DOJE (已結業)

K11 Musea除咗多名店之外，仲有好多特色嘅餐廳食肆。今日行完街之後，就落咗B2搵食，除咗幫襯人氣麵包店之外，仲兜咗去另一邊嘅k food town，順便喺DOJE買埋佢哋出名嘅腐皮壽司。因為都已經比較晏，所以選擇唔係十分齊全，好彩都仲有我想食嘅味道。我就最鍾意佢哋嘅外賣包裝，每件腐皮壽司都有獨立嘅間隔，攞到返屋企都仍然屹立不倒。蒲燒鰻魚係將鰻魚切成粒狀，再放喺腐皮壽司之上，帶皮嘅鰻魚粒粒爽口，鰻魚汁濃郁，非常美味。入面嘅飯仲混入咗黑白芝麻，所以特別香口。炙燒三文魚嘅三文魚刺身仍然呈現半熟嘅狀態，不過外面就有燒烤過嘅香味，再加上醬汁同魚籽，食起上嚟非常鮮味。牛扒配腐皮壽司確係一個幾新穎嘅配搭，雙重芝士牛扒將牛扒切成粒狀，牛味夠濃郁，再配上牛扒汁同芝士醬，非常惹味。蟹棒明太子係小朋友嘅至愛，將蟹棒切成蟹棒碎，上面再加上明太子醬，小朋友就最啱食。除咗腐皮壽司，呢度仲有售賣韓式飲品同美食方便包，選擇豐富。其實呢度有接近20款腐皮壽司，下次要試埋其他嘅口味！

K11 Musea 不嬲都有好多潮人店舖😎今日我係度發掘左呢間韓式腐皮壽司嘅專門店🍣睇見個樣已經好吸引 係打卡必點😍而且平日食韓國紫菜包飯就食得多成個拳頭咁大嘅腐皮壽司真係第一次見😲.🌟蒲燒鰻魚 ($38)鰻魚切咗粒 肉質肥美米飯用上麻油同芝麻調味所以好香而且仲有豆味香濃嘅腐皮包住 啖啖滿足🤗.🌟雪花牛扒 ($38)雪花牛扒用咗燒汁去煮🥩牛扒切成粒狀 好容易食.🌟雙重芝士牛扒 ($38)同樣係牛扒做餡 但係味道同雪花牛扒截然不同芝士可以話係新派韓國菜嘅代表食材🧀所以芝士牛扒真係風味十足.🌟蟹棒明太子 ($32)一絲絲嘅蟹棒堆到滿一滿🦀上面仲加左少少明太子醬呢個組合仲好清新 又唔膩😚

[ #caloriefoodie尖沙咀 ]• 𝙳 𝙾 𝙹 𝙴 •🐿位於K-11 Musea Food Court 既韓國人氣腐皮壽司專門店腐皮壽司一共有15款口味 除咗韓式口味 仲有日式口味添 款款都爆哂餡 一直想試好耐 今次拉埋朋友一共試咗四舊-🔥蒲燒饅魚 💰$38四款入面最鐘意食呢款 饅魚口感比較厚實 肉質算嫩滑蒲燒醬甜甜地好好食 同饅魚一定係絕配 好惹味呢-🧀雙重芝士牛扒 💰$38雙重芝士牛扒比芝士牛扒多左一層芝士醬 仲有芝士碎!!朋友笑話味道似雙層芝士漢堡包 俾佢講完又真係小小似牛扒既口感意外地唔韌 而且細細粒好易咬-🍣炙燒三文魚 💰$38放滿厚切三文魚粒 表層有輕輕炙燒過既痕跡 但其實唔太食得出除咗炙燒三文魚 仲加咗一層薄薄既芝士同三文魚子味道唔算好特別 因為係預想中既味道 所以無咩驚喜-🦐特製醬油蝦 💰$35係餐廳新推出既口味!!醬油蝦都係韓國菜唔可以錯過既美食醬油蝦切成一粒粒 肉質爽口彈牙 仲有淡淡既醬油香 幾得意-每件腐皮壽司 飯同餸既比例大約係4:1 腐皮味道甜甜地而壽司飯除咗醋 仲落咗飯素同黑白芝麻 所以幾有味道因為飯既份量真係好多 就算兩個人share食四件 都好