龍拉麵 (已結業)

好耐之前去食過，個時剩係得吧枱位，係舖頭出面排隊，排到咁上下就會有人叫你落左單先，選擇唔多，得幾款俾你揀。舖頭細細，個廚房已經霸佔左一大半既空間，兩個廚師係入面整野食，再一個L型既食客位，個個圍住個廚師食麵，坐得未算最舒適，但都可以接受既，底底有個籃俾你放雜物，仲有成個水煲俾你自己斟水，設計都幾貼心。鍾意食辣既我就叫左個赤龍，佢係中式擔擔麵湯底黎，而我本身就麻麻擔擔麵既，因為覺得佢要辣不辣咁，唔知想點，但依個擔擔湯係辣既，所以尚可接受，而其他野，例如粟米、木耳、紫菜同蛋個啲就基本野啦，冇咩好講。但個叉燒就真係要讚下，廚師切開叉燒後，應該係再用火槍燒一燒（唔知佢用咩燒啦，應該係火槍），食落好香口，平時我食拉麵會覺得啲麵同個湯係主角，今次依碗，個叉燒真係搶晒foc。好！好！食！但佢擴充左之後，好似多左好多負評，好似冇左之前既水準，要考慮下先會再去食

今日黎到呢間位於屯門德政圍16-34號海盛大廈地下11號地鋪(V City對面)既呢間—龍拉麵由於店內雅坐只得7個位置 6點鐘黎到已經見到一條小小既人龍排到差唔多入得既時候店員就會比張餐牌我地揀野食選擇唔太多 暫時只得3款 白龍 (豚骨湯底) 黑龍(黑松露醬) 赤龍(櫻花蝦配擔擔麵湯底)而我揀既係赤龍同黑龍首先係—赤龍湯底紅紅 散發出濃郁既香味等到我都急不及待開始試食呢間拉麵館同平時食到既擔擔麵湯底唔同香甜濃郁  又不會太過辛辣而拉麵硬度可以係點餐既時候向店員要求軟或硬小小彈牙既拉麵 加上大塊厚厚既叉燒同流心蛋全隻實在真係令我難忘而另外一碗係—黑龍櫻花蝦配合黑松露醬連埋湯底加拉麵一齊食果一種滋味既衝擊實在令人回味無窮叉燒雖然厚 但非常軟個人認為黑松露比較少 如果可以多返少少就Perfect喇

屯門雖然好偏遠，但原來鋪租拍得住市區，所以很多食肆價錢和外面差不多。難得來到市中心附近，看到新墟有一間是試業中的拉麵店，新裝修價錢又吸引，而且六點半冇乜人就入去就座。入面有檸檬浸青瓜水提供，係健康的detox water。雖然只有七個位，但都坐得幾寬敞，而且有紙巾供應，坐位下又有盒可擺放袋。我點了赤龍，擔擔面湯底有別於四川鋪頭的，麻醬味唔濃（可能冇），但酸甜配搭得宜，係令人開胃嘅口味，燒叉燒好厚、肥瘦分明、淡淡肉汁，加埋雲耳粟米好夾。呢度唔係出面拉麵店嘅糖心蛋，而係流心蛋，我就覺得一般般喇。至於麵質有點彈牙，我就喜歡林啲嘅拉麵。朋友點了黑龍，係黑松露湯底，雖然冇味精同雞粉但味道有點偏鹹，黑松露的味道都香，同拉麵就唔太夾喇，不過好香好香黑松露味，所以朋友最後都係飲晒湯底。總括嚟講價錢合理，環境舒適，下次會是白龍湯底。