皇甘栗鮮炒乾果專門店

營業中

休息中

今日天氣好好，約左好姐妹去大埔食飯行街，食飽正餐後想食甜品，好姐妹就推介帶左我去墟內一間賣乾果零食的店，原來店內同時有雪糕食～店舖內環境衛生，光線舒服，店員服務良好，雪糕有好多不同口味選擇，仲有幾種雪糕筒揀，我見到有最愛的開心果雪糕就選擇左佢，果然冇揀錯，由第一口至食到雪糕筒底每啖都有好多開心果脆粒粒，好美味好好食：）P.S.開心果雪糕，好食到令我第1次來寫食評記錄吓

山長水遠入大埔行山，行完順便試埋呢間好出名賣栗子雪糕嘅乾果專門店。當日好多人慕名而來，所以同朋友都等咗一陣間，雪糕先攞到上手，不過一切都好值得，而且店員都非常親切！ 我就叫咗栗子雪糕，而朋友就叫咗開心果雪糕。本來覺得栗子雪糕已經做得相當出色，栗子味好濃郁，但唔會好甜得滯，而且口感順滑！ 但係當我試下朋友揀嘅開心果雪糕個陣，真係覺得驚為天人，唔怪得好多人都稱佢為全港最正開心果雪糕！ 成個雪糕都充滿着開心果仁，開心果味好出，好濃厚，唔會俾奶味蓋過開心果味，真係好正！🤩 有少少後悔自己無叫到開心果味！好想自己獨享一枝！另外，佢哋嘅甜筒底部係有軟心朱古力做脆底，唔食到最後都唔知道，好有驚喜！令到成個雪糕更昇華，更完整！😍 佢哋整雪糕真係有一手！當日仲遇到有三個人叫咗啲比較特別口味嘅雪糕：話梅、陳皮、生姜，唔知好唔好食呢？