德美壽司 (新都城中心1期) (已結業)

工作完一週，真的要好好獎勵自己，所以即使沒有任何飯局，回到家附近也會去想去的餐店靜靜享受一頓晚餐，放鬆一下。今晚也是選了它。裝潢一直沒有變動，每次走進來也覺得舒適自在，正因為樓底高，空間十足，更感舒服。因為獨個兒，故被安排坐在一角，正合我心意，的確有時很想自閉一下……雖裝潢不變，但餐簿就換上新裝，附上更多相片，變得更清晰吸引。附精美的餐簿外，還有飲品餐牌和晚巿定食。餐簿就是單點菜式跟之前相若，有薄切、刺身、壽司、軍艦、火炙、花之戀、三色壽司、大盛、五點盛合、卷物、小卷、手卷、丼物、前菜、沙律、漬物珍味、串燒、燒物、天婦羅、炸物、一品料理、碗物、鍋物、麵類、御飯、飲品和甜品，選擇豐富。*************************晚巿定食就最岩一人，有魚生丼和定食可選，均配湯、沙律和甜品，配搭豐富，價錢經濟。晚巿定食有十四款，我所揀的往往離不開海鮮或魚，今次就揀了銀鱈魚西京燒定食 Grilled Cod Fish with Miso Paste ($118)。湯和沙律齊上，清爽的雜沙律菜拌入鹹香的芝士粉、香脆的麵包粒、微酸的凱撒沙律醬，還配粒鮮甜的帶子，清新怡人。麵豉湯熱辣辣，味道剛

今日經朋友介紹下去咗寶琳嘅德美壽司，餐廳入面接近full晒，好彩出面冇咩人排隊，所以好快就入座。餐廳套餐選擇頗多，例如魚生丼、飯類、定食，送埋沙律、甜品同湯，所以我哋每人叫咗一個套餐。首先上咗沙律同麵豉湯，沙律有炸麵包粒同一片魚生，幾新鮮。麵豉湯鹹淡適中，除左海苔，湯裏仲有豆腐粒。主角出場啦！就係德美海膽魚生丼。估唔到魚生分量超多，有三片三文魚，兩片油甘魚、兩條蟹柳、大量海膽、蟹籽同印住「德美」兩字既甜蛋。刺身非常厚身，海膽creamy，魚生肥美鮮甜，油甘魚肉質爽口，最特別嘅係醋飯內有乾坤，竟然有冬菇，為醋飯加添一份獨特嘅菇香味。女友叫咗銀鱈魚西京燒定食，銀鱈魚油脂高，但唔會話太油膩，肉質相當嫩滑，兩大片分量非常足夠。除此之外，我哋亦叫咗四款串燒，包括燒牛舌、燒雞軟骨、免治雞肉棒同雞皮。牛舌非常爽口，調味啱啱好。另外，免治雞肉棒表面微焦，啖啖肉之餘有咬口。雞皮燒到脆卜卜，好正！最後以甜品作結，仲要係我最鍾意嘅芒果味。

之前聽朋友講話德美好食，咁今日就同媽咪去左德美食晚飯，德美外牆都整得幾靚，好日式~環境不算太大，好快已經全場爆滿裏面裝修日式化，整齊簡潔又時尚餐牌上的定食都好吸引見到好多人叫德美海膽魚生丼，應該是餐廳的招牌定食，好。。。就點這個另一個定食就叫左銀鱈魚西京燒定食，定食有埋沙律，麵豉湯和甜品煙三文魚沙律煙燻過既三文魚比較香，加入沙律菜，玉米粒和紅蘿蔔絲撈沙律醋一齊食，味道帶點酸酸地，幾開胃~麵豉湯入面有蜆肉同海帶，湯不會太咸，又出到味噌既味道，好飲主腳出場德美海膽魚生丼個賣相好靚呀，裏面有三文魚，鱆紅魚，蟹柳，甘蝦，帶子，海膽，蟹子，玉子，相當豐富同足料，玉子上高仲印有德美2個字，靚海膽好鮮甜，一d都唔苦三文魚好肥美，好香魚油味，仲要係厚切帶子甘蝦都好鮮甜，銀鱈魚西京燒定食賣相就冇德美海膽魚生丼咁色彩繽紛但係味道係超好食鱈魚超滑，入口即溶咁，好香魚香味，這個超級好吃，大愛呀，推芒果奶凍質感qq的，好香芒果同好重奶味，正服務員態度都有善，食物質素是次消費$304~