生生市場 (永德大廈)

營業中

休息中

烤牛肉紫菜飯捲 $53足料紫菜包飯捲，叫了烤牛肉唔會太乾，仲有另外國款可供選擇～（如：豬肉、火腿、豆腐⋯⋯）韓式辣抄豬肉拌飯  $65 拌飯選擇辣抄豬肉，豬肉夠多辣度剛好，而且配菜都有好款，拌起來有多種口感生醃魷魚 細SMALL $70小食當然選魷魚啦，醃醬辣度剛好係我中意嘅，魷魚都大大條，用嚟伴飯食一流。韓式炒粉絲 $48大大碗材料足，唔會太油有韓式風味，提提外賣需要自行返熱啦！

#生生市場，開頭以為純生肉店，點知仲有啲幾吸引既快手韓式外賣🛵由湯品、炸雞、紫菜飯卷、小食等到大量唔同既醃菜、泡菜同生醃食物都有，價錢相宜👍🏻食下前菜先，見到好特別既青瓜泡菜，幾吸引🤩一開即食，驚艷既口味，青瓜多水份所以個汁濃味啲好好味😋食到唔停口，推介🤞🏻#韓式炒粉絲，份量好大，味道唔錯，涼食唔錯既選擇，仲可以撈下泡菜汁一齊食，好惹味#韓式海鮮辣豆腐湯，配白飯，份量好多，一打開就好香，湯好濃，好多蜆肉，加埋隻蛋撈飯一流🤤非常好味，豆腐好滑，好抵食既套餐，原味無骨炸雞🍗雞肉好嫩滑，份量比想像中多，正🙌🏻整體食物質素高質🇰🇷快手、性價比又高，前菜醃食推介💡俾返地址方便下大家🤓元朗店地址:元朗教育路2-6號捷榮樓地下C號舖灣仔店地址:灣仔堅拿道西15號永德大廈地下G13號舖

每次行經銅鑼灣，一定會黎依間平靚正嘅韓國外賣市場買返幾道韓國食品小菜😋😋😋 佢裡面貨品種類都幾多👍 凍肉、熟食、小菜樣樣齊❤️ 選擇好豐富🤭 首先就睇中咗佢地超級豐富嘅辣豬肉午餐盒🫶 辣豬肉塞滿整格超級足秤👍 食落軟嫩可口，辛香又惹味😋 伴飯一流❤️ 隨主菜亦配上煎蛋卷、炸雞塊、魚糕等伴食😍 真係好豐盛😘 之後叫咗個韓式炒粉絲😚 粉絲炒得乾身，唔會太肥油膩，煮得好入味，鹹中帶甜令人上癮😋 粉絲少有哋係全素🥬 無加肉絲配料，食素嘅人都可以一食🌟 再叫咗個細嘅甜辣無骨炸雞😋 佢細份都有滿滿一碗雞塊🤤 全部又大粒又厚肉，沾滿濃香嘅甜辣醬汁🤩 真係好邪惡勁吸引😚 炸雞外層酥脆香口，內裡雞肉依舊鮮嫩又多汁，食落又辣又甜真係好過癮🤭 前菜小食㨂咗韓式炒魚糕同埋甜酸漬蘿蔔😚 勁大盒超級香😘 魚糕凍食，煙煙韌韌好有口感，整得好入味😚 漬蘿蔔超級爽口，食落酸咪咪好開胃😋

鵝頸橋附近有間韓食外賣店，有即煮韓國菜式，有預先整好嘅伴菜/小食喺雪櫃自己揀，仲有冷藏食品包括直送韓牛，選擇都唔少。韓式炒粉絲 $48用料都好豐富，有菠菜、紅蘿蔔、洋蔥、冬菇同雲，炒得幾乾身仲唔太油，好香麻油味，份量仲勁大份。韓式炆牛肋骨湯 $150牛肋骨好入味，好燜，成5-6嚿，蘿蔔、紅蘿蔔、冬菇勁入味，好味😋海鮮煎餅 $58煎餅薄薄脆脆，好多魷魚粒，點埋醬汁，好味嘅。買返屋企做晚餐，翻熱後好🉐好似喺韓國餐廳食咁，好味又好抵👍🏻

雜菜煎蛋捲賣相：🐧🐧🐧🐧🐧味道：🐧🐧🐧🐧🐧煎蛋捲黃澄澄十分搶眼，卷得扎實美觀，捲中夾雜著色彩繽紛的雜菜粒粒，非常吸引。蛋捲入口質感嚼勁十足，味道帶有濃郁的雞蛋香，以及雜菜粒的清新爽甜，整體清淡又忠於食物原味，前菜良選。甜酸漬蘿蔔賣相：🐧🐧🐧🐧味道：🐧🐧🐧🐧🐧蘿蔔口感清脆爽口，醃製得非常濃郁入味，每一啖都充滿既甜且酸的滋味，開胃又醒神。韓式炒粉絲賣相：🐧🐧🐧🐧味道：🐧🐧🐧🐧🐧炒粉絲的麻油味極濃極香，但又不會過份膩滯，十分理想。食落口感煙韌有彈性，味道有醬油的鹹鮮，同時散發著淡淡的甘甜，十分惹味可口。泡菜煎餅賣相：🐧🐧🐧🐧🐧味道：🐧🐧🐧🐧🐧煎餅經預先切好方便食用，十分貼心。每一塊煎餅內，都填滿厚厚的泡菜，食落鹹辣滲半，馥郁濃烈，再沾上特備的醬汁，滋味更加邪惡誘人。辣炒年糕賣相：🐧🐧🐧🐧🐧味道：🐧🐧🐧🐧🐧年糕咬落軟糯又煙韌，每粒都咬口一流，配搭辣香滿分的經典韓式辣醬，味道正宗又出色。隨年糕伴有魚糕片和烚蛋，盡得醬汁精華，必食惹味之選。魚餅串湯賣相：🐧🐧🐧🐧味道：🐧🐧🐧🐧🐧魚餅超級大件，口感軟腍又有咬勁，浸煮在鮮味十足的湯底中，入味又可口，抵食必試。🐧❤️結語：性價比極高的韓式食品外賣店👍