金寶泰國菜館

營業中

休息中

今次去左食九龍城泰國嘢飯堂。 冬陰功夠酸辣夠平均，唔食得辣嘅都可以試下，嗌份細嘅都有3 4碗，最岩2-3人食。不過個湯好快凍，一上枱就要盡快飲。豬牛雞串燒好香，個汁係靈魂，要配住食，上枱果陣都係暖嘅，如果係熱嘅就更加好。今次都有試埋個泰式生蝦，都見到好多枱都有嗌嚟食。上到枱，個汁都幾辣下，少少似酸辣鳳爪果隻味，個感覺都幾新鮮，如果唔食得辣嘅可能要整走啲辣椒先食。同埋都有飲埋椰青，$40/1 價錢來說是偏貴，但係個椰青都俾想像中大同滿，入面嘅果肉都可以食，都唔少，可以2個人叫一個來試試。

今次黎九龍城終於係食泰國野喇🤭🤭呢間金寶泰國菜館係外國朋友次次黎香港既最後一站～一行7人黎到... 次次都不外乎嗰幾款食物:《生蝦刺身》食泰國野一定要食既一道泰菜啦～呢度既比起出面既辣～外國朋友食到面都紅晒都要照食呀😂😂😂《冬蔭公》呢度既冬蔭公味道好濃～唔會太重椰奶味👍🏻👍🏻👍🏻太多椰奶會蓋過左冬蔭公湯既本尊🤭而且呢度夠酸夠辣...正呀🥰👍🏻👍🏻外國朋友又係飲到流晒汗💦同怒髮衝冠都要照飲呀❤️《泰式生菜包辣豬肉碎沙律》相對比較普通既一碟菜～因爲係屋企都整到既關係，而且屋企可以控制酸度同辣度所以我鍾意自己整多d🤭🤭🤭《醬爆蝦丸》呢個食晦時候寶係要小心呀！因為入面有餡架！蝦丸好彈牙～入面既餡料好香...係大頭蝦膏黎的～好好味💕《串燒sss》呢度既串燒都甜甜的，牛果款最香！雞就比較嫩滑，豬就正常😌😌😌《椒鹽軟殼蟹》估唔到喺泰國餐廳都可以食到大排檔風味嘅小菜👍🏻👍🏻👍🏻唔好講笑，佢哋嘅蒜都炒到好香下㗎～香到好想就咁哪碗白飯去撈黎食🤭🤭🤭《鮮蝦卷》呢個就相對地普通喇~冇味的！我知道其他越南凍卷都係咁嘅，但係我就麻麻哋喇。完全係靠額外既越南酸甜汁，但係呢度嘅酸甜汁太甜...所以就冇乜特別好感🤭🤭🤭《

天氣好，出外逛逛，就來個九龍城美食之旅吧！😋😋再逛逛九龍城廣場和九龍城寨公園。👍👍【金寶泰國菜館】✩生蝦肥美鮮甜，辣椒+生蒜辣得很過癮✩醬爆蝦丸裡面有蝦膏，很滋味✩生牛肉河一般吧✩拉椰糕微甜，口感黏稠的，好得意✩滴咖啡我無試，no comment

適逢朋友生日，她家住九龍區又喜歡泰國及越南菜，即時想起九龍城衙前塱道25號金寶泰國菜館🤩，這間餐廳可同時吃泰國及越南菜👍🏻我很欣賞這餐廳非常貼心！將正確吃越南菜的方法畫寫在餐枱紙上😻👍🏻食物款色很多，價錢相宜又不收取加一服務費。咖哩鮮大蝦煲（配法包）：咖哩香濃，大蝦真係大隻又新鮮，而且份量足料，有很多隻大蝦😋酸辣粉絲大蜆煲：大蜆夠大隻，蜆肉很鮮甜美味😋醬爆蝦丸：外層香脆，內層蝦肉彈牙爽口，中心有流心香濃蝦膏😋😋😋牛肉串賓海：牛肉串烤得很香，用生菜包著米粉、牛肉串粒、青瓜、紅蘿蔔絲再加上魚露，真是非常好吃😋👍🏻

約了朋友吃泰國菜，朋友説「金寶」吧！來到看見一連三家都是金寶，只是兩間金寶越菜，中間夾著的是金寶泰國菜館。二話不說往中間走去，結果是...錯了！原來泰、越竟是一家親：）進入越菜館，飱牌有泰有越，一爐而共冶，毋需執著😂最喜歡有薯仔的咖哩，味濃香而夾著椰奶味。蝦不算大，但鮮味可口：）法飽香脆新鮮，滲浸咖哩中，悠然馥都。蜆肉肥美，難得的是完全無砂。薑蔥及九層塔的味合起來，令蜆肉和湯培增鮮甜。賓海稍遜了！主要是做的粗糙。本來賓海是將一撮米粉揑成一餅，再將蔥碎同炸蒜碎鋪於米粉上，當然米粉中間亦可夾上其他餡料，如扎肉。吃時再加上酸甜醬汁。只是，這次的賓海太乾，蔥及花生、香葉碎不足，醬料酸辣甜的配搭未理想。此外，牛肉也太乾硬了！蝦丸亦嫌炸的稍乾，蝦味不足，估計是和肥肉的比例出了問題。丸子中間咬開，可見其內有醬汁，但是什麼醬汁則不得而知，只是不覺味道鮮美。

同舊同事相約聚一聚，決定食好耐無食嘅泰國野！我地一坐低就睇下餐牌，有好多野都想食呀！我地未等齊人就開始tick tick tick. 第一樣一定要食嘅梗係生蝦啦！生蝦除左蝦本身要新鮮，爽脆之外，個汁都好緊要。依度個汁就調較得啱啱好，少少酸甜，再加少少辣，連唔太食得辣嘅朋友都一隻接一隻除生蝦之外，另一蝦類菜式，就係醬爆蝦丸！外面係彈牙蝦膠，入面係濃濃嘅蝦膏，諗起都流口水！依個即叫即炸，熱辣辣咁食，正！食泰國野當然唔少得串燒啦！依個係泰式，我地雞，牛，豬各兩串。沙嗲醬係另外用碟仔上，可以自己決定要幾多。雞肉都幾嫩，幾好食。生菜包又係另一必食嘅。肉碎都幾香，不過辣度可以再多少少，會更惹味。椰子海鮮飯有好香嘅椰子味，加入蝦，魷魚，雜豆，都不錯呀，食左兩碗，係有少少膩。烏頭魚一路熱住黎食，仲有另外一碗湯，可慢慢加，就唔怕條魚太乾。而依條魚個精髓就係個汁！個汁似乎係生蝦個汁，點一點個汁，味道的確晍同d！

平日星期三晚慣性要出街食飯，因為仲有有兩日先到weekday休息,令人納悶日子。今次約了姐姐食所以選擇了近她的九龍城，黎到呢頭就當然係食泰菜，亦當然地選了這間老字號。無bk枱，黎到好full,但他開了間越南菜館在旁，所以有有位坐，同時可以叫泰菜及越南菜。推介的蝦球，原本覺得80蚊好貴，但上菜見蝦球好大粒，而且即炸，熱辣辣，交落滿滿彈牙蝦肉，中間有蟹黃油滲出，好滋味。本來見到有少許失望，唔係預期的金黃色沾滿炸蒜，但咬落有驚喜，肉質鮮嫩保有水份，好重牛油香。叫了一份細的，份量驚人，有約4隻蟹，炸得剛剛好，保有水份，唔會硬亦不會過咸。每次食泰菜必點的，份量多，味道夠，令人回味點了黃咖哩牛肉另加蒜蓉包，咖哩濃郁椰香味，內用菠蘿粒取代薯仔，菠蘿甜味同咖哩非常相襯，有碗豆，洋蔥，蘿蔔。咖哩多，最後食唔完可以問佢拎個盒帶走。蒜蓉包熱辣辣，蒜蓉同牛油塗得很均勻，從頭到尾都有。雖然等兩大條但中間有切口可以一開三食左咁多野以為起碼400幾，但原來唔使加1，埋單354 only,好鬼抵。知道佢地係 tst都開左分店，嗰邊方便d,下次會去試一試

娘家在九龍城，自細就成日跟家人出街食泰菜，記得十幾年前泰菜已經開遍九龍城，有幾間好似黃XX，金X泰，X農等成日都去。大個左屋企人為左個炸蝦丸就去多左金寶。今晚約左朋友食飯，佢話想食泰國野或者越南野，咁就決定重訪舊地兩樣都食齊。以前都唔覺，原來佢而家有三間舖開埋一齊。入到去聞到好香泰菜味，搞到我地兩個好肚餓，一口氣叫左個咖哩牛腩煲配法包、蒸粉包、醬爆蝦丸、蒜蓉牛油雞翼、咸魚炒椰菜苗、仲加一杯椰汁一杯龍眼冰。結果當然係眼闊肚窄。呢間店嘅特別之處係越南菜又有、泰菜又有。由細食到大嘅醬爆蝦丸，依然美味！Close up好有咸香嘅蝦膏餡，超滿足，膽固醇同時急升呢個咖哩牛腩加法包係我呢餐嘅最愛，咖哩又香又滑，好多牛腩仲有幾舊薯仔，好入味，不過精粹都係用法包點咖喱汁食！我一個人食左四舊法包！食到朋友想食嘅越式蒸粉包，皮薄料多，我鍾意加好多酸汁食，好開胃。最後仲有個蒜茸牛油雞翼同炒椰菜苗。佢個雞翼唔係有好大舊炸粉炸到好大舊嗰種，食落都似普通炸雞翼。炒椰菜苗都冇咩特別，一般泰菜水準。兩個人盛惠$369，飽到不得了，令我驚喜嘅係冇收加一，可以繼續encore!

九龍城到處都係美食，但比人第一印象一定係想起泰國菜，由於另一間著名泰國菜館太多人，所以就去咗金寶，環境比較窄同舊，你可以好清楚聽晒格離嘅對話內容不過因為唔想等位就選擇咗喺到食～由於要留肚食甜品，所以今次只係叫咗3樣野食～當中有我至愛嘅醬爆蝦丸，椰子焗飯同炒菜蝦丸1碟4粒,大大粒，賣相吸引，即叫即炸，外皮炸得脆身，蝦丸以新鮮蝦膠製成，非常彈牙～咬開後，清楚見到蝦丸內包住大量蝦膏，由於蝦汁好熱，一唔小心好易燙到咀，蝦膏真係非常香口，但好肥膩. . .椰子海鮮焗飯份量好多～原個椰青上枱～打開後見到滿滿嘅椰漿飯，散發陣陣椰香不過入面嘅海鮮喺用冰鮮蝦、蜆肉、墨魚，所以無海鮮味椰漿飯食落比較軟身，比較黏口，所以好飽肚可能因為蝦丸做得出色，加上價錢不貴，平時普通食下晚飯都喺個不錯嘅選擇

九龍城是出了名的食店城，食店之密集度有機會冠絕全港，尤以泰國菜為其中之佼佼者，可說是百花齊放，大中小的泰國食店要全部都嚐過，也非得花上一段時間才行~那麼今天要選這一間不算是太正宗的食店呢﹖還不是為了那個"炸彈"。今日點選的菜，大部份都是自己比較喜歡的，有：泰式生蝦、泰式海鮮濕炒河、醬爆蝦丸同串燒。泰式生蝦味道鮮美，蝦肉都幾新鮮有咬口，加上酸咪咪的醬汁，非常好醒胃的一個前菜。明星菜是初次品嚐的，內有椰子芯、豆乾和菜甫，以及一些海鮮。所有的材料以一個少辣的醬汁來作橋樑，各有各的口感，頗有趣。醬爆蝦丸依舊蝦肉爽口，大頭蝦膏甘香味美，雖然膽固醇爆燈，但要忍口不嚐實在是難度極高啊。濕炒海鮮河粉比以前差了，沒了那份麵豉的香味，連帶味道也淡了，唯一不錯的是醬汁不再是水旺旺的。辣椒膏炒蜆的辣椒膏不夠香辣，還好蜆都頗肥美，不至於完全一無是處。這兒的串燒仍然是即叫即燒，最美味的是豬肉，肉質不嚡口，夠味而帶點爽口。整體來說仍算滿意，至少最想吃的那幾道菜味道依舊一樣，沒有走樣。不過，在競爭不斷的市場中，單天補至尊的經營方式還可以支持多久呢﹖