嚐樂

營業中

休息中

食完泰菜，突然間好想食甜品，於是就搜尋下附近有咩甜品店，一搵見到呢間喺我地食飯附近，食完泰金國轉個彎行到街尾就見到呢間位於轉角位嘅嚐樂啦。店內得幾張枱，地方細細，但都睇得出老細幾用心去佈置，貼落旅遊地方嘅明信片同埋相片，一路食可以一路欣賞各地風景，都不失為一個好主意嘅。甜品方面，主要係雪糕嘅配搭，我不喜歡食雪糕，所以就叫了個楊枝甘露，朋友叫了黑炭頭和金玉滿堂。呢個楊枝甘露又幾清新，原來石榴汁嘅香味配合埋金柚同芒果出嚟嘅效果幾唔錯，唔會甜膩，比起其他食開嘅楊枝甘露味道更為突出。黑炭頭有齊晒朋友喜歡嘅曲奇雪糕，朱古力餅同涼粉，一次過滿足晒3個願望。金玉滿堂，就咁睇落已經七彩繽紛好吸引，裡面有鮮什果，芒果啫喱，椰果同埋小丸子，我試左啖口感也不錯。

"OK篇"兼龍城食記不經不覺已寫到近尾聲, 前幾篇分別介紹了泰菜、食腸粉、飲夜茶、西餐廳、茶餐廳 (潮州菜就較早前寫了南記)...中間又夾雜了去Smile Yogurt及去新開的Highfive 食雪糕, 寫開甜品不得不提兩間心水店食甜品, 就是今篇119嚐樂及120的小方糖.前言:  嚐樂在賈炳達道與打鼓嶺道交界口, 對著城寨公園, 算是龍城最靠邊的外圍區, 雖然店鋪細但因為位置較偏遠, 比其他在中心區的甜品店易搵位, 窗明几淨, 甜品細細杯十零廿幾蚊有交易, 街坊味濃單車友駕著'戰車'幫趁有優惠、幾位店主全部落手落腳做, 在玻璃窗上的告示就可見他們的生活態度, 招呼令人舒服, 幾'街坊feel'唔識點寫點形容, 店子細細但氣氛很好, 遠離繁囂不太嘈吵, 行遠少少又何妨?!  幾年前開始honey就間中帶我去吃一杯, 是我們撐枱腳的心水店之一.  今晚飯後又想吃點什麼, 近來吃得太多聯發的鮮油奶多, honey對我件鮮油開始多多意見, 所以今晚又來了嚐樂.今日: 一坐下, 點了我的例牌 - 金玉滿堂, 咬著啫哩, 椰果及珠珠, 味道純樸賣相一向簡簡單單, 乾淨企理, 感覺良好, 但吃

一講起九龍城三個字，只有兩樣嘢會出現在我嘅腦海:泰國菜同埋甜品。今晚同朋友係王家沙食完晚飯後，仍然覺得意猶未盡，所以朋友揸咗架車去九龍城食甜品。黎到嚐樂甜品舖，地方唔算大但睇落都好光猛同新。呢度嘅甜品都幾多選擇，有各款各類，價錢都好抵，$2x-$3x一個，而且D甜品插圖個樣好吸引，真係望住佢地到食指大動。好開心一行五人所以變咗食嘅甜品選擇都多左。我食嗰個叫做金玉滿堂，主要有雜果(西瓜芒果)，啫喱，小丸子，椰果，淋啲忌廉系上面。要功夫醒整既小丸子同啫喱Q感十足。有朋友叫咗個星星奇遇(實際個名可能唔係咁，但我唔記得咗) 。開頭諗住，上邊有啲蜜糖星星都冇乜特別，好似食穀類早餐咁遮。但後尾發現下邊個個綠茶茶凍，其實幾清新幾好味，配埋球綠茶雪糕夠creamy夠濃，成件事係估唔到咁夾嘅。鮮什果涼粉就比較普通，都係一般貨色。藍水晶最特別之處就係嗰啲藍色嘅水晶粒，食落好得意，口感好特別，因為佢係爽爽脆脆，好似係你口入邊爆開咁。個球雜莓妹雪糕，食樂就酸酸地既，配合買側邊個d忌廉都OK嘅。有個oreo黑木糠布甸，睇落個樣吸，食落就麻麻哋，因為嗰啲oreo碎可能太細，所以食落其實冇乜木糠嘅感覺，而這個忌廉好