吞POT 雞煲火鍋.住家菜

營業中

休息中

食呢間餐廳就感受到咩叫做「一分錢一分貨」。 的而且確，價錢係比起其他放題式雞煲貴唔少。但係材料嘅質素都高返嘅。至於性價比就見仁見智🤭我食嘅係「滋補花膠螺片雞煲」（$208）1）螺片：好彈牙、但唔難咬開，係我食完會想再夾嚟食2）花膠：唔知咩level 但就ok 好食，主要係佢湯底都carry唔少3）雞件：比起想像中再滑嫩，或者我會形容係：鮮滑！4）秀珍菇：雖然冇遇到佢有少少蔬菜，但係有就係幾開心。正常味道另外叫咗⋯⋯1）芝士炸響鈴🔔$15.1件，其實都幾貴。不過當係試新野，我感覺都係好食，但係兩樣野加埋有啲鹹，所以覺得，最多食一夾就足夠2）特級雪花牛肋片（$198/10片～）錦綉花園係預咗佢要好食，因為都貴㗎。但係佢就好有牛肉感 ，有啲似食緊西餐嗰種肉眼嘅感覺3）紅薯粉如果平時食開譚仔米線嘅，就可能唔會係呢一種恐懼感有啲失望，有啲係超級市場買緊嘅江西米線🍜 唔夠彈牙同埋煙韌4）娃娃菜正常級數備註人頭醬料$12

呢排天氣凍，行完山之後想同朋友食雞煲暖下身，咁啱記起之前去726食飯環境唔錯，就嚟到23樓既呑pot食雞煲+火鍋。.一入去就見到大大個魚缸😂一坐低，店員就俾咗一盤醬料我哋自己調制，蘸雞同埋打邊爐一流！（每位$12）朋友唔太食得辣，衡量過之後就揀咗胡椒豬肚雞煲 (半隻) ，亦再另外加左娃娃菜同一杯西柚特飲。先嚟咗杯西柚特飲 ($36)，比我想像中大杯，酸酸甜甜好開胃，又可以消消滯，中和下打邊爐嘅熱氣。廚房預先熱咗胡椒豬肚雞煲 (半隻) ($178)，所以一上菜就食得。份量比我想像中多，兩個人食啱啱好。成個雞煲唔會話太鹹或者太重胡椒味，湯底非常足料，加埋豬肚、粟米、白蘿蔔、菇、芹菜，令到湯味更濃郁，忍唔住都飲咗幾啖。由於湯底過度出色，雞相對上感覺上冇咁入味，不過加埋醬料都好好食！食到咁上下再落埋娃娃菜 ($38) ，吸收晒雞煲嘅精華，食返少少菜好似令自己冇咁大罪惡感haha由於我同朋友7:30pm前就埋單，所以火鍋配料 (娃娃菜) 半價，好抵！下次有機會再嚟嘅話一定會叫多啲火鍋配料同埋小食，特別要試吓手打系列！另類嘅享受 - 望住旺角夜景食雞煲喺窗台邊好可愛嘅雞仔😍

難得和朋友約出外吃飯，於是建議食好d。以前曾吃過尖沙咀的吞pot, 今次一於帶隊吃旺角的。旺角的地點較方便，無論太子站 旺角站 甚至是旺角東站，大概五分鐘便可到。而且一出電梯就看到一個很長很大的魚缸。條條魚也很大，一下子 以為是食海鮮！餐廳有一排落地玻璃的座位，景觀開揚。一坐低 不用想就知道要叫一客滋補花膠雞湯。侍應也很醒目的先替我地order 湯底和奉上配料，讓我們可以慢慢的點菜。據我上次的經驗 花膠雞湯點半隻份量已十分夠食（當然想食d 雞肉，點全隻就可能會抵食點）。我朋友都認同可以留肚食多點其他東西。最後我們點了牛柏葉、牛小排、手打黑松露墨魚丸 和 我强烈推介的爆芝響玲。雞湯先送上，店員溫馨提醒我們喝少少，不要將喝到底呢！真的，雞湯不膩，很滋潤。打邊爐我很少會點牛柏葉，不過朋友點了就試試吧！口感爽口，不過不失。牛小排雪花分佈均勻，厚薄切得剛好，肉汁豐富，完全唔韌！墨魚丸 彈牙，不過要記得放耐些少，因為需要時間讓入面的丸肉熟透。上次一試難忘的爆芝響玲，今次一樣無令我失望。響玲新鮮炸起。浸在雞湯內一會 外脆內軟，加上芝士慢慢的滲出咸味，口感非常豐富。我們各自也點了一杯飲料，也是打邊爐必

滋潤螺片花膠雞煲半隻 208hkd兩個人撐枱腳，又一次去到旺角呢間再次食雞煲今次揀咗， 滋潤螺片花膠雞煲半隻 去食，次次入到餐廳， 窗邊一排枱都好花比客人霸佔左，佳因果個位置睇到令令的香港景色。 湯大方面， 花膠特多，雖然只係得半隻雞，但係非常足料，兩個人食半隻雞都有點太多，飲盡曬湯底都唔口乾牛柳粒90hkd額外點咗少少 ，吊吊湯底嘅味道， 豐富口感， 牛柳粒食物ok，但放喺火鍋內煮，好容易煮過熟，最好係一件一件咁煮， 今次失手咗，因為一次過放曬入煲內煮， 令湯底降溫， 煮過咗龍。大杯大檸茶（配火鍋，最正）分量好多，杯好大，大概1200ml ?? ，坐低慢慢飲2個鐘一定夠飲。12hkd@醬料大挑戰：麻辣醬，驚人既麻辣，一小匙都嚇親

新婚不久，🍾👰🏼🤵🏻當然係要邀請我嘅好伴娘食返餐作感謝！🙇🏻‍♀️🙇🏻‍♀️好友喜歡食打邊邊，並要求要坐得舒服，坐得舒適！上網搵咗好耐，終於比我搵到呢間吞pot雞煲火鍋, 上網見啲人話坐得舒適食材有新鮮，所以你試一試睇吓真與假！😼😼當日六點半就到，已經半個塲full咗，所以大家記得預早book位！一去到，喺門口就見到一個大魚缸，🐢🐠🐡🦈仲要係觀賞魚的魚缸，印象好似有海龜，仲以為自己去咗海洋世界添，環境真係唔錯。個塲完全唔侷促，唔會好似出邊煙霧離漫好大浸味嘅火鍋塲！🥘我哋被安排入咗卡位，仲係window seat... 舒適度可跟同食西餐冇分別，very good! 果然無揀錯！🤣💪🏻🤩講返嘢食，我哋兩人點左招牌螺片濃雞湯鍋，估唔到呢個湯底會滿佈都係料，好多螺片同埋雞肉，個湯底都已經飽咗一半，不過我哋仲叫好多嘢食！🍲🍲由於呢度好多特色野，所以我哋都試咗好多，包括咗：手打香煎鵝肝丸：呢個口感都唔錯喎，幾特別我鍾意！🦆🍢手打芝士牛丸：估唔到芝士夾牛肉係超級夾的，但芝士味又唔會搶咗有肉味，仲更加濃厚添，極力推介要是一下！🐮🐮🍡🍡二講到最好食嘅，一定係呢度啲牛，因為見到枱枱都會叫，我哋都唔執輸，齋睇

友人食完呢間鋪頭推介我地一定要試～ 因為材料新鮮，7:30前埋單火鍋配料同小食都有半價～見佢咁抵，友人又大力推薦，咁就即管試下一入到黎個環境都非常唔錯，因為想7:30前埋單咁就有半價，所以我地5:45已經到左～入到黎都見到有幾枱人食緊～應該都係想用呢個優惠另外一入門口仲見到個大魚缸添！ d魚超活躍咁游水～一d吞pok既感覺都冇我地被編排坐窗邊，對住個落地大玻璃.... 呢個時間仲睇到日落... 真係好正.. 岩哂吞pok一族一路發呆一路望住個天餐牌度都見到有唔同種類既食物，當中手工丸類都有好多款～ 我地想試哂所有丸就叫左個十全大寶丸！入面隻隻都有餡，好特別～另外因為想食牛想左好耐，叫左個安格斯牛小排，黎到之後見到肉同油花分明，仲好重牛味～順帶一提,叫左個雞煲同d配料之後,店員店員就放低左醬料俾我地溝～叫完個雞煲之後，店員就放低左醬料俾我地溝～登登登登！雞煲出場！呢個重慶麻辣雞煲好惹味，我地有d後悔叫左小辣，因為怕個煲太辣，但黎到之後覺得應該都食到中辣十全大寶丸入面有唔同既餡, 共有5款,各有2粒~食落非常之彈牙~ 我最中意係黑松露肉丸~ 黑松露味出之餘, 又唔會搶左d肉味~另外叫左大大