甜聚雪花冰甜品屋

營業中

休息中

食完晚飯仔女話想食甜品，呢間甜品店最近啱啱離開嘅餐廳，為咗方便就決定去呢度食啦。去到餐廳約晚上九時，餐廳幾乎滿座。已經唔係第一次嚟呢度食嘢，首先留意到嘅就係又加咗價，冇計啦，百物騰貴，唔加價，生意點捱得住啊！我哋屋企人一向鍾意食凍嘢，雖然天氣已經轉涼，但係我哋仍然嗌咗三個凍甜品。阿仔要咗個紅粉佳人，阿女則嗌咗個黃金戰士。兩個棉花冰都不過不失，要比較嘅話，我會講個紅粉佳人嘅士多啤梨味道會濃郁啲，我嫌黃金戰士嘅芒果味唔夠重。我自己就嗌咗個雙雄，其實係牛奶溝紅豆冰同三色圓。呢碗嘢唔算甜，落料重手，喺個飽肚夾抵食嘅甜品。唯一要彈嘅就係三色圓除咗唔同顏色，其實食落去味道冇乜大分別。找數$156，仔女埋單，算係咁啦！😬

每次都會嗌雙雄🐻🐼😆😆😆！▪️雙雄就係有：紫薯圓、芋圓、地瓜圓、紅豆、鮮奶🐮！呢幾個都係我既至愛🤣每次冬天黎食都會叫熱既雙雄，食落真係會覺得好幸福😭😭😭❤️又有番動力面對生活了🥺佢啲三色圓都好有咬口 特別係浸住熱既嘢 令到三色圓更加軟糯🤍🤍🤍 不過其實唔多食到佢地分咩係咩味🧐 同份量真係幾多！😋▪️雪燕椰皇雪糕凍 $60!!我覺得好抵食！佢有成大塊雪燕 又好好味 口感係好軟彈～又滑身！🤍🤍🤍 同佢啲椰皇肉好容易刮出黎🥳入面仲有好多寒天 同滿到瀉既椰青水😍 上面仲有多球自選雪糕🍨抹茶同芝麻對我都好吸引！ 💚🖤

位於太子酒吧街附近，附近有幾間甜品店。星期六晚上12時左右經過，見未關門便想進去嚐一口甜^^欣賞呢間野部分餐牌係手工製作，就是喜歡這份小店的味道，但男朋友就覺得兒戲左d(唉～～你呢d電腦人，唔明我地呢d唔識用AI做餐牌既辛酸>.<睇云成個餐牌價錢都係20至50左右，太子區來說算是平常合理。有仙草系列、西米露系列、豆腐花系列、紫薯芋圓系列、紫米露系列。特別留意到有雙雄系列好！就試下叫一個雙雄黎會一會你！原來係芋圓及紅豆做底，再加上成碗花奶，OMG!成碗花奶咪好肥？哈哈，食左先算啦！欣賞紅豆大大粒圓軲轆，不會煮過龍。一啖食落去有口感之餘又唔會過硬，讚！紅豆成本偏貴雖然要$40，但係紅豆份量十足收費合理。反而芋圓有少少失望，分量方面亦算足夠，亦配有3款芋圓，但喜歡食硬野既我都覺得太硬了，沒有了應有的煙韌口感，少少扣分。