金滿堂甜品

營業中

休息中

雪中花真係由$22食到今時今日嘅$38仍然冇厭倦，仍然很喜歡⋯每到假期去到這裏都是爆棚，雖然疫情關係隔離分店也沒有了⋯⋯不過每次到九龍城都必定會到這間糖水店光顧，想起都帶埋了好幾位朋友來試呢！榴槤朋友最愛叫的⋯榴槤女皇！對我呢啲唔食榴槤來講真係好大浸味㗎🙊

每次來到九龍城食飯必定耳油未盡的要吃甜品，此店天天都大排長龍的。此店以低糖少甜作招來，是比較吸引現今追求健康的香港人了！雪中花 ＄28其實這是一個大雜燴呀！咩都有啲，原粒朱古力雪糕球、紅豆（用糖水煮得過久都過淋和甜）、豆腐花、涼粉等，一次過滿足很多個願望！味道方面略嫌過甜。紫薯心太軟 ＄38賣相也特別精緻，三小格的盛着方便小匙羹一點一點的不起。一切下心太軟，紫薯流心緩緩的流出來，和外層焗得剛剛到微脆的旦糕相呼應配合雲呢拿雪糕送食，冰火交溶口感強烈，再加埋小丸子的煙韌度，一次過多重口感還是幾過引的！只是甜左小小囉！

難得中秋有3日假期，當然要好好利用，周圍去吃喝玩樂。離開路徳圍的糖水聖地，這次開車到九龍城，只因這間200多個LIKE而慕名前來。餐牌上有很多創意甜品，每款賣相都很吸引。芒果烏冬 - $36這款甜品是全港首創的，果然新奇有趣。有芒果粒，芒果雪糕，小丸子，西米露，椰汁烏冬。烏冬椰汁味不太吃得出，口感有點似偏硬的啫喱。西米煮得時間太短了，完全是硬的。但整個甜品有很重的芒果味，吃完一個非常飽肚，芒果發燒友絕對不可以錯過。雪中花 - $28豆花香滑而且椰奶味很香，涼粉沒有一般的甘苦味，加上紅豆和雲呢拿雪糕，冰涼可口，男友大讚好吃。價錢不高而且味道不錯，讚！

每次到九龍城吃飯總愛到金滿堂吃甜品, 因為他不會下太多的糖, 味道較天然款式蠻多的, 但很多款都做得很不錯麥提莎糯米磁每次來都要叫一盒. 本身很愛吃這個巧克力加上糯米軟身的外層, 配搭裡面的脆麥芽, 讓這巧克力變得更好吃紅粉佳人很愛這個甜品. 草莓的糖水底都是以草莓打成的, 沒有加太多糖分天然香甜草莓果肉每次吃到都不會很酸, 豐富了這紅粉佳人的草莓果香裡面的西米都是用蒟篛狀的那種西米, 吃起來有咬口很喜歡這個心形的蒟篛, 很漂亮, 配以草莓汁一起吃更有草莓香氣咖啡果凍伴雪芭這個咖啡果凍我也很喜歡. 果凍有咖啡的香氣, 而沒有甜味的, 煙韌的質感很可口旁邊的雪芭很種炭燒咖啡的濃郁香氣, 吃起來沒有雪糕的實雪芭的甜配以不甜的果凍就很剛好, 喜歡咖啡味道的人應該會很喜歡這個甜品芒果拿破崙點這個要等一段時間, 他們是即製的, 這次也等了20分鐘才上拿破崙的酥皮太脆了, 我覺得有點太過, 脆到是很難完整地吃下一塊, 沒有太喜歡牛油香蠻突出的, 芒果也很夠甜, 但就是那個酥皮太脆, 吃起來有點困難鮮奶燉蛋白弄得很滑嫩的燉蛋白, 吃起來奶味豐富而不澀, 也沒有很甜但嫌這個不太夠熱, 吃起來溫溫的有點

在九龍城其他地方食完主餐後, 點都要走過來食下甜品...雪中花沒有想中好味, 只是一般, BUT事實可滿足我食豆腐花,紅豆及QQ條和雲呢拿ICE-CREAM而心太軟我FRIEND說麻麻啦...BUT我個FRIEND說呢間新店坐得好舒服, 不似出面D糖水店咁迫...SERVICES OK啦..地方是分店新裝, SO GOOD

記得第一次食係夜晚十點左右, 等左足足半個鐘. 所以之後幾次去都係下午三點來鐘, 開門冇耐, 所以唔使等位.比起其他甜品店, 間野都算大可以坐到50-60人到啦, 比其他鋪座得舒服D. 另外特別o既地方係佢D甜品唔係好甜, 就幾o岩我地D鍾意食甜品又驚糖尿個D膽小鬼. 如果鍾意超甜o既朋友就記住要叫伙記加甜啦!佢有十大銷售甜品, 我地暫時試左四個, 基本上都幾滿意! 1. 養顏五寶露: 有清心丸, 鮮百合, 甘栗, 海底椰, 綠豆蓉, 石太話好滋潤, o岩係夏天滋補下!2. 金枝玉葉: 係加拿大返來o既親戚超鍾意食許留山o既芒果西米撈, 覺得金枝玉葉都好正!3. 榴槤飄香: 小石頭就最鍾意食榴槤, 所以選左榴槤飄香, 個D黑色一粒粒o既係黑珍珠, 又幾彈同埋爽. 誠意推介俾鍾意食榴槤o既朋友!4. 雪中花: 個雪中花就漏左小小, 好似用碟裝o既雪糕紅豆冰!另外推出近期熱爆o既棉花冰系列, 淨係試左榴槤味, 覺得都幾正. 不過味道就冇榴槤飄香咁濃郁.

話說上回講到太公在渝薌烤魚，一不留神被大葱K.O. ，火辣得幾近爆炸，喝畢一整支coke zero也只能暫時救一下近火，火辣感仍未完全消退，飯後必需去吃個冰凍甜品，二度救火 (藉口黎架，有人想減緊肥想放監食甜品呀~~)好，坐下，見冰即發光，見金滿堂都學人出綿花冰，就要個豆腐綿花冰一試，豆腐味不太濃，但細嘗之下還是能覺察的；不過冰的質感就只屬一般，只能說是不過不失，未見精采。當然也要再吃咖啡果凍伴雪芭；猶記得上次吃，覺得雪芭較可口，今次竟然相反，咖啡味果凍的咖啡醇香令人著迷，苦中帶甘；反而雪芭雖仍是香滑，但今次不知何解感覺很"痴身"了點，吃上去不夠爽；但整體感覺還是比上次為佳。食友們叫了個雪中花，不過因為湯汁太多，距離該甜品較遠的我吃上去有點狼狽，還是主攻以上兩者好了...嘻嘻...(大家都一定唔覺唔覺唔見咗好多冰....)吃了幾款冰凍甜品，胃內那團火，終被撲滅了！可以安心有覺好訓，啦啦啦啦~~

出發去食晚飯既時侯已經決定要黎食飯後甜品....十時左右到達....等位既人已經佈滿成個門口.....黎過lee 間糖水舖都唔記得幾多次, 頭果幾次都係食唔同野...不過自從有一次朋友介紹食雪中花之後, 次次黎就次次都叫lee 個, 次次都話下次要試新野, 但就次次去親都無....最誇張果次...亦係o岩o岩上隱果排...試過一連3日 (星期五, 六日) 都黎食同一個糖水...今日又黎...又係叫佢 ~~ 雪中花....雪中花係咩?? 佢有豆腐花, 雲尼拿雪糕, 涼粉, 紅豆再加個椰汁底.....好味.....下次一家要試宇治金時