古今二 (荃灣千色匯I)

營業中

休息中

今日收工經過荃灣千色匯，因為晚市禁堂食嘅關係，唯有買外賣返屋企食。搵緊千色匯有咩食，見到有間日本嘢好似唔錯睇下個餐牌OMG!!!!!有我至愛嘅雞泡魚干，正呀！即刻精神曬！由於我食唔到生野（一食就食肚痾的人）所以呢間有好多熟食，好岩我！！😻😻因為屋企人都未食晚餐關係，所以叫多少少，請下屋企人食，一齊嘆吓日本嘢哈哈細細粒嘅紫薯仔，雖然外賣拎返屋企已經有一段時間，但個皮仲好好食，紫薯仔好甜👍🏻第一次食雞泡魚干係腦細請我地試食的，個陣食完難以忘懷，以為香港地好少機會可以食到，點知呢度有得食！實在太開心啦！味道香甜，超好食！👍🏻真心推介大家試！呢個富士山卷物一流，滿滿的，上面係我最鍾意嘅蟹柳條，下面係好豐富嘅卷物正呀！牛油果卷物，大大嚿好豐富梗係醒返兩支串燒試吓啦，帆立貝冇得頂，仲有好新奇嘅荔枝卷串燒，咬落甜甜地，幾得意，大家可以試吓呢款👍🏻😆燒茄子上面有櫻花蝦，好邪惡啊！食完咁多燒野嘢記得要飲水啊！😆叫左7樣野，製作時間預約20分鐘，好好味，埋單$353，三個人唔係好肚餓都好夠食，正！

講起食卷物，相信唔少人都對呢間餐廳幾熟悉😆 以前喺觀塘已經好出名，三四年前都幫襯過佢，已經覺得佢啲卷物好創新好好食，估唔到而家開多咗兩間分店，上星期去荃灣嘅時候特登再幫襯，估唔到水準依舊保持到☺️呢個沙律真係必嗌，咁多年無都仲係咁大份🤣 份量夠四個人食，入面有大量蟹籽、蟹柳絲、中華沙律同唔同嘅沙律菜，醬汁唔係簡單嘅沙律/千島醬，係帶小小辣嘅醬汁，食落都幾惹味😋呢間嘅雞泡魚干係我食過最好食嘅top 3😍雞泡魚燒到小小乾身，但又唔會太乾掙掙，食落熱辣辣，味道因為個醬汁有啲啲甜味，但我通常食雞泡魚干都點好多沙律醬，莫名地好夾，好好味🤪🔸 富士山 $88呢個見隔離枱嗌咗，個賣相都幾吸引，所以都嗌咗份🤓 佢係有大量蟹柳絲舖滿面，滿到成座山咁，好啱打卡🤣 而個餡有牛油果同鰻魚，味道都幾夾，最欣賞係佢加咗啲脆脆係面，令到口感多層次咗😌🔸 忘不了你 $88 推❗️咁耐無嚟食，嗌一個卷物當然唔夠啦！我哋揀咗好耐，最後嗌咗個名好特別嘅卷物：忘不了你🤣 佢有清新嘅芒果係面，內餡係好意想不到嘅炸牛肉😳 仲加咗芝士係入面，同埋芒果一齊食即刻減低咗芝士嘅膩度👍🏻 最特別係佢面頭落咗千島同wasabi醬，食落有少少刺

荃灣新開古今二，專程來試試非常出名的創意卷物🥢 青龍卷擺盤漂亮，壽司飯口感軟糯，伴有牛油果、蟹柳和鰻魚。享受牛油果和鰻魚溶化在口中的奇妙感覺，一道創新又配搭得宜的卷物🥑另一創意卷物 忘不了你，壽司飯包裹著炸牛肉芝士，脆脆的炸牛肉巧妙配搭香甜芒果，既清新又開胃，忍不住多吃了幾件😋小食推介 網燒牛舌，表面有一層非常惹味的蜜糖，內裏也充滿油脂和肉汁，既有肉感又彈牙，太好吃了吧！🤤🤤雞泡魚干是令人想起居酒屋🏮的小食，油脂清香，很好咀嚼，用來做下酒小吃簡直一流啊！活赤貝刺身是原隻即切的，鮮甜爽口，不錯👌牛肉壽喜鍋湯底咸甜得宜，軟綿綿的肥牛浸泡在蔬菜和洋蔥的清甜之中，特別好吃😋粉絲和豆腐也吸收了濃厚壽喜湯的味道，香甜可口🥰