1963 木十豆寸

營業中

休息中

灣仔道莊士敦道交界三角位有一棟特色大廈，是晚行過抬頭見到，令我諗起紐約第五街嘅熨斗大廈，哈哈。經過灣仔道入口，比樓梯口個1963木十豆寸招牌吸引左，走上兩層樓梯，發現原來係台灣餐廳。橫掂都行左兩層樓梯，就入去食埋飯啦。餐廳裝修好懷舊，門口兩道木門既門柄係舊式電話嘅聽筒。入到餐廳入邊，見到有個擺滿舊相機既櫃，男女廁中間掛住個理髮店門口嘅紅白藍旋轉燈柱，燈柱旁邊有一座字粒印刷檯，十足十個博物館咁。終於有人帶位喇，餐廳都幾滿座，座低發現木檯原來係舊車衣機，物盡其用。晚餐有套餐亦有單點選擇。套餐一位199起，決定單點。兩個人點左滷肉飯、麻醬麵、燙青菜、酒蒸蛤蜊、三杯雞。燙青菜有好多滷肉鋪面，酒蒸蛤蜊好好味，三杯雞略嫌太濃味。滷肉飯細細碗不過鋪好滿，飯面放半隻滷蛋，半片黃蘿蔔，正👍🏻。麻醬麵既棉質彈牙，同麻醬撈埋好夾。食物質素整體滿意，可再來。

相信跟許多人一樣給他的懷舊裝飾勾引而去，結果。。。當然是後悔不過啦！！先說位置難找，不怪他，只怪人家那個按摩招牌太大，旁邊那間找換店燈光太強，令到＂樹＂哥被低調。那條6 70年代的樓梯。。。飯前做做運動吧！入內後倒有回到過去的感覺，粵語長片中的雪櫃電視機，飛髮舖的彩筒，阿嫲搵食工具＂衣車＂被環保式用作飯桌，還有還有。。。坐落打開菜牌，選擇不多，算！如果是貴精不貴多的話 先來一道台式麻油雞一，二，三，四，三隻槌一隻翼雞肉鞋，沒有麻油香味再來眷村拌麵，麵有些點硬但還可，汁比較水不能做到掛麵效果。跟萫上枱的是酒蒸蛤蜊，一望眼都掉出來　酒味欠奉，份量少得可憐　眼珠還未完全返回位置，另一道菜隨之放下。。。五更腸旺，一頭霧水的名字腸是豬腸，依其名理應是主角，但全碟只有幾條腸絲，合起來只有一舊豬腸那麼多多多多最後一道菜也來了，月見過貓。天下之大，山間野菜何其多，與過貓首次相見，長知識，本應喜上眉梢，奈何給人亂倒在一潭茨汁裡，加上蛋黃一隻，哭有著明月照溝渠的感覺。。。唉！！！翻看其他食評人的相片(2016-06-25 Bur)，只能嘆一句＂同人唔同命＂，唔夠人咁正！！台菜出名汁多，但仍是會五味分明，相