大叻越南牛肉粉餐廳 (海灣街)

營業中

休息中

咁岩同同事黎開呢頭，原本打算去食泰式茶餐廳，點知拉左閘話搬遷，最後黎左呢間食，呢間位置好隱閉，明明openrice寫話海灣街9-11號，但原來有條巷要行入去，果度仲有個牌寫住海灣街寫住11-x號，以為唔係，點知原來多人到喊果間就係，因為正值午餐時間，所以要等位，冷氣位要等，翻枱都算快，但仍然好多人，天氣又熱，等太耐，最後頂唔順坐露天位算午餐有set,同同事分別叫左雞中翼撈檬$46同碳燒豬頸肉飯$52，飲品就叫左三色冰$6同凍檸茶$3，埋單$107，飽到喊啊，但環境就真係麻麻，多人之餘通道又窄，唔算好乾淨，而個阿姐做野都算醒，又要叫人入位又要落單埋單，都算話頭醒尾

炭燒豬排飯：蔥油飯不是特別出色，但是來這裡就是要吃這裡的炭烤雞排或者豬排！醃的夠惹味之餘，每一口都吃到炭烤香，入口也不柴，份量很充足,男生也一定會飽的。順帶一提,不知道餐廳有沒有少飯的選擇呢？看到很多人也吃不完，其實滿浪費阿。雞中翼撈檬粉:滿普通的香茅雞中翼,勝在分量也不少,比起鄰近的餐廳實在是實惠之選。喜歡魚露的朋友要小心啊，魚露的鈉含量很高，所以小心攝取太多才行。如果走後巷來的朋友會遇到一團團灰色的煙霧在餐廳上蓋噴出來，是因為餐廳用炭來烤熟肉排。看到每一張桌子的客人都點了豬扒飯/雞排飯，場面好熱鬧!上班附近可以吃得便宜的地方不多,打工仔除了帶飯上班以外還有甚麼可以做的呢?