泰屋

營業中

休息中

天氣又熱又潮濕，心血來潮想吃泰國菜，不期然想起這間之前朋友推介的。餐廳在黃金地段的樓上，空間寬敞，座位擺設舒適，一列大玻璃窗，採盡天然光，加上天花植物 🌿🌱和一幅花卉🌻🌸🌺牆的裝飾，一入嚟就已經很放鬆，非常適合一家大小或良朋歡聚，驟眼看身邊附近就已經有兩三枱大飯局 ，叫滿一桌子食物大吃大喝 🍻！打開個餐牌，各款泰國菜式應有盡有，選擇困難症又來襲 🤪！青木瓜沙律味道酸酸甜甜而小辣，夠晒醒胃，絕對是前菜的不二之選。迷你小食雙拼(蝦餅、素春卷、魚餅3️⃣選2️⃣ )蝦餅外皮炸得金黃鬆脆，蝦🦐肉彈牙爽口。素春卷每條卷到肥嘟嘟餡料爆棚，外皮鬆化，真心驚喜。兩款小食點埋個甜酸醬食，絕！不由分說，呢碟迅速被KO！辣椒🌶️膏肉碎炒金邊粉碟頭夠大，份量十足。金邊粉軟硬剛剛好，有咬口不會過腍，肉碎香辣惹味，配料有芹菜、洋蔥、椰菜、秀珍菇、粟米BB、紅綠燈籠椒，中和油膩感之餘也倍感健康。鮮芒果糯米飯一睇到有齊黑白糯米，😍已經當堂彈出！芒果🥭肉新鮮香甜是基本，加上煙煙韌韌嘅糯米，點埋個香滑厚身嘅椰漿，每一啖都是幸福的滋味 😋😋！芒果沙冰有別於其他沙冰會飲到很多一粒粒的冰沙，呢杯沙冰嘅口感係香滑細膩嘅，像濃濃綿密的芒果汁

同小成員到旺角睇完牙仔,梗係要揾好嘢食,老婆是好辣之人,二話不說便選擇泰國菜,身在旺角又記起有朋友介紹過“泰屋”,啱晒.入座時顧客不多（18：00）,老婆及小成員最愛椰青,她們喝了即時透心涼,老婆必選~青木瓜沙律,她說夠辣、夠酸.食泰國菜點少得香口嘢,蒜蓉包、春卷、串燒、蝦及魚餅必選.有蒜蓉包,點可以無咖喱,那個青咖喱鴨配蒜蓉包~~無嘢講,要再叫多一份蒜蓉包.小成員不好辣,最緊要有肉肉最啱佢,串燒、牛肉粉、蝦及魚餅,無走雞,但她對此魚餅不感興趣,因泰式魚餅內加入了泰式香料,她還不識欣賞,但我每次嘗到此味道的魚餅,便讓我憶起好友的母親（她是泰國華橋）,她煮得一手好泰國菜,在她家作食客時,如有此菜,我便會由心而喜~,但現在只能留在心裏.晚飯怎能少了米氣,先嘗幾口香葉肉碎炒飯,不油不膩,飯粒分明~掂,再加少許青咖喱汁一起吃~再掂,再來牛肉粉,河粉彈牙,不會過淋,自我炮製乾撈青咖喱河~掂.食完離開時,全店滿座,能在這幢食廈及在此區有此情境,不無道理.

和朋友旺角行街食飯，想食泰菜就想起依間，午市套餐的確抵食。這裡地方寬敞環境舒適，座位闊落，安排近玻璃窗，採光度十足。美食都好多選擇，水準拍得住九龍城餐館的。冬蔭公湯跟餐送的，湯味酸辣好開胃，味道唔錯，湯料有少量菇菌和蕃茄。青木瓜沙律 $42沙律色彩奪目，青木瓜絲口感爽脆，仲有甘筍豆角多份口感，微酸帶點辣，花生碎香口，非常清新的開胃菜，而且美味又健康。乾炒泰國金邊粉 $52金邊粉炒得剛好唔會好乾身，索晒酸甜汁好美味，口感煙韌彈牙好好食，仲有魷魚、大蝦、青口、豆乾、蝦乾、芽菜等，配料十足，所以好抵食。香葉肉碎煎蛋飯 $48煎蛋白飯加堆香葉肉碎，就咁撈飯食好夠味，肉碎香口惹味，豆角口感爽脆，辣椒出奇地唔椒的，都好大碟的。凍泰式奶茶 $10茶味和奶味比例剛好，唔會太甜，口感滑。珍多冰 $10好多珍多，冰凍椰漿清甜可口，甜度適中。

位於彌敦道726號嘅一間泰國餐廳 - 泰屋🏠由旺角地鐵站行去5分鐘左右 好方便 當日約咗幾個朋友食晚飯 🍚大家都想食泰國菜🍢🍍🍚 就決定試試啦😋大家都係第一次食呢間餐廳🥰 如果食晚飯嘅話建議預先book位 因為晚飯時段比較多人 晚上七點左右已經全場坐滿👨‍👩‍👧‍👧座位都比較舒適 👍餐牌上食物種類繁多👏 價錢相宜💰我哋叫咗幾款菜式❣🍚海南雞油飯 $78海南雞口感細滑 🥳油飯份量好多🍍原個菠蘿海鮮炒飯 $98賣相好靚 👍好足料 炒飯粒粒分明 配料充足🍢泰式沙爹串燒(豬牛)「6串」 $85可以揀豬／牛／雞 【其中2款】沙嗲醬香濃 趁熱食最正 啲汁撈飯一流🥬馬拉盞炒通菜 $72夠鑊氣 好惹味👍🥗青木瓜沙律 $78酸酸甜甜好開胃🥰會再嚟幫襯 侍應上菜好快手 又有禮貌地點方便 環境ok😊

家庭聚餐在「泰屋」，點選四人午餐$368，免加一小費。有沙律、雞、魚、牛、湯，很豐富，而且份量不少！青木瓜沙律，爽脆木瓜絲，微酸帶點兒辣味道，還有香脆花生，的確是很開胃的前菜。椰汁鮮雞湯，椰香味飄揚，酸酸的味道，很具泰式風味，湯料甚豐，嫩滑雞肉與菇菌。鹹魚炒芥蘭，豐富的鹹鮮味道，青綠芥蘭很爽脆嚼勁口感！ 黃咖哩牛筋腩，牛筋腩稔而不爛，香甜的黃咖哩汁送飯一流！泰式鮮魚爐烏頭，富有泰國特色的爐烏頭，魚味鮮，伴粉絲、多款配菜與豬肉碎丸，十分冶味！青檸梳打與朱古力奶

自從政府對餐廳出咗新規矩之後，對於我呢個為食貓嚟講可以話好壞參半。好嘅就係食飯鬆動咗 ，唔好嘅就係難等位咗。今日就去咗旺角彌敦道728號嘅“泰屋“食泰國菜。 頭盤先嚟個冬陰功湯$88，酸酸辣辣最開胃，湯料有一隻大蝦開邊，蝦肉煲完湯都仲好爽口，加上有大量嘅草菇，有得飲有得食。然之後點咗一個青木瓜沙律 $78。同樣地酸酸甜甜，作為頭盤十分醒神，柚子肉十分飽滿多汁。 之後仲嗌咗個黃咖哩雞肉$82， 個人比較喜歡食黃咖哩，因為相對青，紅咖哩無咁辣， 攞嚟撈飯或者伴其他嘢食都好好味 。當我考慮叫油酥餅好定係蒜蓉包時，朋友決定食蒜蓉包 $36 ， 好彩個蒜蓉包都冇令我失望，一客四件熱辣辣脆卜卜，入口充斥住蒜蓉香香，點咖哩無得輸。主菜方面我哋嗌咗個蛋包金邊粉伴蝦 $88， 賣相一流 。好怕有啲地方嘅金邊粉做到好酸，但係呢個酸度啱啱好， 金邊粉炒得相對乾身， 所以口感都幾豐富。我就點咗杯龍眼冰 $33 少甜少冰， 杯底放滿龍眼肉 ，感覺十分滋潤。 值得一讚嘅就係餐廳跟足規矩，枱同枱之間有一定嘅距離 ，咁樣就算傾計都唔怕騷擾到其他食客， 食得安心又放心。

唔係之前openrice睇到都唔知旺角近太子呢邊有呢類全棟都係食肆既商廈之前去上層食吉列牛果時已經留意到呢間泰菜既poster，知媽咪中意食泰國野專程帶佢黎試下～𨋢門一開就見到好有泰國特色既佛像，夠哂地道。餐廳用色以充滿東南亞氣息既綠色同棕色為主，旺角區黎講間隔算幾闊絡，即使二人枱都唔會太逼，擺到四至五碟餸。泰菜必點青木瓜沙律，木瓜絲爽脆無渣，酸甜適中，加上辣椒越食越有辣勁，好開胃。醃肉碎炒得香口，唔會過鹹或過酸，豬肉肥瘦參半，瘦肉既嚼勁混合油膏既爽嫩，口感不油不韌，夾喺生菜中輕盈又惹味青咖哩味道偏甜，無想像中既辣味，但濃郁既椰香為佢扳回唔少分數。第一次見青咖哩同燒鴨呢組配搭，估唔到幾match，連咖哩都充滿鴨肉獨特既羶香，如果什菜多啲食起黎會更滿足羊仔柳先裹上生粉炸香，再伴入配菜同芒果煮成，食落偏甜膩，用料偏向芒果醬多於鮮芒果。外層幾脆口，炸粉偏厚，羊肉選位比較多肥膏，口感一般，呢一味餸不過不失啦

旺角周街都係食肆，但真係唔係間間好食，質素參差，今日同屋企人行街，知道媽媽鍾意食泰菜，特意帶佢嚟呢間朋友介紹嘅樓上泰國餐廳。一點幾餐廳已經滿座，環境好熱鬧，似乎好受歡迎。午餐好多選擇，唔少套餐可以自己配搭湯底同配菜，幾多元化。餐湯係冬陰公，雖然表面比較多油，但係酸酸辣辣好香口，裏面都有唔少香料，仲有西芹粒同秀珍菇。每個套餐送餐飲，點左一杯熱檸茶，咁樣食比較濃郁嘅青咖喱嘅時候，可以飲啲清淡啲嘅飲品。青咖喱一上枱已經散發出濃烈的椰香，加上各種各樣的泰式香料，令到香脆的魚柳格外惹味！新鮮烤焗的蒜蓉包一樣都好好食，忍唔住用來點青咖喱，索晒啲汁，真係好好食😊之後就係一大碗冬陰公雞肉粉！見湯底嘅顏色就知道有幾足料🥳用嘅雞肉好新鮮，冇雪味，肉質幾嫩滑，配冬陰公湯真係不得了，而且檬粉份量好多，兩個人分享就差唔多，食完真係好飽😈🍜💕飲食要均勻，叫多一個木瓜沙律，木瓜絲好爽脆，醬汁酸酸甜甜，加上有花生粒，口感味道都幾有層次。

中午時份與同事四出搵食，途中接過「泰屋」的傳單，結果成功做成一單生意！電梯門打開，最先見到的是數尊佛像。屏風背後是四正的用餐區，泰式風情不算濃烈。 午市餐單雖簡單，但大體包含常見的泰式美食。首先送上的是每人一碗是日例湯，湯色呈奶白，酸感重，並洋溢惹味的香茅風味。除了少了一份辣意，基本上很有冬蔭公湯的影子。 「青木瓜沙律」是追加的頭盤，只留酸爽食感，沒有帶來預期中的辛辣刺激。 「春卷拼蝦餅」屬香口小吃，蝦餅外觀金黃討好，外層脆香，只是中心部份不夠彈牙。「醃酸辣鳳爪」稍微乏味，評價中規中矩。「青咖哩雞」是小編的主菜，雞肉雖未有帶來特驚喜，但因青咖哩味道不俗，拌飯吃效果佳，評價亦不錯。 咖哩菜式除了可選配白飯外，「蒜蓉法包」也是另一個吸引的選擇！同事們的主菜...以人均消費六七十元的飯餐而言，「泰屋」能帶來好滋味。雖然頭盤小吃未算突出，但一眾主菜賣相味道勻算對辦，有機會會再來。 # 餐廳冷氣不足，需留意一下！

今日黎到泰屋，朋友一早點左菜，我去到淨係食，哈哈，環境寬敞，可能係星期一晚，人唔係好多，服務好好，食完都唔會趕我地走，上菜第一時間覺得原來唔係好大份，朋友話開頭仲擔心叫太多，細份勝在可以咩都試，滿足咩都想食嘅心理！生菜包係一個「是日驚喜」，個肉調味得非常好，好夠味，而且應該加左檸檬汁，有少少酸味，配埋生菜，真係好好食，五粒星推介，冬蔭公湯大蝦夠大隻，叫左個印度油酥餅，用黎配綠咖哩食，個酥餅有好重奶油味，個人唔太鍾意重奶油味，所以食左小小就冇食，而炸蝦餅同炸春卷夠足料！總結環境唔錯，生菜包非常好食，但份量偏小。

這天突然想食泰國菜, 朋友選了泰屋, 一進去已感到環境乾淨舒適, 令人心曠神怡, 好像特別開胃。食物整體都好吃, 配合舒服環境, 價錢合適! 我和朋友們點了四樣食物, 先是青木瓜沙律, 一條條木瓜絲加上蘿蔔絲, 切半蕃茄仔及花生粒, 配上甜甜酸酸的汁均勻攪拌, 惹味也很開胃。接著是馬拉盞炒翡翠苗, 菜很鮮甜, 有蒜碎, 辣椒粒, 紅椒及蝦米仔! 朋友嫌它炒得不夠香, 但我個人不喜歡太鹹的菜, 以我的口味, 我覺得它炒得剛好, 加上它不算乾身,有點湯汁, 入口鮮甜又不會太辣, 不錯! 主食點了兩款, 先是椰盅焗海鮮飯, 很香椰子味, 椰醬味濃, 完全提昇了食慾, 而且當中的海鮮很軟, 配起上來很滑但不糊口, 而且有椰肉粒, 提子乾和雜菜粒, 充滿豐富咬感。最後是農夫包咖哩焗海鮮, 特別喜歡其炸蝦和炸魷魚, 很香而可口。包軟熟, 配著咖哩很易入口。如果再多點咖喱香, 其味道會更搶更香濃惹味。坐得舒服, 吃得開心, 服務貼心, 值得一試!

今晚跟老友行完小手作又到時間去揾食醫肚，老友記話想食泰國菜加冬陰公，那我就推介來泰屋星期天六點多就來到旺角，剛好還有位子，下次還是要先訂位穩陣冬陰公鮮蝦湯($108)大先點冬陰公鮮蝦湯味道夠酸且香料也十足，但辣度還差點點，還有大蝦令湯提出鮮甜度青木瓜沙律($78)木瓜很爽口也十分開胃青咖哩雞($78)再點了送飯一流的青咖哩雞， 甜味的咖哩一口接一口令人停不了，除了雞肉還有小茄子伴菜，不錯！鮮芒果糯米飯($45)又怎能少了甜點，黑白糯米配芒果，芒果清甜多水，而糯米加椰汁是絕配，很快已被消滅咖啡榴槤沙冰($38)飲料也推介給榴槤控的朋友，入口即濃濃榴槤味但過後卻帶有咖啡味，雙重味道雙重享受。價格實惠，跟朋友也渡過了一晚愉快的聚餐

好一陣子無食到泰國菜，一諗起冬蔭功味道己經口水流，所以一有人問去唔去食就 lur飯應。餐牌未睇就已經肯定叫冬蔭功湯同木瓜沙律；見泰式燒羊架仲平過燒雞就諗都唔使諗即刻加多個order，其他餸菜交由朋友發板，青咖哩雞、馬拉盞炒通菜及幾個飲品。冬陰公鮮蝦湯，分湯時聞到陣香味己經不停吞口水，雖然椰奶份量較多，亦與我偏愛較酸的口味有一點距離，不過因湯内嘅蝦都幾鮮味又大隻，所以唔會扣分。飲完湯就食 木瓜沙律，又係口水流菜式，不過有朋友表示偏辣，但我又反而覺剛剛好，木瓜甜、甘筍爽、醬汁酸辣甜都好平均。馬拉盞炒通菜夠野味又唔算太咸。青咖哩雞點蒜蓉法包，雞肉唔夠入味又韌咗啲似解完涷即落咖哩煮返熱咁。泰式炭燒羊架有三大舊抵食，泰式鐵板上真係較小見，黑椒醬汁香，羊又唔太騷，啱曬想食羊又怕騷嘅朋友。自己飲嗰杯 熱香茅茶可以推介下，因為之前香港嘅泰菜館唔多見；又響泰國飲過幾好味。味道好近似泰國飲到嘅味道，清香唔濃濁，如果可以落少啲啲糖就更好。

這幢大廈改做餐廳已有一般時間，就是從未有朋友約過黎呢度食飯。今次終於有機會試下。😎由於朋友不太辣得😖，點餐之前已詢問侍應青木瓜沙律辣唔辣？侍應亦回覆可將汁另上就不會怕辣🌶。此舉確實貼心❤️。👍🏻小食併盤分量適中，不過對於細食既我就多了一點！😓整體味道都唔錯。本人特別喜歡魚餅。🐟其他食物水準一般，不過不失。認真講餐廳環境一般，枱與枱之間太貼。不太大私隱。奉勸大家唔好響度講秘密🙊！🤣