富豪金殿

營業中

休息中

大除夕晚餐揀左去富豪金殿食中菜，近排黎左兩次飲茶，都冇試晚飯。今日一早訂好位，晚市人唔多，算清静。餐牌有湯，海鮮，得獎菜式，廚師推介，煲仔菜，同素菜。主餐牌有招牌菜式，小食，湯羹，鮑魚海味，燒味，海鮮，家禽肉類，素菜，同飯麵。今晚一於主打得獎菜式同招牌菜式。金湯珍珠香茜魚蓉羹 $138 另加一呢個金湯珍珠香茜魚蓉羹係得獎菜式之一，改左個好靚嘅名。金湯係淡黃色，賣相討好，飲落有淡淡魚湯味。湯料豐富，入面有連皮星斑魚片兩片，少少爽口菇粒仔，好多用蛋白造嘅珍珠波波，同切碎嘅香茜。口感多層次，味道清甜又有香茜嘅香，又夠杰身，健康好味。唔錯唔錯。金獎茶皇燻雞半隻 $288 另加一金獎茶皇燻雞半隻都得獎菜式之一，茶皇燻雞有超薄脆皮，帶微微茶味，好味道，可惜肉質唔夠嫩，明顯係冰鮮雞，全冇鮮味。窩燒龍躉脊鰭 $538 另加一呢味窩燒龍躉脊鰭係招牌菜式，用成個窩上，熱辣辣。服務員幫手將龍躉脊鰭切開，龍躉明顯係新鮮，肉質好實在，味道濃淡適中，唔過鹹，不過講真唔算好出色，只可以話真材實料同調味適當。其他配料有火腩，枝竹，厚身冬菇片，香蔥同香茜，咁都有唔少菜食喎。荔茸香酥鴨半隻 $228 另加一荔茸香酥鴨賣相

首先多謝食友的安排，一行數人來吃此店的晚市套餐，這個套餐好的地方，就是逐位計算，所以就是你是隻身一人的商務客，也大可點這個套餐，一個價錢，但就可以試足七道菜晚餐。說回是日我們要嚐的七道菜晚餐，當中龍蝦及蝦兩款菜式要二選一，而為食的我們當然是兩款都要一半來試，所以一夜就試了八味菜式，當中的四款更是香港旅遊發展局舉辦的「美食之最大賞」得獎名饌，這真的叫人未吃就期待。未吃飯，中國人都是先來碗湯羹，店家這一味金湯珍珠香茜魚蓉羹，其實湯身的金色取自甘筍油，加上本身湯底味道夠濃郁，再滾一滾魚片之後，再加鎮江醋及勾茨，味道就更豐富更鮮美，不過稍嫌湯身鹹了一點，也油了一點，可能店家真的要留意在爆魚片時油份的控制。魚肉用的是東星斑，肉質細嫩香滑，加上菇粒、及由蛋白及忌廉打成的珍珠，吃起來味道夠鮮美之餘，又有嫩滑魚肉吃，實在很棒，所以如果店家能改善湯身偏油這個問題，那這湯就真的無法挑剔了。接下來的這道芙蓉黃金蝦，其實很多外邊店子也有得吃，其實這一道菜是很考功夫的，因為鹹蛋黃很易被炒得過老，所以店家是要盡快將鹹蛋黃兜勻至蝦的表面，同時也揮發出蛋黃的香，其實個人認為店家是做到了這一點的，不過敗就敗在店家太慷慨