潮樂園 (和富道)

營業中

休息中

絕對唔好坐係門口對住既位，D人關門關得唔好，坐係入面係食哂D風。下層唔多位，有得上樓上。每張枱上面都鋪左透明膠墊。滷水食物呢版睇到眼都花，好多唔同配搭。鵝片鬆軟，鵝味濃郁，但唔係肥個種，肉質唔算十分嫩滑。滷水汁好香，咸度適中，今次八角味突出左D。唔好點隔離既醋，因為味道比較嗆，影響左鵝片既味道。而墨魚彈牙，下面有豆腐同花生墊底，滷得好入味。本身個肚有D唔舒服，所以叫左胡椒豬肚湯。超重胡椒，好濃郁。我覺得佢浸鹹酸菜既時間係岩岩好，鹹酸菜唔鹹，但又保留到鹹酸菜既味，入口重要有少少脆，唔重煮到淋哂，最重要係飲完唔口渴，個肚都舒服左。食潮洲野一定要食蠔仔粥，入面既蠔都算肥美，但偏細，蠔仔一D都唔腥，D蠔都洗得幾乾淨。湯底有啲肉碎、魷魚、方魚乾，蔥、芫荽粒...，份量十足，感覺味精唔多。好簡單既配料，每啖都係鹹鮮鹹鮮，處理得幾好!

📍#北角 #潮州打冷 點少得#滷水 1.滷水鵝片 2.滷水墨魚 個底有豆腐👍 高質 💯 好食！ 唔會個底放好多豆腐 扮大碟！ #可一可再 📍#北角 好好食 #蠔仔粥 🦪 #潮州打冷 個湯好鮮甜💕好足料添 🔥 正到爆！ 清清地而又好食真係唔容易👍 🍲兩個人食 簡細碗 岩岩好！ 💰$68 （ 大約啦）要搵一間好食 又唔貴嘅 真係唔容易！📍#北角 #潮州打冷 點少得#滷水 1.滷水鵝片 2.滷水墨魚 個底有豆腐👍 高質 💯 好食！ 唔會個底放好多豆腐 扮大碟！ #可一可再

以前想食潮州野會去銅鑼灣登龍街，執左之後都唔知港島區邊度有好食既潮州野食。朋友推介，又見openrice咁多好評，即刻去試試！因為約得好急，得兩個人去食。鵝片併大腸併豬耳超正，味度岩岩好，食到停唔到口蠔仔粥好足料，好多蠔仔，朋友唔鍾意食䓤，碗粥黎到見到咁多䓤花佢都十五十六唔想食，迫佢試左啖，佢話好match，仲食左好多本來仲想食反沙芋，可惜真係太飽啦，下次要約多啲人黎食！

昨天發現北角原來有好多美食，今天繼續到北角覓食。決定先到油街實現的白做園，再去吃東西。香港好去處有很多，只要你願意去發掘，願意去踏出你的一步，回憶就是這樣一點一滴累積起來，就是美好的。這個晚上去了北角潮樂園，在Open rice搜尋北角，『潮樂園』是排行第二的，就去試試。八時左右去到，等位的人很多，差不多等了二十分鐘才有位。『潮樂園』在同一條街其實是有兩間舖，見到職員不停在進出，很繁忙。因為人客眾多，要跟其他食客搭枱，空間很少，很狹窄，很不舒服。不過我見也有其他人客兩人坐四人枱，點了很多食物的關係就可以了。鎮店蠔仔粥 (小) $48，因為我和友人也不吃芫茜，少了一點綠，賣相一般。很稀的蠔仔粥，相信是正宗的潮州粥，我很少吃，我就覺得太過多湯了，內有很多脆脆的魷魚，蠔仔有很濃的海水味，不是我喜歡的味道。滷水三併例牌 $138，我們點了滷水鴨、生腸、墨魚，賣相也頗吸引，味道正正常常，偏淡，但可以沾上汁吃更惹味，在底下放了滷水豆腐和花生，份量也夠。我們在點糯米芋泥鴛鴦卷4件$48，職員不停提醒要起碼等半小時，就像不想客人點這個甜品。最終吃完咸食，再等一會才上，即叫即煮，新鮮熱辣辣，要小心吃以免

去北角探朋友🤗 順便一齊食晚飯就近近地北角噚食啦朋友係潮洲人🙎上網睇下佢嘅家鄉野邊間好食啦等佢開心下見到潮樂園網上都多人讚裝修企理🏘菜色有好多選擇胡椒豬肚湯蠔仔粥好正煎蠔餅干扁四季豆醉豬手檸檬烏頭再叫左一個超多汁嘅沙嗲牛肉飽飽啦最後我問老友：D家鄉野好唔好食 老友答：車，我都唔係潮洲人

住係新界既表示真係好少會去到北區，不過好彩今次要黎搵朋友，所以先食到好野。地方都幾寬闊架，見到佢有兩間店 吾怕無位坐。餐牌上都幾多野食選擇~依碟正 夠爽口，而且感覺新鮮。佢有好多款滷水，例如豬耳、鵝片、鴨舌等等，真心全部都想食(嘿嘿)豬頸肉每塊都切得好均勻，肉質嫩滑。重點係份量足料食潮州野點可以吾試依個先~蠔仔粥有分size ，兩個人食細碗其實都夠曬飽 加上好多料吾係齋飲粥水架，所以味道豐富。粒粒蠔仔都夠肥美，成個湯鮮甜。就算本身吾太食既人都可以試下依個，有水準之作！依個係真係用白切雞果啲 吾係雞柳黎~但未夠滑肉質有點粗糙，我就覺得吾夠辣但係惹味程度高 加上咖哩汁幾濃厚，友人超愛依款。我就食曬薯仔果啲配料，入味~我簡左配撈麵黎食，雖然佢個撈麵睇落似面頭有層花粉(其實係好多蝦籽) 但個人都係中意配飯食多啲(飯桶是我yeahhhhh~)見到仲有個學生優惠~如果我經過附近會再黎食，因為真係抵食，讚得最多係個份量！！！

< 你今天潮了嗎？ >Baby 真的 out 了 😂 都係第一次食呢間排隊排到出門口既潮州店，門口有好多明星去過既相同餐牌，而另外一面就係掛住左各式各樣既滷味，好香既滷水味，一眼將我視線吸引起黎就係滷水鵝 😍 而因為透明式廚房既關係，見到師傅手打緊魚頭，真係隔住個 mon ...... 唔係，真係隔住塊玻璃都感受到果份誠意 🙇🏻< 滷水鵝肉 $128 > ➡️ 評分 - 8/10呢到既鵝係用唔肥唔瘦既鵝，將 30 幾種香料用慢火炒半個鐘，用滾油炸啲香、蔥、蒜炸到金並色，跟住隻鵝放係滷水滷大約 50 分鐘然後再浸半小時，一句講哂，味道食落真係入哂味，冇得輸呀 😈< 鎮店蠔仔粥 $48 > ➡️ 評分 - 7/10睇一睇！好多蠔仔呀！蠔既比例的確誇張 😂 隻隻都好肥美 😳 但係湯先係重點，唔單止有蠔仔味，而且係有好強烈既鮮味！細心啲再睇一睇，粥入面仲有啲方魚肉同魷魚！好好味 😋< 凍元朗烏頭 $128 > ➡️ 評分 - 7.5/10呢個抵食呀，大條不再講呀，魚肉肉質好鮮嫩，冇硬崩崩既肉肉，Baby 唔中意食硬崩崩既魚肉同好多骨既魚

星期日例牌節目是去睇電影，電影片長兩個半小時，但在這之前，還是需要先食飽的。太古的餐廳大多價錢較貴，所以今天我特意先到北角，看看橫街小巷中有甚麼特色小店。走到和富道便看見這間潮樂園，門口貼著不少明星到來的相片，但快眼看門外的餐牌又覺價錢很合理，所以便入內一試了。看過餐牌，決定要一個(小)鎮店蠔仔粥$45、(小)黃金煎蠔餅$59、鮮炸黃門鱔魚皮$20。我也算是頗喜歡蠔仔粥這一種食物的，因為它不用吐骨用匙羹就可以食到，十分適合我這種懶人。但我真心沒有想過細份的蠔仔粥份量也這麼多，我跟男朋友二人也要費點勁才可食得完~ 我先用自己的細碗瓜分蠔仔粥，方便同時與男朋友享用，平常我慣了把特別好吃的東西留給他，所以本想盡量避開蠔仔，把蠔仔留給男友吧。但我發現是很難的，因為蠔仔的份量多到我每舀一勺，匙羹上都有兩三隻蠔仔這跟我之前在連鎖餐廳時只有10隻左右蠔仔實在差別太大!!既然蠔仔這麼多~~~我便不用刻意留給男友了 說回味道，平日吃過蠔仔粥後總會覺得十分口乾，大概是味精所至，但潮樂園的不會有這種感覺，吃著反而覺得淡淡的更能保留鮮味，每隻蠔仔都肥美非常!!煎蠔餅雖然亦是點了細份，但看著真的一點也不細份蠔餅

有咩潮得過情人節食潮州菜？yoyoyoyo上openrice呢間潮州菜都幾出名，評分上好到離譜，一試原來真係好到離譜#本身正野真係唔想介紹你#但都係介紹啦#土地供應問題要多啲幫襯先唔會執#陰公豬一上場係呢個蠔仔粥，蠔仔鮮甜又惹味，芫荽（應該係？）同微咸嘅米粥簡直配合得天衣無縫，成個粥又惹味又新鮮又Fresh！唔同於廣東粥嘅綿滑，或者皮蛋瘦嘅鬼馬，潮州王牌蠔仔粥水米分明嘅感覺更似潮州人豪邁直率嘅一面，呢個蠔仔粥簡直係粥中之王，一試難忘！蠔餅，蠔餅係潮州美食之中的最傳統及最知名的菜餚，而呢個蠔餅又係蠔餅之王，香脆可口又唔油膩，蠔肉鮮嫩肥美，個底重驚你太油膩加咗幾塊生菜，簡直係神級極品無得頂，瘦身男食過最好食嘅蠔餅！！瘦身男女兩個人食到糖醋面已經有啲飽，糖醋面又飽肚又重口味，係就幾好食，但真係有啲無福消受嘅感覺煮野食不嬲都係易學難精#可否惡補，煮得一味好好食嘅難，煮得好多味好好食嘅更難，瘦身男女難得發現呢間潮州菜之霸一定唔會放過佢，豬紅呀，鹵水呀、咖哩牛腩呀等等全部等緊我地yoooo#食到幾時先瘦到身#驚見疑似老闆嘅老闆著住恤衫有肚腩仔#sad#請問上帝有無六舊腹肌嘅蔡瀾

 一段時間無食潮州菜啦, 朋友介紹, 去左 北角 潮樂園. 小店有2間舖, 坐位不多, 當時入坐主舖. 7時前已到達, 幸好稍等已有位, 之後食客不斷, 要等位啦. 店內裝修明亮, 比一般潮州老店來得簡潔.蘿蔔 - 清甜 無渣墨魚片 - 薄薄的, 爽口彈牙又唔韌, 仲有豆腐墊底, 滑不嚡口有豆腐香.鹵水鵝片飯鵝片肉切得薄薄的, 肉質扎實肥美, 嫩滑不膩, 唔會食到一口油, 加上自家製的滷水汁, 味道唔錯又唔覺鹹。鵝片墊底附有幾片小小的豆腐, 滑而不嚡口, 飯還附帶蘿蔔清湯一碗.蠔仔粥熱騰騰的, 夠暖胃哦! 潮州粥就係潮州粥, 飯粒與湯水分明, 但飯粒又要比粵菜湯飯來得腍. 粥內滿是蠔仔, 份量十足, 每隻蠔仔都新鮮又肥大, 隻隻都係飽脹飽脹的. 味濃甘鮮而不腥, 粥內仲有小粒小粒方魚塊, 加上青蔥味和芫茜, 真係鮮味出色. 此店既蠔仔粥, 係我食過最好味既蠔仔粥之一. 黃金煎蠔餅酥炸的外皮, 餅內蠔仔份量更是超額, 蠔仔同樣係肥大鮮美, 雖是油炸但口感又不油膩. 用料十足之餘, 份量更是足, 粗略估計起碼足夠4人進食 .潮州羊腩煲(小)小而深的一個湯煲份量, 附跟新鮮生菜. 羊腩肉相對

週日和細周生上完興趣班，先到附近午膳，再到奧海城欣賞 Tomica 車仔。是日到訪的餐廳「潮樂園」在北角和富街，把車稍作停泊在街上也尙算方便，店員也樂意間中留意街外情況，當然風險還是要自理喇！潮樂園是一個提供傳統潮食的街坊小店，門外掛滿鹵水獅頭鵝，在入口一旁的凍櫃亦擺放了數只凍花蟹。因我們太早來到，廚房大廚還未準備妥當，部份鑊氣小炒如兩麵黃及反沙芋等都未能提供。 細周生愛吃香口之物，特意要了一份黃鱔炸魚皮作小吃。筆者平日都不多吃魚皮，但見店員落力推介它們的魚皮是以黃鱔皮自家炸製，亦不忘試了兩口。吃炸魚皮最緊要夠香脆，而這個重點絶對達標。相比一般魚皮，黃鱔魚皮明顯更厚身香口，值得一試。午餐吃凍蟹可能奢侈了一點，帶着兩隻細細吃亦不太方便，還是轉投另一潮食名物獅頭鵝片。一份獅頭鵝片雙併，以鵝片併鹵水豆腐，鵝片量足肉厚，富口感，味濃入味。下方的豆腐出品更比預期佳，賣點不在其滑度，反而是那份重豆香。蠔仔粥是另一款筆者喜愛的潮吃。一碗細的鎮店蠔仔粥，已夠我們多人享用。粥中蠔仔數量不少，賣相亦算飽滿，蠔仔的鮮甜味道中規中矩。除一般潮食外，餐廳也主打牛腩粉麵美食。一份牛三寶（腩筋肚），內含牛腩、牛筋及

大學同學阿鴻出差經過香港，一時之間對於喜歡吃美食的他不知道該招待他去哪，就想到上次朋友跟我提過在北角有名的潮樂園，一來潮州菜跟台灣菜的口味相差不多，二來比較有新意，不然對於常來香港的他常吃港式點心也膩了！還沒有坐下來，就看到整包烏頭王，實在是太引人注意了，就跟老闆問一下，結果發現這樣用鹽巴醃又是冷盤的作法還沒有吃過！好奇心驅使下，馬上點了一隻！從外面看潮州小菜就跟我們的滷味沒有太多差異！烏頭王上盤了！ 裡面有營養健康的魚油，好大一隻，雖然有點刺，不過一點腥味都沒有，肉質不像是鹹水魚，甘甜沒有鹹味，不過因為是用鹽醃的，皮的部份還是要稍微括一括，去除鹽巴，內臟的部份似乎都可以吃，阿鴻說平時他不太吃魚，因為很怕魚的腥味，但他居然意外的喜歡這個烏頭王！來到潮州菜館，一定要點的就是蠔仔粥，又大又鮮的蠔仔，不愧是鎮店之寶！平常吃到很多重口味的粥品，這裡的蠔仔粥甘甜而少調味，粥又綿又細，沒有健康的負擔，即便選擇小份的還是很足夠了！我的朋友說他平時一個人的時候，大概就吃個蠔仔粥吧！最讓人期待的就是這個潮州滷水，有別於台灣的滷味，滷水其實比較乾，口味也較淡，有著特殊的中藥藥膳，甘甘的有回甘的甜味，如果喜

上星期三難得同老公一齊早收，未到六點就食完晚飯。不過，喺北角行到九點左右兩個就肚餓，結果忍唔住去搵宵夜食。老公醒起住附近嘅朋友上次向佢推介過間打冷，所以就諗住去試下。但估唔到間嘢原來真係好受歡迎，明明有兩間舖（雖然唔係癡埋一齊），不過平日咁夜都仲要等位！咁多人食，梗係好嘢，所以同老公決定餓住等都要食∼結果等咗二十分鐘就有位喇！老闆好友善咁向我哋推介佢哋新推嘅打冷，咁當然順下老闆意啦！（雖然我本來就係為咗打冷而嚟）不過因為太夜，所以都怕肥，唔敢叫咁多∼所以只係點咗鳳爪花生同南乳炆豬手。結果兩樣都好好味！鳳爪炆得好入味，連花生都比老公大讚一流！因為估唔到花生都會入埋味∼至於豬手，南乳味好香，皮又好有咬口，仲唔會炆得太林，搞到愈食愈餓！食食下，仲聞到隔離枱傳嚟嘅香味∼原來係蠔仔粥！唔知點解會咁香，但就吸引到我好想一試！所以最終同老公叫咗份細嘅∼除咗蠔仔嘅鮮甜肥美，真係一路食都覺得好香，但又唔係蠔仔味喎！一問之下，原來係因為有魚乾！之前都食過蠔仔粥，不過都係第一次食到咁香嘅蠔仔粥∼最終呢餐宵夜搞到兩個食到肚滿腸肥先走∼

朋友介紹一起吃一間潮州菜，以前尚未試過，便想去嘗新，他帶我去到這間'潮樂園'。從外觀看是一間普通的茶餐廳，店舖內則很整潔，感覺舒適，店員都十分熱情又親切。鹵水鵝片，肉質嫩滑，也很入味。鎮店蠔仔粥，每吃一口都是滿滿的蠔仔！十分滿足！足料之餘，味道亦不錯，粥的質感軟綿，容易入口，內裡也有很多香料，清淡而帶些鮮甜。蠔餅亦是不可不試的菜式，蠔餅也十分足料，兩大塊已夠四人食用，而且每夾一塊都有不少蠔仔，吃起來也不會油膩。淨食清湯牛腩，我挺喜歡吃清湯牛腩，因為能吃到牛腩的原味。清湯鮮甜，牛腩肉質鮮紅，口感軟滑，白蘿卜則很是清甜。他們的自家製辣椒油，不會太辣，任何一款菜沾一點辣椒油都能增加鮮味。吃飽飲足的一餐，每人消費也只是大約HKD150

我對北角的印象就是一個老區,許多人和物都隨著時間而變老, 有點淡黃, 有點褪色,但嘗試放慢腳步去溜躂, 會發現許多好店好物,潮樂園就是一間好店, 值得細嚐.鎮店蠔仔粥 ($42/ 小)潮州粥不像廣東粥般, 綿綿糊糊的, 而是”湯還湯, 米粒還米粒”,所以湯的味道是重要的一環,在某間連鎖式經營的潮州酒樓吃過蠔仔粥, 真是鹹得要命.但這裡的蠔仔粥的味道則剛剛好, 不會過鹹,有匙子一撈, 有數之不盡的蠔仔, 店方有夠大方了吧!而且正值蠔仔當造期, 蠔仔粒粒巨大肥美, 足足有半只食指般大啊!店方亦處理得很好, 蠔仔不會滑潺潺, 或有澀味及腥味, 鮮甜得很!除了蠔仔外, 更有冬菜, 魷魚乾, 芫茜, 蔥等配料,使蠔仔粥的味道相當豐富.之前吃的蠔仔粥是加了方魚, 味道容易變得過鹹,但這裡的蠔仔粥卻以魷魚乾代替了方魚,不知道誰的比較正宗,只覺得我愛潮樂園的多一些,鹹味適中之餘, 多了一份煙韌的口感.小碗已足夠二至三人食用, 夠抵食! 怪不得檯檯都有點呢!紫菜四寶 ($43/ 淨食) 有紫菜, 墨魚丸, 白魚蛋, 魚片頭和魚皮餃,其中墨魚丸, 白魚蛋都是由店方親自製作, 絕不假手於人!墨魚丸用純墨魚製