點·子·巷

營業中

休息中

鰂魚涌真的有很多非集團式的美食店。今天就相約在鰂魚涌返工的朋友吃晚飯。點．子．巷位於海堤街巷子內。巷子內亦有其他小店，下次一定要再試試其他食店。餐廳面積不大，大約有24座但坐得舒服。而且價格不貴，還有午市套餐和下午茶餐。蝦醬腩肉虎夾包：腩肉炸得酥脆，夾了酸菜蝦醬不會太油膩太咸，而且味道出奇地夾。正正就是在台灣吃過的割包只不過餡料不同！十分推介！紅燒辣牛腩船家湯粉的湯底十分足料，吃得出牛肉、花椒八角和蘿蔔味。蘿蔔十分入味同炆煮得夠腍。我個人喜愛較硬的麵質，所以略嫌湯粉腍了一點。糖心蛋肉躁珍珠飯的肉躁不會太油，比較乾身，而且加上蒜粒，口感十足！ 加了芝麻也有畫龍點睛的效果，推介！醉香火炙三杯雞，雞很夠味，連青紅黃椒都爽口入味，咸度十分好送飯，而且重九層塔味。

今日約咗朋友食晚飯, 佢話想食台灣嘢, 經朋友介紹下就嚟咗呢一間. 我哋約咗喺鰂魚涌地鐵站A出口等, 行過去用咗三分鐘, 都算方便. 呢間台灣食店, 位於小巷入面, 行過咗好容易會miss個入口.好鍾意呢間鋪嘅雲石枱, 同埋韓式嘅筷子匙羹, 有種Fusion嘅感覺.我哋兩個人好肚餓, 一嚟就叫咗四個餸.首先係紅燒辣牛腩配船家湯粉. 我好欣賞個湯, 佢用咗蕃茄嚟煲, 有少少辣辣地, 啲白蘿蔔同埋牛腩醃到好入味, 好鬼開胃. 跟住就係糖心蛋肉躁珍珠飯. 肉躁上面放咗好多炸蒜粒同埋青蔥粒, 唔係太多油, 撈埋啲飯啱啱好, 算係偏甜嘅肉燥飯. 另外我哋又叫咗蝦醬腩肉虎夾包, 嘩呢個真係真心好味, 個包好軟熟, 腩肉炸完之後卜卜脆, 入面又多汁, 蝦醬味好香, 又落咗少少麻醬, 加埋啲酸菜一齊食, 口感非常豐富.最後係個三杯雞, 啲雞醃得非常入味, 加埋啲九層塔一齊食, 味道唔錯, 不過略嫌雞肉乾咗少少.總括嚟講呢間都唔錯, 我會再嚟㗎~