韓川

營業中

休息中

之前已經嚟食過一次 今次再次到訪試吓其他野食~食物種類都幾多元化 有火鍋、串燒、燒肉、炸雞、烏冬、石鍋飯(((*♡д♡*)))-🍜溫泉蛋帶子芝士湯烏冬 💰$98兩隻帶子上面痴咗勁多芝士🧀️好正!!相對上個芝士湯就冇咁濃芝士味 所以唔洗怕會膩朋友話飲落似粟米湯味🤣-🍖韓川燒肉拼盤(豬，牛，雞) 💰$178配有韓式秘製魔鬼辣醬 我哋叫咗小辣食落都唔係幾辣~燒肉係預先燒好咗 再用一個爐熱住可以用生菜、蒜頭包住嚟食😋-🦪燒韓國生蠔 標準size 💰$58有兩隻 落咗孜然粉 好香好惹味生蠔好生鮮(⑉• •⑉)燒完都冇縮水-🍶真露焗蜆 💰$118一上枱就好香嘅真露味 但食嘅時候唔會感覺好重有好多蜆肉 最正係底下仲有粉絲 充滿蜆嘅鮮味同蒜蓉味！-🍇韓國米酒白葡萄味 💰$100一大枝嘅米酒 兩個人飲每人都可以飲到兩至三杯米酒嘅酒精濃度低 所以飲落主要都係提子嘅味道👅

我自己本身幾鍾意韓國野食，尤其係炸雞同韓式粉絲！今次嚟到呢間仲有生蠔食，真係不得了😻✨芝士熔岩炸雞 - 好邪惡，睇住佢淋d熱溶芝士上個炸雞，d雞其實係單骨雞翼，疊高高好吸睛，仲有個加分位係就算凍左d芝士都唔會漿埋一舊👍✨精選時令生蠔 - 好耐冇食生蠔喇，12隻兩人share好滿足，食到海水味，蠔肉幾新鮮🤩✨韓川菜包五花腩 - 我地叫左小辣，又真係幾過癮，佢下面有火燒住保温，另外仲俾左生蒜片，洋蔥片，燒汁同芥末醬用來夾生菜食，有菜balance下冇咁辣😜✨真露焗蜆 - 蜆肉幾入味，仲有粉絲都好正，好香牛油蒜蓉味😻✨韓國米酒白葡萄味 - 米酒我大愛，因為甜甜地好易入口，餐廳仲好有氣氛，幫我地到入韓式酒壺同酒碗，好地道😂

朋友突然升職了我地喺無booking之下，約咗喺旺角食飯慶祝💕我哋決定喺女人街搵食，行行吓就見到呢間霓虹招牌好吸精嘅韓國餐廳，跟著就入咗去食啦😛環境為食貓無諗過女人街都會有呢d咁型格嘅餐廳入到去好似去咗韓國嘅餐廳咁，如果配埋支燒酒咁就perfect啦🤭食物韓川嘅菜式全部都好有創意，一般香港嘅韓國餐廳應該食唔到🤨而且呢度重有生蠔、燒蠔、蜆等呢d海鮮食同朋友share嚟食真啱晒💖韓川燒肉併盤 （$178）（5/5）必食呢個燒肉真心高質😍以$178嚟講完全唔貴！併盤有牛、豬、雞，3樣都好大塊👍🏾店員重話個醬汁係自家製嘅♥️個醬好好好惹味，為食貓食到應該落咗孜然粉同埋辣醬，鍾意食辣嘅朋友一定要食，因為真係辣得好過癮特別一提嘅係個牛燒得啱啱好，唔會太生亦都唔會太熟韓川燒巨蠔 （$78）（5/5）必食雖然韓川係韓國餐廳，但呢個巨蠔有d似內地串燒店食到嘅味道，有滿滿嘅蒜蓉同孜然粉味，好入味😍而且個蠔都好大舊同埋一啲都唔腥溫泉蛋虎蝦芝士湯烏冬 （$98）（4/5）個烏冬都真心有驚喜❤️兩隻虎蝦除咗超大隻之外，d芝士重可以拉絲，未溶得晒正呀真露焗蜆 （$118）（4/5）個焗蜆加埋d粉絲，再配埋米酒飲真係一

餐廳睇落幾型格，所以就黎試下好唔好味啦～～得一個女侍應招呼咁多枱客，但係佢做野好快手，讚！韓川燒生蠔燒蠔有4隻，叫左黎試下。WOW!！好多蒜蓉喺個燒蠔上面！雖然蠔唔重蠔味，但係蒜蓉幫到佢，所以整體係ok既。牛肋骨湯配白飯同我想像中和食開既牛仔骨湯唔同，湯底奶白偏黃，似牛腩而唔係牛肋骨。牛肉多舊，肉質淋得黎有口感。配飯食唔錯。韓國米酒白葡萄味3％酒精，好香提子味，易入口，好好味！不過要100蚊我覺得有啲貴。哈哈。