錢肚 重好味推介 下面啲芋頭夠哂淋 索哂啲汁好好食工廈位置黎講 呢間真係算多人 衛生同服務態度都冇咩好講 正正常常一間茶樓咁 冇話特別差或者特別好 但食物素唔錯 呢間係觀塘其中一間食完會再想去食嘅餐廳之

這間位於觀塘工廈附近，超級人氣高的點心工房，長期旺場，想食點心真的可以來試一試，不枉此行！趕的切截單前進場，兼唔係排隊🤭✨豪隍蝦餃皇✨個人推介～必食之一，大大粒兼啖啖蝦肉✨桂花杞子糕✨桂花香味好出，食落清甜（朋友係咁覺得可以，但本人覺得略為甜咗少少）✨四寶雞扎✨傳統口味～熱辣辣～大大件～材料厚切✨五香金錢肚✨味道濃，口感剛剛好，唔會黐牙✨鮑魚雞絲腸✨略為普通一點，味道淡一點好開光✨鵝肝醬鹹水角✨雖然識唔到有鵝肝醬嘅味道啊，但整體上比一般鹹水角較好，外皮鬆脆，煙靭✨藥膳雞腳✨雞腳夠淋，藥膳味重，若溫度軟為熱一點更佳✨蒜蓉芝士長春卷✨外皮香脆，餡肉配合爽口蝦肉，食前配合芝麻醬有另一番風味。❇️總結❇️👍點心質素幾好💰價錢大眾化兼大大件⏰營業時間去到晚上9:00（8:30pm截單

講到食點心 就離唔開👑 𝐌𝐲 𝐓𝐨𝐩 𝟏之選- 豪隍ෆ  ̫ ෆ‪ 👑已經食過好多次 但每次都掛住食上次就的起心肝 影靚啲相先( ˶¯ ꒳¯˵)呢到嘅點心係真 • 大件夾抵食₍₍ ᕕ(´ ω` )ᕗ⁾⁾價錢平 大大件 仲要好好食！燒賣同蝦餃有得叫2粒/4粒 如果想試多啲款點心 叫2粒就夠 因為佢係king size 要分幾啖先食得曬🤣個人推介 蝦餃是必吃之一(*ฅ́˘ฅ̀*)♡超多足料超多蝦 而且好爽口彈牙 蝦餃皮唔會話太厚 每次去都一定會點的！脆皮銀蘿腸同蜂蜜黑糖糕都比較特別 出面會少見～前者係用腸粉包住蘿蔔酥 食落驚艷到呢！個人嚟講幾鍾意呢個配搭(♡˙³˙)而後者友人比喻為「中式可麗露」🤣食落後感煙煙韌韌 又甜甜地 同可麗露又真係有幾分相似～❇️ 豪隍蝦餃皇(2粒) $26❇️ 蝦仁燒賣皇(2粒) $26❇️ 流沙奶黃包 $26❇️ 脆皮銀蘿腸 $26❇️ 蜂蜜黑糖糕 $24❇️ 高湯鮮竹卷 $24❇️ 豉汁蒸鳳爪 $26🫖 茶芥 $6/人總結！點心大大件好抵食 環境坐得舒服暫時仲未搵到間可以取代到佢🤣呢間絕對係去到觀塘必食之一‼️🌟另有觀塘-東瀛遊廣場新分店🌟👅味道：5/5💰性價比：4.5/5👀回頭

好耐冇飲茶，依家本身又平又好食，所以新年到嚟食😋我哋得2個人食唔到太多野，只係叫咗幾款點心蝦餃一定要叫，大大粒，入邊啲蝦又爽口又多，美中不足就係塊皮有啲厚燒賣又係大大粒，豬肉好香口墨西哥叉燒包個餡好食，但係佢係整定，所以個皮唔脆，有啲可惜奶皇包夠哂流心，又起到沙😋😋好少喺茶樓見到長春卷，仲要係蒜蓉同芝士嘅配搭，好特別！炸得好好香口又唔油，最滿意依個🤩🤩最後用芒果布甸結尾，滿滿嘅花奶，但係略嫌芒果味唔夠，但係佢係食童年味道，都滿意😝

大年初二去拜年，帶最好吃的點心同親友分享。去到豪隍人頭擁擁，無論是堂座定外賣、拎飛等入座的客人和落咗orders等外賣的我們，還有源源不絕的各大平台外賣車手，正正是好野，好值得等。豪隍蝦餃皇蝦餃一定要推介係，大大隻蝦餃，可以分啖食，皮薄見到滿滿嘅原隻蝦肉，蝦肉實淨夠鮮味。燒賣皇必吃，大大隻蝦，又爽又鮮味潮州粉果(皮薄餡靚)齋腸粉(餡料好足)山竹牛肉(牛肉+爽脆嘅馬蹄)馬拉糕(鬆軟少甜)

某星期日早上約十時到達觀塘的豪隍點心工房，等了約三十分鐘才能入座。點心選擇很多。點心以外，還有多款蒸飯和米線等。墨西哥叉燒包(中點$25)，水準不錯。豪隍蝦餃皇(中點$25)一籠兩大粒，數不出有多少隻蝦，蝦肉新鮮彈牙。豉汁蒸鳳爪(中點$25)很惹味，味道帶點辣。鮑魚雞絲腸(特點$34)是得獎之作，平時較少見用雞肉做腸粉的餡，雞肉滲出淡淡的鮑魚香味，值得一試。蝦仁燒賣皇(中點$25)跟蝦餃皇同樣超大粒，豬肉跟蝦肉的比例適中，餡料鮮明。山竹牛肉球(小點$23)是幾款點心當中叫人最失望的，口感不好，軟軟的。

冇諗過喺一個隱蔽嘅工業大廈樓上一樓，居然會有一間超高級的點心工房。每件點先比正常大，非常之好味，香港新鮮製造茶錢$6/位，仲免收加一，抵到呢……豪隍蝦餃皇 $25勁大粒，皮薄餡靚，啖啖蝦肉，必吃蝦仁燒賣皇 $25蝦仁勁大又鮮味，除咗上面有蝦，燒賣裏面都有好多蝦，未見過咁足料又勁大粒嘅燒賣香茜牛肉腸 $25牛肉腸好大份，每件腸粉中間有好多牛肉，有圖有證據潮州粉果 $23粉果皮薄餡靚，即蒸熱辣辣豉汁蒸鳳爪 $25呢碟鳳爪比正常多1/3，十分之惹味，下次一定encore墨西哥叉燒包 $25個包啱啱焗起熱辣辣，上邊好香嘅菠蘿酥皮，裏面有滿滿嘅叉燒餡料，仲有叉燒包個皮一啲都唔厚

豪隍蝦餃皇（2粒）中點 $25睇相都唔覺啲點心咁大粒，開頭仲驚會唔會唔夠食，但一上枱見到個蝦餃，勁！大！粒！😍😍 個size比平時大一倍，基本上一啖係放唔到落口架☺️☺️啲蝦爽口彈牙，好足料，個皮厚度適中，好食☺️☺️-蝦仁燒賣皇（2粒）中點 $25燒賣個size都係好大粒，面頭有個好大粒嘅蝦，入面啲豬肉同蝦好有鮮味，食落好滿足☺️☺️-鮮蝦菜苗餃 中點 $25好足夠，除咗大粒就冇咩特別，唔試都得☺️🤣-蜂蜜黑糖糕 小點 $23唔係間間點心店都有，所以次次見到我都會點☺️☺️食到蜂蜜同黑糖嘅味道，唔會好甜，口感煙韌好食😋😋-爽口滑蝦腸 特點 $34食食下發現原來叫左好多同蝦有關嘅食物🤣🤣啲蝦好爽口，-墨西哥叉燒包 中點 $25熱辣辣，外脆內軟，入面有叉燒同少少洋蔥餡，食落甜甜地😝😝-醬汁茄子拼尖椒 頂點$30又係好大份，茄子係勁厚切，而尖椒都辣辣地，幾惹味☺️☺️整體：啲點心係比正常嘅大一倍，好足料，性價比高，值得推介👍🏻👍🏻👍🏻

有一晚放工想飲茶食點心，諗起bookmark咗觀塘呢間開到夜晚九點嘅點心店，放工去食都得。六點三嚟到，因為比較早，所以無book都即刻有位。點心紙雖然只有一張，底面兩版，但選擇都算多，基本款式點心都有，亦有蒸飯同米線揀。呢度嘅蝦餃同粉果可以一籠雙併咁嗌，每樣兩粒，兩個人一人一粒啱啱好。粉果皮口感煙，內餡材料豐富。蝦餃超大隻，蝦餃皮晶瑩剔透呈半透明狀，裡面啖啖蝦肉，爽口彈牙燒賣又係好大隻，面頭放蝦仁賣相好靚。同蝦餃一樣好多蝦肉好爽口。山竹牛肉球口感滑溜無渣，肥豬肉份量適中唔會過份肥膩。芫茜份量都唔少，鍾意食芫茜嘅我好滿意蒸腸粉揀咗牛肉腸，就咁睇樣都知腸粉皮夠薄，睇落都知好味牛肉餡份量好多，而且味道好炸嘢就只叫咗蒜蓉芝士長春卷，長春卷炸得深色咗少少。春卷餡好多爽口蝦肉，同蒜蓉芝士味道非常配合生粆糯米飯好足料而且唔會過份油膩，而且份量都好多。整體嚟講點心質素幾好，價錢平得嚟大大件。營業時間長，晚市收九點放工嚟食都趕得切。如果煎炸嘢多啲選擇會更好，例如煎薄撐、煎芋頭糕、蘿蔔絲酥餅、芋角等等。下次放工想食點心都好可能會再嚟幫襯。

又有一間黃色點心係觀塘叫做豪隍點心我成日將佢同旺角另一間黃店喜隍搞亂位置係觀塘工業區敬運工業大廈基本上就係無門面唔係出左名應該都幾難有人幫襯要行一層樓梯門口好簡單貼左d師傅得獎既相出黎當日係父親節我就特登帶左屋企藍屍廢老黎食但估唔到十一點半左右黎到一等就等左一個鐘九個字工廠後樓梯又熱又焗落街等又曬等到老母都吊晒鬼反而入左去見到餐廳都唔細檯都大張雖然排得密密麻麻但唔會坐得辛苦價錢由小點既23蚊到皇點既50蚊茶錢6蚊位燒賣蝦餃都係一籠兩件叫4粒要成50蚊好多年無去過街坊酒樓我就覺得呢d點心小店價錢真係偏貴既不過手工野都有佢既價值只係細細個食開習以為常覺得點心係好普通好cheap既野反而蒸飯都係三十零蚊仲有張新品推介都唔洗等好耐就有食物上首先係蘿蔔糕咸水角墨西哥叉燒包全部都靚仔好過老馮好多就算係父親節日子都唔會好參差不過豪隍師傅應該都係好傳統既人點心紙入面唔會有乜新潮野全部都係以前去茶樓點得到既野溫泉蛋牛肉飯金錢肚同鳳瓜然後上既係蝦餃皇見到既時間嚇左一嚇因為係好大粒入面勁多蝦終於明白點解要賣到咁貴燒賣皇都係差唔多玩法雖然五十蚊又唔係酒店黎講真心貴不過見到咁足料都叫做舒服老母話呢舊馬拉糕太空氣

位置：🌕🌕🌕🌗🌑觀塘地鐵站B2出口行大概10分鐘，唔算太遠，但係入口比較難搵-環境：🌕🌕🌕🌕🌗勁爆多人，就算下午茶時間冇大半個鐘都等唔到。風格唔係古色古香嘅傳統茶樓，比較現代。-食物：🟡蝦仁燒賣皇真·大件夾抵食。本身淨係嗌咗兩粒，比佢個size嚇親，然後又叫多咗一籠，下午茶時間$19就有兩粒。豬肉彈牙，蝦仁好大粒。評分：🌕🌕🌕🌕🌖🟡豪隍蝦餃皇好多蝦肉，大概有5-6隻。個人覺得個皮有啲厚，但係朋友覺得煙煙韌韌好好食。都係$19有兩粒！評分：🌕🌕🌕🌖🌑🟡養顏紅棗糕我覺得有啲太甜，紅棗味可以再重啲啲。評分：🌕🌕🌕🌑🌑🟡香煎蘿蔔糕蘿蔔糕不過不失，煎得幾香口。比較可惜嘅係店內冇xo醬，淨係得辣椒油。評分：🌕🌕🌕🌑🌑🟡甜奶炸饅頭唔會好油，炸得好脆評分：🌕🌕🌕🌕🌑Overall 評分：🌕🌕🌕🌕🌗