古今二 (荃新天地)

營業中

休息中

同朋友嚟荃灣食晚飯，試咗呢間日本菜。餐廳唔算大，但裝修都有心思，帶點日式風格，點咗金龍卷、龍卷風沙律、日式章魚小丸子、味淋魚干 。先上嘅龍卷風沙律，份量好大，以簡單嘅蟹柳絲、海蜇同沙律菜組成，配上黑醋汁，好開胃 。餐廳主打特式卷物，今次叫嘅金龍卷，裡面包住吉列蝦，再以三文魚舖面，口感豐富，加上加津醬，三者味道夾 。另外點嘅日式章魚小丸子同味淋魚干 ，小丸子好脆口，有驚喜（最怕食到好淋嘅小丸子！），味淋魚干偏甜，啱晒送酒！

友人好想試呢間日式餐廳嘅卷物 所以呢日經過荃新天地就入咗去食個晚餐 估唔到夜晚八點半都仲咁多食客😮金龍卷呢個卷物有三文魚 炸蝦同芝士 每件上面仲有一點蛋黃醬 味道好夾🐟煙花呢個又係另一個特色卷物😉 用咗辣味三文魚 辣味吞拿魚同脆片 辣辣地幾惹味 脆片有多一重口感雜錦天婦羅有三款食物海老 紫薯 秋葵 最驚喜係秋葵入面釀咗蝦膠🦐 口感幾特別清酒煮蜆蜆肉份量多 唔會淨係得殼又有沙 湯底飲落好清甜🍲 入面仲有菇 洋蔥同埋海帶呢間餐廳主打嘅卷物真係好有特色 係令我會想再訪嘅原因🤣

同朋友喺荃灣行街行到攰，朋友提議過嚟呢間佢最鍾意嘅卷物店醫下肚。卷物選擇非常多，充滿新鮮感嘅配搭加上玩味十足嘅名字，令人霎時間有啲選擇困難。因為朋友對牛油果敏感，最後我哋揀咗金龍卷同煙花。金龍卷一客八件，三文魚同炸蝦配上芝士，算係美味又穩陣嘅配搭，鮮甜嫩滑嘅三文魚配上脆卜卜啖啖肉嘅新鮮炸蝦，加上味道濃郁嘅芝士同日式醬汁，令人滿足。煙花用上味道微辣嘅三文魚同呑拿魚，加埋脆片同蟹籽做點綴，無論口感同味道都帶嚟新嘅沖擊，充滿新鮮感。烤茄子食得多，多數係較為重口味嘅大陸風味，估唔到日式風味亦出奇夾，茄子軟腍多汁，加上鹹香脆口嘅櫻花蝦令口感更豐富。鹽燒雞翼同雞腎非常出色，雞翼香口而唔油膩，雞腎口感彈牙，簡單調味更加能夠帶出食物本身嘅味道，非常推薦。

二刷荃新天地古今二‼️龍捲風沙律🥗 $ 76 真係勁大份 海量嘅沙律 有齊我鍾意嘅蟹柳、海藻（即係中華沙律）、沙律菜，佢個醬有少少辣咁，不過幾過癮，三至四個人食啱曬清酒煮蜆 $128呢個真係大推❗️啲蜆又多又大隻 落足料，冇沙又好味，個湯配埋海帶好好飲，值得一試👍🏻金龍卷 $98一共8件，個名改得幾有意境🤣，真係有啲似條龍，係有齊三文魚、炸蝦同芝士嘅卷物，呢個組合好正😋煙花🎆（6件）$79呢個卷物係由辣味三文魚同辣味吞拿魚組成，表面仲鋪咗啲脆片、食落又係好好味，所有嘢都好夾😊呢度兩個人食完全夠曬飽，加埋一都只係$419，食到咁高質嘅嘢食😋

再度回訪餐廳🙌呢間日本野性價比高👍🏻 食到好飽人均都唔洗$200 係大商場入面 餐廳環境舒適 啱哂同朋友食飽飲杯野傾下計🍻 _▫️龍卷風沙律 $76$76呢個份量好抵! 建議3人以上share食 (除非你諗住齋食沙律做main😂) 食完好飽肚🤭 上次已經食過覺得唔錯 今次再嗌 感覺食下沙律健康啲😂😂_▫️蜘蛛 $96對住啲菜名會唔知自己嗌左咩食🤪呢款係炸軟殼蟹卷物 軟殼蟹夠香脆🦀 仲有好多配料~牛油果 蟹柳 同青瓜 超足料😋_▫️金龍卷 $98飯包住炸蝦同厚厚一層芝士 上面配一小塊三文魚呢個食落有少少辣 問左staff原來係用左餐廳特製古今醬 如果怕辣可以整走最頂個啲醬_▫️炸雞軟骨 $66脆卜卜有啲脆香雞翼feel🤪食左會忍唔到口一粒接一粒咁食_▫️鹽燒雞中翼串 $28雞皮燒焦得來入面keep到好juicy 雞肉嫩滑 好好食🤤

古今食物一向唔錯，但未算令人驚艷，價錢唔算太貴，整體嚟講都可以一試。👍🏻不過要留意返，呢間分店部分位置係商場通道，一邊食一邊會有人路過，想靜靜地食飯既人要留意返。👀✨清酒煮蜆食落酒味唔算濃，湯都幾清甜，蜆好新鮮，食落完全冇沙，全餐飯最欣賞。😍✨天婦羅天婦羅炸得好脆，炸秋葵入面有釀野，口感好似蟹柳，感覺幾新鮮。✨煙花初時見到卷物放咗好似薯片係上面，感覺好奇怪，但食落原來好夾！😋✨金龍卷三文魚配炸蝦，加上沙律醬做點綴，一如既往地好味。🤤

店舖內位置十分骨子，而外面有亦數張餐桌，擺設有日式風格，古色古香，別有一番風味金龍卷 98元吉列炸蝦卷配上三文魚，炸蝦香脆，三文魚軟棉，而且有芝士配合，份外滋味大將軍 85元芥辣是樹葉圖案，十分有趣，卷物內有蛋，蟹子，蟹柳及海草，海草夠爽夠脆龍捲風沙律 76元新鮮生菜配上蟹子，蟹柳絲及海草，蔬菜配上大量沙律醬，完全是開胃小菜，健康又有益櫻花蝦茄子燒 68元櫻花蝦配上茄子十分特別，茄子燒面上有大量櫻花蝦，吃後口腔很重櫻花蝦味，有少量黑椒配合，令味道更有層次，茄子肉亦容易撕開雞胸軟骨串燒 35元串燒色彩金黃，軟骨爽脆有咬口，不會過硬，有焦香味，不錯古今二 (荃新天地)荃灣楊屋道1號荃新天地1樓116號舖

之前食過尖沙咀間古今二🍣~今次嚟荃灣見到有分店,仲望住商場內園景綠油油添🌱!呢個日式麻醬豆腐沙律上次都有叫~豆腐非常滑捋捋,加埋啲麻醬好好味😋~上面仲加咗啲飛魚籽同埋三文魚籽🐟,非常鮮味又有口感~另一半鍾意食玉子燒🥚,所以點咗個~佢嘅玉子好香甜,加埋少少沙律醬同飛魚籽~鹽燒雞中翼燒到個雞皮非常脆🐔,但係啲肉都有啲乾~佢只係用咗少少鹽調味🧂,但都好香好好味~佢哋嘅壽司啲名都好特別,好似呢個金龍卷其實係炸蝦卷🐲~上檯時啲炸蝦仲好脆卜卜🍤~加埋肥美嘅三文魚,同埋辣辣地嘅沙律好刺激味蕾🌶~蜘蛛顧名思義就係炸軟殼蟹🦀,個壽司卷再加咗蟹柳同牛油果🥑~佢哋連擺盤都擺到成隻蟹咁~啲蟹腳同鉗嘅部份就放喺頂,創意十足👍~呢間店啲卷物都幾特別又好食,期待佢哋出多啲新款呢😍!

想食古今二好耐今日經過見到無人排隊即刻入左去試！😚餐廳係荃新天地入面而古今二其實有好多分店 餐廳嘅座位闊落侍應都好有禮😍✨金龍卷$98金龍卷的外觀非常吸引人 有三文魚，炸蝦，芝士鮮嫩的三文魚彈牙的炸蝦還有芝士的加入為整道菜增添了豐富的口感🥰✨煙花$79辣味三文魚和辣味吞拿魚展現出獨特的辣味和鮮美脆片的加入為整道菜增添了更多的脆爽口感使整個菜式更加有層次感🫣✨龍卷風沙律$76龍卷風沙律是一道色香味俱全的菜式蔬菜和海藻新鮮蟹柳脆片的加入為這道菜增添了額外的脆爽口感🙈✨清酒煮蜆$128蜆的鮮美和清酒的香氣完美地融合在一起每一顆蜆都充滿了鮮甜的味道😝🍴古今二📍荃灣楊屋道1號荃新天地1樓116號舖

想試呢間好耐啦，被佢多元化嘅日式卷物吸引住🤩望住十幾廿款卷物，選擇困難，好多都想試▶️ 龍卷風沙律 Crazy salad ($76)簡單一個沙律都靚過人上面一大堆蟹柳絲、脆片、蟹籽，下面有清脆生菜配中華沙律🥗沙律醬用上千島醬溝醬油，味道豐富另外加咗少少辣醬令蟹柳絲辣辣地▶️ 清酒煮蜆 Sake- steamed clams ($128)一兜已經好多隻蜆，每隻size相當大蜆肉有嚼口，味道好鮮甜😋湯底清得黎帶清酒香味，應該加咗雞湯所以冇乜酒精苦味除咗蜆肉，仲有洋蔥、青蔥、海帶、巨型金菇，就咁食都好食非常建議連湯飲👍🏻▶️ 金龍卷 Golden dragon roll ($98)推獎特色卷物🏆一客8件內含炸蝦同忌廉芝士，上面鋪上三文魚刺身炸蝦脆口🍤 配又甜又鹹嘅忌廉芝士好襯三文魚刺身肉質軟嫩，仲落咗辣味沙律醬調味米飯唔會太厚，冇咁快滯，用上壽司醋米，無需特別點豉油都有味▶️ 煙花 Fireworks ($79)一客6件內含辣味三文魚同脆片，上面係辣味吞拿魚蓉同蟹籽雖然兩個都「辣味」，但食落唔太辣吞拿魚蓉肥美，不過覺得欠缺少少魚生鮮味🤏🏻入面嘅脆片亦比較細，唔太脆卜卜都係金龍卷出色啲😗▶️ 芝士年糕

今日去咗一間喺荃灣嘅居酒屋食午餐，餐廳名叫古今二，性價比好高，價錢亦都算抵☺️首先，我哋叫咗龍捲風沙律（$76），份量好大，有好多海藻、蟹柳同蟹籽，加埋啲新鮮嘅蔬菜，口感好豐富，最重要係醬汁好開胃！😋之後嚟一份清酒煮蜆（$128），湯底真係好鮮味，加埋好多菇同蜆，每隻蜆都肥肥嘟嘟，好鮮味！🍲再叫一份金龍卷（$98），炸蝦同芝士嘅配搭好夾，芝士又軟又濃，炸蝦又脆又唔會好油，上面仲鋪咗三文魚同沙律醬，一口壽司既口感好夾好豐富，我真係忍唔住一舊接住一舊咁停唔到口！🍣最後，試咗一份煙花（$79），辣味三文魚同吞拿魚蓉卷上面仲有大量蟹籽同脆片，仲有黑白芝麻既點綴，口感好豐富又有層次！🍱總括而言，我覺得古今二嘅食物真係又抵又好好味，性價比高，大家有機會一定要去試吓！😍

荃灣荃新天地呢間店內裝潢以木系格調為主，雖然店鋪面積不大，有部份位置算係商場outdoor，不過無阻我鍾意食佢哋嘅卷特色卷物！金龍卷 $98餐廳其中一個相當出名嘅招牌卷物，由壽司飯包住三文魚炸蝦同埋勁邪惡嘅芝士，炸蝦同埋芝士嘅油膩感，靠少少壽司醬油去清除，但係一份都幾大份，兩個人食都會有小小膩。煙花 $79由三文魚、吞拿魚同芝士組成嘅卷物，一口一件，味道層次好豐富。柚想見你 $98中華沙律加埋柚子，仲有啲蘋果同沙律菜，食落口感非常清新，仲有牛油果粒同埋甜蝦刺身，臨近夏天，呢類清爽類沙律真係好岩。清酒煮蜆 $128大大隻蜆肉加些海帶同埋菇類一齊煮，味道鮮甜而且唔會太heavy，仲要大大份，CP值好高。Overall黎講都幾抵食，CP值都幾高，係荃新天地雖然位置唔算好多，但係座位之間都相對上寬敝，坐得幾舒服。

終於買咗機票等去日本，未出發先興奮，走去食日本料理冷靜吓好多年前曾經食過呢間嘅觀塘總店，令人好懷念，而家荃新天地都有間，唔使去咁遠首先要重遇佢地好出名嘅金龍卷，有三文魚、炸蝦同波士頓芝士層次好豐富，炸蝦嘅脆增強口感，芝士突出三文魚嘅鮮味富士山有一大堆鰻魚冚住啲卷物，裡面捲住鰻魚同牛油果，味道融洽灑上點點薯片脆片，咬落更有驚喜天婦羅簡樸得嚟，食落舒胃，唔太熱氣炸蝦炸得爽身，秋葵亦好乾爽，但保持內裡水份，紫薯好綿，仲好香甜𠻹原來呢間有埋串燒，黑豚肉同荔枝原來係咁夾，燒得好juicy豚肉露筍好有誠意，捲住足足5條露筍雞翼鎖得住肉汁，鹹鹹酸酸超過癮

今日天氣有點熱，午飯時間同朋友去左荃灣荃新天地的古今二食日本野。店內環境雖小，但裝修簡約新穎，座位舒適，最重要係食物質素的確好唔錯！餐牌食物豐富而且款式多，如飯卷的配搭創新，令人都好想試晒佢！店員服務細心有禮，會定時幫我地加茶，食物擺盤亦見心思。首選龍卷風沙律，足料量多，蟹柳和蟹粒撈埋沙律醬，入口清新，每啖都好有味道，勁有滿足感。

週末又是周圍去的日子，今日來到好遠的荃灣🤣 又想食日本菜，這間貌似不錯，就走入去試下了～🥗龍卷風沙律 Crazy Salad ($76)賣相極吸引，份量超多！滿滿蟹柳、蟹籽及中華沙律～ 醬汁帶點辣味，十分開胃🤤🥩安格斯蔥牛卷 Angus Beef Wrap ($72)嫩滑的牛肉包裹著滿滿的蔥條，醬汁香濃，味道一流！🍣金龍卷 Golden Dragon Roll ($98)極度推介！炸蝦十分香脆，配上三文魚及微辣醬汁，味道和口感十分夾🙌🏻 飯內更夾雜著芝士，令味道更濃更惹味！🍣彩虹卷 Rainbow Roll ($116)卷物顏色豐富，十分吸晴！以不同刺身及牛油果製成，包裹著青瓜及蟹柳等配料，味道相當清新～🍤海老天婦羅 Shrimp Tempura ($88)天婦羅炸得香脆；蝦偏瘦，如蝦肉豐富點相信會更好～✨整體感覺：價錢合理，上菜速度快，味道不錯，有機會會再回訪嘗試其他菜式～