新記雞粥 (鴻禧大廈)

營業中

休息中

提示1. 晚上7點前唔洗排隊  提示2. 酥炸魷魚鬚建議叫「一份」，因為真係好好食！  提示3. 麻甩餸酒推介：海蜇手撕雞！    今日凍凍地想食粥，平日行過見入面坐滿晒人，終於有一日可以準時返工，可以去食喇！😋    貴妃雞粥 💰61  一上枱，真係蒸氣騰騰，每一啖咬落去都充足熱辣辣嘅雞油🐥🐔🐓，啲肉好滑。啲雞多到啲粥食晒都未食晒啲雞，但一碗真係唔夠兩個人分。    半份酥炸魷魚鬚🦑 💰37  超級香口，炸粉啱啱好唔會太厚，配埋喼汁做調味真係絕配，三爬兩撥就食晒，建議兩個人或以上就要叫足一份！    菠蘿咕嚕肉🍍 💰63  酸酸甜甜好開胃，每一啖都係肉，大大舊好實在。    蒜茸炒菜芯 💰53  個菜正常水準，有家嘅感覺，食落都爽嘅口感。    半份海蜇手撕雞 💰35  呢個海蜇出面好少見咁惹味，手撕雞同榨菜即刻變左配角，餸酒一流！  

成日去旺角都唔知食咩好，想試吓新野，經過新記發現餐廳座無虛席，仲要有好多人等緊外賣，就決定試吓啦😌🐓貴妃雞粥店員一放上枱已經有好香嘅雞味撲鼻而來👅軟綿綿嘅粥加埋雞油真係好正，襯熱食一流🤩雞嘅份量都足夠，亦都唔會好鞋😋🌶️XO醬炒蘿蔔糕一粒粒正方形，煎到每一個角都好脆😝再加埋啲XO醬，有啲瑤柱絲，食到停唔到口🤣🐖椒鹽豬扒呢個小菜超大碟，完全冇諗過會有咁多豬扒，啲蒜蓉粒勁好味，如果我加埋飯就會一流，但係因為我唔記得咗加😂下次一定加埋飯食🥬蠔油菜心每條菜都好大棵，而且好新鮮🥰🥚養顏蛋白杏仁茶第一次食呢一種糖水，真係有蛋白喺入邊架，同埋杯茶超級熱啊😳🍹七喜龍眼冰綠色嘅七喜真係第一次見，但係其實飲落都同七喜味一模一樣架😝🧉泰式青檸冰好開胃，好醒神嘅一個特飲，下次會再encore!!

最近天氣突然轉冷，除了打邊爐之外，吃點熱乎乎的粥就適合不過，既食得健康，食完個人又暖笠笠🤤，正！🥣貴妃雞粥 ($59)新記煲仔雞粥是餐廳招牌菜之一，大力推介‼️上菜時濃濃的雞香味已經撲鼻而來，令人迫不及待吃一大碗暖胃😶‍🌫️。生滾粥粥底綿滑，雞件份量也很多🐔，入口嫩滑，細嘗還帶點藥材味，所有精華滲入粥底，非常鮮甜入味。🪼爽滑海蜇 ($58)海蜇爽口彈牙，麻油味很香，少辣開胃😋。不得不讚份量非常多，如果想試多一些小食的朋友，不妨可以考慮點雙拼，例如海蜇拼手撕雞、八爪魚🐙、生腸、燻蹄等，款式多多。🦑酥炸魷魚鬚 ($61)份量同樣很多，邪惡感滿滿🤤。魷魚鬚香脆可口，每一條的表面都炸成金黃色，用上的炸漿比例適中，口感不會太乾硬死實，這個時候如果來一杯啤酒就更加完美了🍺。🥢紅燒元朗脆皮乳鴿 ($76)乳鴿即叫即炸🦆，上碟時還冒着煙，一定要趁熱食。乳鴿皮炸得香脆，肉質保持嫩滑多汁，不算太油膩，沾上淮鹽食會更加惹味👍。🌟總結：地道港式茶餐廳果然性價比高，食物質素完全對得起價錢，雖然食材用料簡單，但煮出來的味道卻超乎水準，下次一定會再光顧✅。

日日食咁重口味 偶爾都想食下粥品清清地 呢間之前喺元朗已經見過老字號出品 相信質素有返咁上下❣️海蜇八爪魚 $58微辣海蜇勁香麻油味 爽口彈牙而且八爪魚勁有𡁻口 做餐前小食係唔錯嘅選擇❣️XO醬叉燒炒蛋 $71原先以為下面放咗飯先會咁大份 原來真係勁足料炒蛋滑身叉燒粒都唔少 XO醬一大pat份量相當大方❣️欖菜肉鬆乾扁四季豆 $61欖菜爽口加埋鹹香肉鬆碎好啱送飯🍚四季豆夠穫氣條條入味 就算配粥食都match❣️叉燒腸粉 $29薄皮包住大量叉燒 無平時個種油膩感 點返小小豉油更能突出叉燒香❣️貴妃雞粥 $59獨創貴妃雞白粥加上20幾種藥材 令🐥件更滑身 採用泰國絲苗米更綿更軟身 雞油混合米粒精華 雞油油而不膩 充滿濃濃雞肉香❣️七喜龍眼冰 $25天然嘅水果香甜加上七喜嘅碳酸 夏天飲夠fresh又消濟🍸

天氣涼涼地想食粥，係旺角見到呢間由元朗發圍既雞粥店，決定黎試一試！✨貴妃雞粥緊係要試下呢到既雞粥。貴妃雞用左藥材同花雕黎整，所以食落有淡淡既藥材味同酒香，肉質嫩滑。而粥煮得非常綿密，加上雞油變得好香口！✨魷魚鬚離遠已經聞到超香！外層炸衣唔算厚，但炸得十分香脆。魷魚鬚每條都好粗，夠彈牙，而且有事先醃過既微微鹹味，以及魷魚本身既甜味。點上喼汁非常解膩開胃～✨脆皮乳鴿乳鴿本身已經滷得好入味，而外層炸得好香好脆，食既時候會滲出微甜香氣，鴿肉嫩而不乾，咬落口有充斥住肉汁。✨炸兩炸兩即叫即整，用左新鮮炸起既油炸鬼，同熱辣辣既腸粉，所以外滑內脆。腸粉皮夠薄，點少少豉油都好夠味。不過一定要趁熱食，如果唔係就好快冧哂啦

📯每逢staycation旺角某酒店，都會經外賣平台order 該店的🐔粥和貴妃雞吃過佐敦和元朗分店的出品，都是喜歡旺角這店的品質🔰貴妃雞粥$57，皮滑肉嫩(除了胸外)，粥底軟綿，加上黃油，集「香、綿、嫩」一身，滋味好吃🥳🔰淨鮮蝦雲吞8粒$42，中型爽蝦安睡在雲吞皮內，足料之餘又有雲吞香，合我雲吞控的口味😍上次吃淨雲吞時已覺不錯，今次再吃，質量依然，好味😋🔰金牌貴妃雞(例牌)$72，同樣皮滑肉嫩(除了胸外)，味道剛好，食到舔舔脷👅🔰椒鹽豬扒$61，不錯，微辣，惹味，佐飯好🍚🥢🛵order外賣平台時，有75折👏🏼，吃得更抵😁

😃早上左揀右揀，沒有心水但又不想馬虎最重要的第一餐，最後來了旺角花園街的新記雞粥，早上想吃碗粥暖下個胃，但老公鍾情港式早餐，誰不知這裡竟有賣中式和西式早餐，天助我也，一間歺廳竟滿足我倆胃口，太幸福了。🥰🥰就這樣我點了招牌貴妃雞粥和叉燒腸粉，粥底很綿吃得出是花過心思煑的，雞件也很入味，分量算多抵吃！我特別偏愛吃雞粥，偶然能吃到好味的雞粥，覺得並非容易，所以希望店家能保持水準。腸粉雖然不是皮薄香滑，但叉燒份量滿滿，又夠嫩，好味！老公見有豬潤通粉，立馬點來試試，再配上多士、煎旦和例牌凍奶茶。豬潤肥厚不會煑太老，湯底味濃，但嫌通粉太粉太淋身，不夠爽滑。總括：能找到間歺廳能提供中西合璧的早餐，一舉兩得！讚👍🏻這裡的雞粥的口味正中我杯茶，下次還是會再來的！

都有一段時間沒有來這裡食粥了，今天突然想起這裡雞粥的味道，而且也是時候清清腸胃，所以便跟友人來這裡。餐廳店內也有不少人，但是見到買外賣的人比平時多很多，相信也是疫情的緣故。餐牌上除了有粥品，也有小菜！貴妃雞粥，粥底有香濃的雞味而且好綿，粥內有多件雞件，雞肉嫩滑又夠入味!蠔仔貴妃雞粥，這款粥味道以蠔仔味為多，粥有加入薑絲，你辟去蠔仔的腥味。蠔仔和雞件份量都幾多，蠔仔脹卜卜，雞件也是很嫩滑。整體來說味道帶有海鮮的鮮味，幾特別!炸兩，每次食粥都會點炸兩，這裡的油炸鬼很脆口，又不會很油膩，配上甜豉油和甜醬，令味道更豐富!煎蝦米腸，有稍稍煎過，有點脆口，蝦米份量都算幾多，帶有蝦的鮮甜味，配上麻醬和甜醬混埋一起，味道更惹味!豉油皇炒麵，平時好少吃炒麵的我，這裡的炒麵真的吸引到我吃!雖然只有芽菜和蔥粒，帶炒麵有鑊氣又夠豉油味，配上辣醬一齊食更加刺激味蕾!間唔中食下粥真的不錯，而且這裡的粥夠鮮味，值得再來!

大家都知道旺角有很多美食，其中有一間雞粥好像挺出名的，不少人都說過，所以今天就出拔草吧。「貴妃雞粥」貴妃雞肉質好滑。原來雞係用咗藥材去煮，所以會食到一陣好香的藥材味。而粥底綿綿的，好好吃的一個粥品。「椒絲腐乳炒通菜」有鑊氣。但偏咸。「酥炸魷魚鬚」魷魚酥炸得香脆。咬一口，外面酥脆入面爽口彈牙。「XO醬叉燒炒蛋」蛋味香濃，叉燒肉質軟冧。「自家製五花茶」清熱之選，不太甜。「鮮蝦雲吞米粉」鮮蝦雲吞大隻、足料。米粉屬極幼身品種。份量好多，吃完好滿足。標準服務，下單送菜都快的，很快就有吃的。

今日唔知點解好想食下粥，朋友介紹我來這間位於好景商場附近的粥店，她說這裡的雞粥好吃!餐廳就像茶餐廳的格局，餐牌上有很多不同款式的食物，除了有粥品也有小菜等菜式。貴妃雞粥，粥底好綿，好香雞味，粥入面有不少雞件，雞肉嫩滑，而且一碗份量都有很多，唔怪得之咁多人點黎食!魚腩粥，粥底味道夠雞粥清，但好香魚肉的味道!魚腩都有3-4件在粥入面，唔會太多骨，魚肉都幾滑!蜆介鯪魚球，冇諗過一碟有6粒，而且粒粒都好大，外面炸得金黃，內裡鯪魚肉彈牙，十分惹味!再配上蜆介醬另有一番風味!豉油皇炒麵，好耐冇食過啦，因為平時通常會選擇炒米粉!這裡的炒麵炒得乾身，幾香口，個人覺得有少少咸，但是加了一些辣醬後十分惹味!香煎蝦米腸，朋友一向都好喜歡食煎腸粉，最喜歡加入很多花生醬和甜醬，這裡的煎腸粉煎得有點脆口，很香蝦米味，而且煎得乾身!香脆炸兩腸粉，食粥品通常都會點炸兩食，這裡的油炸鬼唔會好多油，而且幾脆口，腸粉口感順滑!這裡的食物款款份量都算很多，而且價錢不算太貴，味道亦不錯，有機會會再黎!

今晚係旺角踢完比賽後，自己一個去左附近這一間望落幾乾淨（同我成反比）的茶餐廳食飯。這間餐廳話就話主打雞粥，但其實有好多種類，一般的小抄、叫餸食飯都有。不過我都係叫左佢應該最好味的貴妃雞粥、同粥好搭配的鯪魚球，同埋一杯解喝的泰式青檸冰。先講個雞粥，貴妃雞非常嫩滑，成碗粥亦都滿溢雞油，所以有極濃的雞香味，不過略嫌粥的份量唔夠多，不過雞件就足夠的。至於鯪魚球炸的火侯岩岩好，外脆內軟，而配的蜆介汁咸咸地，亦有一定的酒香，不過好怕腥的朋友就唔好點。至於個青檸冰就甜左少少，但靑檸味好夠。

好耐無食乳鴿雞粥啦～又比我行行下旺角，見到元朗老字號新記旺角又多間分店喎！梗係入去幫襯下啦！🔆紅燒元朗脆皮乳鴿 - 聞到都流口水，皮脆肉嫩，點少少碟邊嘅椒鹽更加惹味！加$16有埋野飲同飯。🔆貴妃雞粥🐥- 沙煲上有風味，好味過沙x雞粥😆。粥底棉滑，有雞湯甜味，正😋！🔆四川麻辣鵝腎 - 一片爽脆有汁嘅炸菜，同煙韌有咬勁嘅鵝腎一齊食，一d腥味都無，加上少少辣嘅醬汁，正！🔆蜆介鯪魚球 - 零碎骨，比平時食嘅大粒兩倍，香口而且超彈牙，蜆介咸香有少少酒香味。🔆椒絲腐乳炒通菜 - 好重腐乳味，通菜就算唔係當造季節都幾嫩口，仲有d鑊氣添！👍🏻分店位置對於我黎講方便好多，座位又闊落，我諗我會回頭再回頭🤣回頭指數：⭐️⭐️⭐️⭐️⭐️

今日去旺角 經過見到呢間新記似比較新式既粥店 可以坐得舒服d 我地就決定入去試下佢既貴妃雞粥啦 估唔到除左粥 呢到仲有好多好野食😍我地先叫左一碗貴妃雞粥同一碟XO醬叉燒炒蛋飯🤩 貴妃雞粥好大碗 雞肉夠嫩滑 粥底配上雞油既香味夠哂濃味好好食😋 而XO醬叉燒炒蛋飯同樣超大碟 半肥瘦叉燒撈埋蛋同XO醬真係好好送飯😚而小食方面我地就揀左酥炸魷魚鬚 炸蒜蓉雞翼尖同XO醬炒蝦米腸🤤 酥炸魷魚鬚 炸蒜蓉雞翼尖都炸得好香脆可口 魷魚鬚炸粉唔厚 啖啖肉👍🏻 雞翼尖脆卜卜 份量好夠 送下粥都唔錯👅 XO醬炒蝦米腸加左XO醬炒真係惹味左好多 以後想食粥又多一個選擇啦🌟

簡簡單單想食粥面，就黎到新記食雞粥～先黎一個貴妃雞粥，大大件雞，用鹽餣過，成碗粥都夠味，粥底綿綿～除左雞粥，朋友食既鮮蝦雲吞牛筋腩面都唔錯！雲吞大粒，牛腩夠林入味，湯底都okay~~我地仲order左個腸粉，鮮蝦腸粉，都係用上原隻大蝦，略嫌腸粉皮有啲厚～睇餐牌見到個XO醬炒蘿蔔糕好吸引，叫埋黎食，上枱香噴噴，炒得焦香，表面煎得香脆，少少辣好惹味！飲品就叫左杯七喜龍眼冰同青檸冰，青檸冰酸酸地夠fresh~~

旺角花園街係食店雲集嘅天堂，由小食到中西日韓等你講得出都有得食到，今日就到由元朗開到旺角嘅新記食雞粥！店面細細，但係海報非常搶眼，一眼就望曬成間店有咩好食。店內環境如一般茶餐廳格局，雖然裝修未見特色，但總算乾淨企理。黎得呢度，當然要食佢嘅招牌貴妃雞粥啦！而食粥又點可以冇腸粉呢？所以兔子二人決定再配蔥花蝦米腸，另加小食海蜇手撕雞同埋蜆介鯪魚球。先來的是冷盤海蜇手撕雞，海蜇彈牙惹味，手㯕雞非常入味，肉質嫩滑，整碟冷盤好快就被掃光了！再來就是蔥花蝦米腸，腸粉香滑，蔥花和蝦米份量不少，性價比十足。之後就來到了主角貴妃雞粥，大大碗貴妃雞粥，一上枱已經聞到很香濃的味道，粥底香綿，好味！雞肉份量也很慷慨。建議二人一碗，份量剛剛好。最後上場的是蜆介鯪魚球，絕對驚為天人！剛炸好的一大碟有七粒！大大粒香噴噴，外脆內軟，咬落去充滿魚鮮味，沒有太多的味精，點上蜆介，實在是非常惹味！推介！