光榮冰室 (厚福街) (已結業)

環境比較一般的茶餐廳，order左店內名物「開心餐」，即是3隻煎蛋+蔥油雞扒飯+1杯熱凍飲，「開心餐」在餐牌中找不到，此餐只有手寫在牆上，傍晚6點左右進入餐廳，落單出餐速度相當爽快，好快有野飲有飯食，而且食物賣相十分吸引淋上了特製甜豉油的三隻太陽蛋煎得十分滑嫩，甜豉油味道鹹甜適中，下面的雞扒極大件厚身，外皮香脆雞肉實滑，但少部位肉質偏乾柴，加上蔥油略覺偏鹹。米飯粒粒分明，飯香雖一般，但有特製甜豉油蔥油提味及流心蛋黃蛋白增加返滑順口感。成個飯整體脆口鹹香濃味，比較適合重口味人士。如此大份的厚脆雞扒仲配搭了3隻靚滑煎蛋，用料夠實在，而且無論熱飲凍飲一律買單只需五十出頭，感覺超值！！下次試下另一顏值滿分的窩蛋沙嗲牛肉煲仔麵！（（請留意，7月31號「開心餐」已加左價，堂食$56，外賣加$2））

黃到發光嘅光榮冰室喺正我公司隔離，放lunch梗係要去支持下經濟圈。佢呢度裝修得好企理好光猛，手寫嘅每日Menu好有人情味。做野太辛苦太大壓力，決定叫個開心餐安慰下自己。其實佢個開心餐就係蔥油雞扒飯加三隻太陽蛋。打孖都唔夠，仲要係三隻，真係聽到都大快人心。佢個雞扒係炸過黎，炸到脆卜卜，入面啲雞油仲保住哂，撈哂啲豉油一齊食好香。仲要另外再有蔥油俾，油都係三款，加埋一齊點會唔好食。佢嘅太陽蛋隻隻都係流心，篤穿佢個蛋黃之後啲蛋漿流哂出黎個下真係好治癒，食蛋一定係要食半熟嘅！呢度嘅分量真係好多，飯底又多，蛋又多人兩隻，雞扒又大塊，係覆蓋哂成個碟。我食到一半都放棄左，諗住打包走啦，點知一裝完嘅分量居然同平時出面茶餐廳嘅外賣份量差唔多，我見到都呆左。用$55喺尖沙咀地區食到呢個分量加呢個質素，買一餐送一餐嘅感覺，抵到爛。

-{黃店💛連鎖港式茶記🍛}去左尖沙咀獨食 又去食啲佬野🤣黎左食茶記😎🤤蔥油雞扒伴三眼煎蛋飯🤤 ($55)三眼蛋煎得啱啱好夠滑🥰流心撈飯勁正！雞扒蔥勁大塊😍煎到脆皮 又好多肉汁！成碟嘅份量好大 嗌左少飯不過都冇少到 最後飽到hihi😂👖褲評: 8/10開正喺旺區總有一間係左近 又平又大份真係好正😙性價比: 8.8/10服務: 7.6/10環境: 7/10🚩光榮冰室🚩地址: 尖沙咀厚福街5-6號地下6號鋪荃灣兆和街18號地下旺角花園街3-5號鴻威大厦地下12-13號舖

厚福街可以話係尖沙咀嘅食街，短短一條街仔擁有各式各樣的餐廳，今日就去快食個 #光榮冰室 。普通茶餐廳格局，全部餐牌可以喺牆上見到，夠直接又好方便。見到外面有煲仔飯餐牌，款式眾多，包括：臘味、油鴨髀、排骨、肉餅等等，總有一款適合口味。窩蛋牛肉煲仔飯 $72需要等一段時間，好肚餓的話唔可以叫。熱騰騰上桌，附上一隻生雞蛋畀你自己打落去，牛肉份量算多，亦都好滑又唔會無哂牛肉味。打完隻蛋撈兩撈就熟哂，仲有好多飯焦，豉油成樽上，鍾意落幾多就幾好，整體嚟講都好食。開心餐 $55即係蔥油雞扒飯加3隻蛋，三隻蛋好壯觀，蔥油都好香，不過雞扒有少少鹹，但喺尖沙咀$55連嘢飲，真係無得輸。凍檸茶堂食以外，仲有優惠外賣飯盒，番茄炒蛋飯、粟米肉粒飯、太陽蛋雞中翼飯都只係$31起，平呀！

已經食過三四次，次次都係食唔晒同埋超滿足。每次你食都係食飯果一個，開心餐三隻雞蛋同埋嗰個蔥油雞扒真係好好食，超級滿足。三隻雞蛋仲要係流心仲有啲豉油蔥油去撈埋啲飯一齊食，簡直係極品。之前試過外賣叫開心餐拎走食，水準都keep到，而且真係好大份女仔一個應該食唔晒可以兩個人share一份再叫一個小食。仲要有良心又大份好食，真係不枉我次次去尖沙咀都食光榮冰室見到我朋友食叉燒炒蛋飯都好似好正，個滑蛋好似炒得好高質，希望下次去到唔會又比開心餐吸引着。