賞麵

營業中

休息中

行開荔枝角香工，見行到攰攰地又肚餓就諗住食下野在戰鬥過，喺OpenRice見到呢一間賞麵，就諗住試試佢，位置有啲偏僻，附近都係工廠大廈，入到去見到佢嘅格局好似自修室，全部位置都係一排一排一個一個坐，啱晒唔鍾意搭枱嘅我，落單係用QR code落單，非常方便，我嗌左粗麵，魚蛋，豬紅，牛肚，樣樣都做得好出色，尤其牛肚好夠林，唯獨是我覺得份量有啲偏細，同埋個碗有啲細，飲品方面嗌咗奶茶，茶味偏濃少低嗰種，我個人麻麻哋鍾意，總括而言，下次行開都會再幫襯 唯獨是地點有啲格攝

今日同同事去咗香工嗰頭幫手做採購，蕩吓蕩吓就嚟到呢一間位於青山道福華街附近嘅賞麵食個車仔麵。一眼睇晒車仔麵喺面底、配菜、調味方面有咩選擇，仲有好多唔同小食可以揀。仲另外有早餐同茶餐嘅餐單，都幾豐富。除咗填餐紙外，仲可以用QR code手機自助落單，即時計到自己order嘅價錢，夠哂方便。每個座位面前都有一個小架俾客人放置手機同銀包，簡單嘅設計已經感受到貼心嘅服務👍🏼堂食嘅餐具都用外賣餐具，咁就有啲唔太環保，但疫情期間呢個安排亦都無可厚非，始終衛生都好重要。枱上面仲放咗六款唔同嘅辣醬，我覺得幾新穎，牆上面仲貼咗六款辣醬嘅介紹，每款都有唔同層次嘅辣，如果想試嘅話，可以問店員攞隻調味碟逐一品嚐。我同同事都覺得超肚餓，所以每人揀咗五個餸，我嗰碗有午餐肉($8)、牛肚($10)、牛骨汁牛丸($10)、牛腩($12)同咖喱魷魚($12)配米線，仲加咗秘製辣汁。同事同樣揀咗午餐肉同牛骨汁牛丸，仲有滷水雞腎($8)、蘭花豆卜($8)同豬骨湯貢丸($10)。我哋一致裁定牛骨汁牛丸係呢度嘅必食推介！滷水雞腎同咖喱魷魚亦都相當出色！另外仲叫咗幾款小食，酥炸雞翼有三隻，係屬於大size嘅雞翼，炸得香脆又仍然保

個日經過荔枝角咁岩見到有間車仔麵鋪，裝修得好乾淨，座位都好闊落，睇落去衛生都唔錯，所以就入咗去試下啦🤣加埋叫咗兩個面，嗌咗蘿蔔,麻吉燒,豬軟骨,仲有牛丸,牛肚,冬菇一齊Share😆 每碗麵都可以要求加腩汁同埋辣汁！👍🏿呢度每張枱都有六款辣汁，仲要好細心咁寫明每一款辣汁嘅辣度同埋味度！我輕輕咁試晒所有辣汁，最後推薦嘅係1號潮州辣😋，香辣得來又唔會太重味。所有嘢份量都好充料，野食都好好味！呢度仲好特別咁有好多款炸物小食🤩 啱晒唔想淨係食車仔麵咁單調嘅人！整體來講餐廳好闊落，位置亦都好好，好乾淨！值得再黎食！

一般車仔麵店給人的印象都是比較平實地道，但這間「賞麵」車仔麵店給我的整體印象是整潔、型格和寬敞。進入店內看見一排排單向的長枱，間隔板上放滿餐具、點餐紙、筆、紙巾、六款不同辣度的辣醬等，全部都整齊有序放好，整潔乾淨的環境令食客在疫情下吃得更安心。車仔麵（HK$69)👍👍👍👍👍這碗車仔麵包括油麵（$13), 魚蛋（$8), 豬皮（$8), 蘿蔔（$8), 豬紅($10), 牛骨汁牛丸($10), 咖喱魷魚($12)。豬皮蘿蔔很入味、魚蛋爽彈、牛丸爆汁、咖喱魷魚爽口，每碗麵還有生菜附送，另外可以免費加腩汁，如果喜歡吃辣可以免費加秘製辣汁，或加麻辣（+$3）。車仔麵（HK$61)👍👍👍👍👍另一碗車仔麵包括油麵($13), 豬皮($8), 蘿蔔($8), 豬紅($10), 牛肚($10), 咖喱魷魚($12)。這碗的豬皮蘿蔔同樣十分入味，豬紅嫩滑、牛肚有嚼口，不會過稔，咖喱魷魚爽脆，湯底惹味。這𥚃的辣醬有六款，有潮洲的香辣、北京的鮮辣、四川的微辣、湛江的勁辣、海南的酸辣、桂林的咸辣。辣度由一至六度，客人可按自己喜愛為自己的車仔麵添辣。蜜糖燒賣（HK$18)👍👍👍👍小食方面有多款，價錢同樣是$18

星期六行過荔枝角，見到新開的賞麵 ，於荔枝角見到一間好歐陸式格局 ，當然入去睇吓啦。 枱上面有六種不同嘅辣椒漿，試了四種，我鍾意湛江&海南味， 好窩心仲有試味碟。 我最欣賞佢嗰度飲品杯同餐枱紙。 唔知以為去咗歐洲 ， 窩心仲有紙巾無限量供應 。 我order 粗麵，咖喱魷魚有咖喱味，有咬口的豬皮, 仲有幾條菜心送，湯底幾好，感覺上冇乜味精。 員工服務一流，下次經過一定要再嚟☘️Ps : 洗手間好乾淨，仲有好大嘅鏡，食飽仲可以補埋妝。 Good