一生懸麵

營業中

休息中

週六放工專登同先生嚟朝聖，未去到門口已經見到長長嘅人龍，可見人氣幾咁強。大概等咗二十分鐘左右終於可以入座，驚訝嘅係隔嚟枱仲坐住一對日本情侶，睇嚟人氣程度不容小覷。餐廳用傳統嘅落單紙點菜，主打沾麵同拉麵，最平嘅白湯豚骨拉麵都係七十蚊左右，價錢非常相宜。雖然見網上好多人推薦海老拉麵同期間限定嘅沾麵，但嗜辣嘅我最後都係決定試下較少人提及嘅辛辣拉麵。一飲個湯底就知道冇揀錯，濃郁嘅湯底帶上辣勁，配上筍乾超級惹味，令人不禁想飲哂成個湯底！叉燒帶點厚度，肥瘦相間，表面輕輕燒過，帶有微微嘅焦香，入口腍滑到近乎即溶，質素極高！先生點嘅海老沾麵亦好足料，熱湯表面鋪滿櫻花蝦，麵底同樣配上兩大件厚叉燒同半隻溏心蛋。口感彈牙嘅麵條遇上濃郁嘅湯頭，夾埋櫻花蝦一齊食，令口感更豐富。唐揚炸雞質素亦係超高，一客大概有五件，即叫即炸係基本，入口鬆脆入面仲好juicy，調味亦唔會過鹹，連先生都大讚，非常推薦！章魚燒雖然冇炸雞咁驚為天人，但同樣即叫即整熱辣辣送上枱，質素亦唔錯。飲品方便除咗有我至愛嘅波子汽水，仲有Sage嘅冷泡茶同有汽茶，非常清新。餐廳嘅食物果然冇令人失望，小小嘅食店座位唔算多，亦冇花巧嘅噱頭吸引食客，憑嘅絕

已經唔係第一次嚟幫襯啦，超鍾意佢呢度拉麵嘅口感。今次嚟叫左白湯豚骨拉麵，仲有辛辣拉麵。白湯豚骨拉麵湯底都幾濃味，夠熱，配上軟硬度適中嘅拉麵，入口感覺更爽口。溏心蛋做到流心效果。唯獨係叉燒偏肥，明乎其實嘅半肥瘦，怕肥膩嘅我，因為太膩，只可以食到一片。但朋友就幾鍾意佢嘅叉燒，肥得嚟有油脂香，入口夠軟腍。辛辣拉麵比起上次食，感覺無咁辣，上次係入口即刻要飲水解辣，但今次食一啖完全無問題，係可以接受嘅辣。辣湯配拉麵都幾好食，麵條夠粗幾索汁，嗜辣同湯麵控朋友話呢間值得再次幫襯，口感同味道都貼近日本嘅味道。個人幾鍾意佢配埋嘅椰菜，浸了辣湯，但又唔會太索湯，易入口，幾好味。

放假去咗旺角行街同食嘢，原本朝住食雪糕拉麵嘅目標出發🍦，去幫襯「一生懸麵」，點知我遲咗幾日，餐廳已經做完呢個推廣喇😭。不過一場嚟到都食個麵，支持一下。拉麵店人氣高企，同預期中一樣要排隊先入得，但佢都貼心嘅💕，放咗部風扇散熱。店舖面積唔大，有少許逼，不過餐枱就夠大張。店員們百忙之中仍能保持友善，抵讚。餐廳同時提供沾麵及拉麵🍜，常設湯底有四款，另外仲有期間限定口味，今期係牡蠣沾麵。一碗麵定價由$69至$85不等(除限定款外)，價錢算大眾化👍。海老沾麵($85)，沾麵汁鋪滿櫻花蝦🦐，而沾汁本身亦富有濃濃蝦香。我將一束麵條放入沾汁後，麵條掛滿蝦汁同微微脆嘅櫻花蝦，無論味道定口感都好充實。麵底分開上，份量激多，我嗌咗熱麵，所以就唔怕整凍個汁。麵條偏粗身，口感彈牙，可揀軟硬度，我認為中間啱啱好。辛辣拉麵($79)，🌶辣辣拉麵個樣有少少嚇人，因為偏紅色，但食落又OK啵。最重要嘅係佢嘅辣唔係一層紅油或者狂落七味粉，亦冇過鹹，飲完唔覺口乾。椰菜配上辛辣湯底，爽爽的又索味。其他餸料都唔差，雞蛋蛋黃夠溏心；而經炙燒過嘅叉燒則帶有獨特嘅香氣，肉質亦唔嚡🐷。雞軟骨棒($28)，一客有兩串，每串真材實料。🐔切碎咗

味覺旅行~  和風真係好鍾意食拉麵。次次經過呢道，都見到人龍，難得今日竟然有位，即刻要試吓。辛辣拉麵$78🍜麵有得揀軟硬度，呢款湯麵仲會用日式粗麵條，可以沾更多湯，辛辣味以我唔係幾食得辣嚟講，會有少少嗆喉，但又好好味😆白湯豚骨拉麵 $68🍜呢款麵用幼麵，個豬骨湯唔似九州拉麵果種濃厚嘅湯底，但同樣好重骨湯味。兩款拉麵都配有一塊大叉燒，極厚身，目測差不多有1cm咁厚，特別之處係用火燒過，面層有少少焦香味，很特別，坊間拉麵店少見。個麵嘅軟硬度選了較硬，入口很彈，有咬口。👍👍煎餃子$28🥟一碟5隻，餃子底煎得很香，但又唔會食到一口油，非常亁身。👍其實呢度嘅沾麵都極有人氣，只係個人口味較喜歡食湯麵。聽到鄰枱食客都有讚沾麵個湯很香、濃稠度剛好掛麵，麵條能完全沾滿濃湯，入口滑捋捋，好好味。

一直都好想試呢間好出名嘅分店，但每次去到都大排長龍😭今次終於下定決心去排隊試試，雖然排咗差超過半個鐘，但質素果然冇令我失望✨餐牌非常簡單直接，一睇已經知道有咩選擇，容易對應所點嘅食物作出相應調整白湯豚骨拉麵個湯底味道好濃郁但唔似味精味，而且入面嘅叉燒仲要係半肥瘦嘅，食落去特別好口感😋我覺得辛辣拉麵個湯底就唔算太辣，但係如果有唔同程度比消費者選擇可能會更好🤔味道一樣都好農郁，而且唔會比辣味cover曬拉麵原本要有嘅味，而且仲有好多菜，感覺都好健康🤣最值得一提係喺度消費仲可以儲印花，每五個就可以換一個小食，十個就可以換一碗拉麵，真係好掋㗎😙

今日聖誕節，睇完電影就同男朋友去食午餐。男朋友話想食拉麵，所以選了支持香港的小店拉麵。這間地方不是太大，但乾淨整齊又光猛，排了一陣隊就有得坐，效率都幾快幾高！服務員都幾有耐性，禮貌不錯！可能太多香港人幫襯，所以幾款都售完。我們點了一個湯拉麵一個沾麵，2款都食到！辛辣拉麵辣味不會太厲害，開胃惹味，湯底不會太咸；叉燒軟腍大塊有口感，糖心蛋口感滑又蛋黃金黃香濃，有爽口筍片，拉麵男友選了普通口感，佢話剛剛好魚介豚骨沾麵沾麵可選凍/熱，魚介豚骨湯好濃郁但又不會太咸，沾上拉麵好夾；青檸配上叉燒好清新，蛋及筍片一樣好味，拉麵我選了軟身的，但我個人喜歡湯拉麵多一點，濕濕地更美味

一生懸麵的九龍灣店一向也有不錯評價，細佬我之前都有試過，湯底和配料真的頗出色，最近在社交媒體看到其新店於旺角女人街開幕，細佬我見禁就腳當然要再試。此店和一般拉麵店比地方算相當闊落，約有25個坐位，大部份是四人枱，只有小量吧枱，坐得算舒服。辛辣拉麵（73$）此麵辣度適中，湯底夠厚，富層次，實在比不小名店更佳，蛋夠嫩滑，叉燒肥瘦均匀，73蚊不設加一，實在抵食。在旺角區，拉麵店的選擇其實也不小，但長期糧尾的我呢度啱晒