阿來泰式地道風味

營業中

休息中

旺角泰國餐廳都好多, 不過我今次都同屋企人幫襯小店, 性價比高而且泰國地道風味可以一試👍🏻💫明爐冬蔭公烏頭 冬蔭公湯喝得多次🍵，但第一次嚐到明爐冬蔭公煮烏頭，味道出乎意料😲有酸酸甜甜的獨特風味，加上秀珍菇吸入冬蔭公湯精華，令人停不下口👄💦另外配上一碟辣汁🌶️，將魚肉沾入辣汁更增鮮味🐟🔥💫豬頸肉炒通菜通菜炒得香口，蒜味濃郁💪😋豬頸肉的份量很多，但稍微有些硬身，勝在好惹味👍🏻💫泰式滷豬脾(例牌) 豬脾非常軟嫩，容易入口😋🐷我爸爸很喜歡❤️而且還有配上酸菜和滷蛋🥬🥚，醬汁多且入味，整體味道很不錯😍👌💫飛天炒椰菜苗椰菜苗炒得香口，辣辣的味道很開胃，食指大動非常美味🔥😋💫青檸梳打青檸梳打非常爽口，可以中和飯後的油膩感，是一個不錯的選擇🍹😌

好耐冇睇過早場，同朋友向朗豪坊睇完戲，見差不多12點，又到午飯時間，朋友話想食泰國菜，我就帶佢黎先達隔離既‘’阿來‘’食正宗地道泰國菜。平時午市時段，‘’阿來‘’2層都會坐滿食客。經常要等位，如果唔想等位，最好就早少少入座。因為今日未到午飯時段，所以餐廳仲未坐滿，我第一次唔需要到上層入座☺️。因為今朝冇食早餐，超級肚餓，所以我同朋友除左點左阿來海南雞飯配青檸梳打外，仲點左泰式鐵板蠔仔蛋；好耐冇食既泰式明爐烏頭同甜品芒果糯米飯。阿來海南雞飯雞肉好嫩滑，雞皮爽薄，配上酸酸辣辣既泰式醬汁，非常惹味！泰式鐵板蠔仔蛋與潮州蠔烙不同，泰式蠔仔蛋比較似台式蠔仔煎。蠔仔蛋只用蛋，沒有落木薯粉，所以食落口感很滑，蘸上辣醬食就更加美味😋泰式明爐烏頭湯汁味道酸酸辣辣，魚肉吸滿湯汁，愈食愈開胃。伴碟既秀珍菇亦吸滿左酸辣湯汁，連埋魚肉一齊食，又係食唔停口！芒果糯米飯傳統既泰式甜品，成日食芒果糯米飯既我，本以為會冇乜驚喜。但整餐飯我卻最欣賞佢。芒果香甜，微熱軟糯既糯米飯配上鹹椰漿，真係非常滋味，比出面一般既泰式餐廳做得更出色。

這間泰國餐廳，未到7點已經見到門口有人等位，不過我哋都只係等咗一陣就有位啦，因為餐廳有2層，廚房出菜好有效率，同埋食客都食得快，返枱率都幾高👏🏻👏🏻 餐牌有多頁，除咗平時都會食柚子沙律、泰式炒金邊粉、芒果糯米飯、等等，我見餐牌也有一些不一樣的泰國菜，就點來食下😁泰皇咖喱火山軟殼蟹法包 (HK$148)．呢個賣相勁吸引，大大個法包，中間填到滿瀉的黃咖喱和雜菜，上面放2隻炸軟殼蟹，一切快，嘩，啲黃咖喱好似火山熔岩咁流出嚟😍．軟殼蟹炸得金黃色，外脆內軟，啖啖肉．黃咖喱，微微辣，反而係甜甜地，滿椰香，口感奶滑，配法包一齊食真係好美味😋泰式鐵板蠔仔蛋 (HK$88)．真係好似未見過呢款泰菜，有我喜愛的滑蛋和蠔仔，一定要點嚟食．上枱時，聽得到和見得到啲滑蛋和蠔仔在熱辣辣的鐵板上滋滋聲．勁多蠔，而每隻都係大大粒，圓圓飽滿，好鮮甜．蛋煮得奶滑，滿滿蛋香，分量比想像中多呀！龍眼冰 (HK$25/凍，少冰)．泰國龍眼肉和龍眼蜜，調味很好，滋潤養生又解喝😋青檸梳打 (HK$25)．用上泰國青檸是呢杯飲品的靈魂，其獨特的果酸味和果香味，配梳打水正呀～

出名又平又抵食既泰國菜，每次經過都好多人等位～近7點去到，原來都唔係近好耐就已經有位，比想像中快。入到去見到人上樓上，原來上面仲有檯，唔怪得之咁快就入得！❤️辣椒膏蝦頭油海鮮炒飯 好香好有鑊氣既，海鮮好足料，有爽口彈牙既大蝦+魷魚圏+蜆肉等等等，味道有少少辣，特別惹味🧡小食拼盤 大推炸蝦餅，非常彈牙好有口感!!春卷好香咖哩味，又香又脆～仲有炸魚餅同雞翼添💛蒜蓉包 4塊大大塊，好抵食既蒜蓉包 💚青檸梳打 微微酸少少甜，食完炸野飲解解膩岩晒呢個價錢有呢個份量，仲要咁好味，唔怪得之咁多人啦～真心抵食又好味！提外話～見到有個香港人侍應，仲學識用簡單泰文同個泰國客人落單，好型呀！

今日去到旺角先達附近搵野食，通菜街原來有好多餐廳，我就搵到呢間阿來泰式。叫左一個小食一個飯一個主菜，先黎既係牛油雞翼，同一般既牛油雞翼有少許分吃，唔係有好厚炸粉拎去炸果一種，呢種炸雞翼睇落冇咩特別，但係食落有濃濃既牛油味，但係又唔肥膩，真係食多幾隻都唔膩。再黎就係泰皇咖哩軟殼蟹，泰皇咖哩睇落係唔辣，食落就知個功夫所在，個汁最啱就係要黎撈飯，而咖哩配既炸軟殼蟹亦都出奇地夾，軟殼蟹炸得脆脆地，點埋咖哩汁真係食得落幾碗飯。最後叫左個辣椒膏蝦頭油海鮮炒飯，食落辣辣地又惹味，而且配料十足，蝦、墨魚仔、蟹柳，真係一個唔錯既選擇。最後重有杯青檸梳打，食泰菜又點可以唔叫杯青檸梳打呢。最後要讚既係餐廳每碟都好大份，多人食都唔驚分唔到！

出開旺角食晏想搵啲泰國野食下，就搵到黎阿來泰式。星期六都重有set lunch比大家揀，我今次就揀左佢地既海南雞飯同埋青檸梳打，另外叫多左個小食就係炸蝦餅。好多泰式海南雞飯都係去骨既，同樣阿來泰式提供既亦都係去骨海南雞飯，只要你比多10蚊就可以升級比隻雞髀你。我就揀左平民版，個飯一上枱，雞應該係雞胸部份，再加飯髀仔，配黃油飯，再加個微辣既汁，基本套路冇問題，食落正正常常，份量足夠一個成年男人食，合格過關，餐飲加錢轉青檸梳打，除左多冰左啲之外都冇問題。最後一提既係蝦餅，食落個蝦餅比其他餐廳既蝦餅結實，覺得比重料，係值得推介既餐點!

呢間已經係第二次黎次次食都係大滿足！基本上唔需要推薦菜式因為每樣餸都好好味雖然話鋪面唔算好大但都算坐得舒適生蝦刺身係我嘅摯愛不過我自己食就唔會連埋上面嘅辣椒同蒜頭食 會就咁點醬今次呢個綠色嘅sauce味道比上次食較淡食完個口都冇咁臭🤣但仍然十分惹味嘅青檸梳打酸酸甜甜 不過不失飲完好似番左泰國咁 呢個滷豬脾 應該係香港嘅滷豬手啲皮好嫩 好易入口用黎送飯真係一流啲泰式辣汁都係偏淡 唔會好濃而蓋過左佢本身嘅滷水味生菜包肉碎啲肉碎好香好惹味佢個種香味應該係黎自花椒同洋蔥（我估）不過呢個建議有4個人一齊食先好叫 如果唔係會食唔曬😂😂我就打左包番去食Pad thai 即係炒金邊粉同泰國當地食嘅有啲唔同 多左一種甜味本身以為會怪怪地點知又幾好食 主食黎講 我覺得係可以再黎一碟嘅另外 呢度嘅員工都好當地local feel 令到我好似真係去左泰國咁再加上佢地服務態度好好 好想令人一去再去！

次次黎親旺角唔係打邊爐任食，就係日式放題。今日唔算太肚餓，所以唔使食放題，就揀咗一間泰式餐廳。好老實講，平時都好少食九龍城以外嘅泰式餐廳，因為九龍城嘅泰式餐廳實在係泰出色。今日同行朋友想食泰國嘢就一於陪下佢啦。我同啲朋友都懶得諗食咩，見到有二人餐。基本係泰國舖想食嘅嘢都齊晒啦。海南雞滑而不油；燒豬頸肉香而不油；生蝦刺身間間都一樣味架啦；生菜包分量剛剛好無剩菜或剩肉。剩返嘅蒜蓉包一定係拎嚟點咖喱食，所以我哋叫多咗一個泰王咖喱炒軟殼蟹。軟殼蟹都啖啖肉，咖喱又好香。其實我哋一行人有六個人，二人餐又點會夠我哋食，所以我哋再叫咗以下嘅食物。冬陰公湯好足料起碼有成六七隻蝦！最欣賞係串燒個汁，一啲都唔孤寒，務求每一條串燒都可以有汁！泰式金不換香辣肉片炒河，唔識咩係金不換大家可以看圖識字。泰式鹹魚炒椰菜苗，鹹魚每一舊都好大粒！其實食泰國嘢都唔一定係九龍城食嘅，旺角食泰國菜都唔差吖。

小妹今日要OT, 諗住係旺角食個飯先返屋企估唔到唔打唔撞搵到呢間泰國野 時間係8:45, 估唔到店入面都仲係咁多人, 好彩等左10分鐘就有位 見到餐牌上既食物就好肚餓, 價錢算係普通水平小妹叫左以下食物咖哩炒蜆($108): 咖喱唔太辣，有椰香味，入面有青椒洋蔥，加埋鮮味既蜆, 點D咖喱, 好好味！好想叫個飯撈咖喱汁, 但要忍口,  唔想太飽 泰式炒金邊粉($58): 金邊粉炒得夠乾身, 仲有幾隻爽口既大蝦, 又夠大碟, 冇得輸 明爐冬蔭公烏頭($168):  冬蔭公湯底香濃, 味道偏辣, 但好惹味! 烏頭冇咩骨又啖啖肉配冬蔭公湯, 入口又有魚鮮味又有冬蔭公既刺激, 雙重享受 青檸梳打($22): 飲返杯泰國特色既青檸梳打中和下 小妹好滿意呢餐泰國菜, 味道好味而且侍應態度好好, 好有禮貌下次再試下佢既其他野

真係太耐無食泰國野心癮起上黎，止唔住於是拉埋男朋友，入左阿來餐廳飲品叫左杯男朋友最愛既青檸梳打但我一直都唔識欣賞直到今日，飲過呢杯我成世人覺得最好飲既青檸梳打我先明白佢既好青檸味非常清新，又酸又甜好刺激到味蕾令佢咁成功既因素，可能係用料同比例既不同雖然人就得兩個，但見隔離燒左條魚咁滋味，又好想食翻下menu，原來係鹽燒鰂魚男朋友話白肉健康，食多啲都無所謂因為係即燒，等既時間長啲，大約20分鐘廚房一早切開左魚皮，一翻魚皮就見到白雪雪既魚肉燒得岩岩好可以見到魚汁係裡面隱約有一股香矛味雖然就咁食已經好不得了加埋鹽吊一吊味就更正因為整條鰂魚外面都灑滿鹽花夾起魚肉，拖一拖佢係魚皮表面就已經好滋味真係兩個人都食得哂成條魚我地仲叫左另一樣黎泰國餐廳必食既蝦餅好彈牙，豐有蝦味唔會炸到有熱氣既感覺，剛剛好加埋泰式甜酸醬亦好惹味出色 

難得同表姐行完街就當然搵嘢食醫下肚，表姐中意食泰國嘢就帶佢試下呢間新菜館，又近地鐵站都幾就腳。 汁燒魷魚-爽口彈牙又吾un ,燒得岩岩好,又鮮甜,我一個人食左半隻有多,同日式個d有得揮!!!配埋個酸辣汁真係好醒胃! 辣椒膏海鮮炒飯-招牌推薦菜式，香口，飯粒分明，全部都好入味，海鮮亦好新鮮，可以自選辣度，我覺得小辣都吾錯！ 青檸梳打-正宗泰式風味，酸甜適中，味度清新

旺角先達對面開左間泰國餐廳入面好多客人，咁好生意我最中意就係食泰國菜入去試下係咪真係咁好食先 入面都好多座位分左兩層裝修比較簡樸 Menu好多野揀，而且有套餐湯粉都係廿幾蚊一碗，好平喎咖哩炒蜆 $88 第一次食炒蜆d蜆係咁大隻嫁蜆肉大大粒又彈牙 咖哩唔係好辣，甜甜地好易入口而且份量都好多，叫個飯黎撈都仲得 蒜蓉包 $25焗得好香好脆，咬落去外脆內軟好香蒜蓉味點埋咖哩炒蜆d叻哩真係超級正兩樣野好夾 蝦餅拼魚餅 $78蝦餅有d蝦肉，炸得好香口又夠脆食落咸咸地，好入味魚餅有陣香茅味，幾特別點埋泰式辣醬就更滋味 椰青 $28超大個椰青，飲落好清甜，再挖埋椰子肉出黎食，好新鮮 青檸梳打 $18好好飲，唔似一般餐廳溝出黎味道淡淡飲得出係用新鮮青檸整出黎甜度適中，青檸味好濃，又夠凍忍唔住飲左2杯呢間泰菜價格親民而且好有泰國地道風味，好好味服務員亦都好有禮貌下次會再黎幫襯