叁不館

營業中

休息中

鄰近天后MTR的高質港式火鍋，裝修充滿古式茶檔的懷舊風味，整晚播著耳熟能詳的中年廣東老歌，氣氛不錯。無論是火鍋湯底或是食材都很高質，Follow 社交平台更有$10/10支啤酒優惠，非常適合大伙兒暢飲狂歡。咯咯雞花膠湯 $298 | 椒鹽鱔球 $108這個花膠雞湯非常足料，花膠份量很有誠意，大大片而且膠感豐富。湯底濃郁鮮甜，未開餐忍不住已喝幾碗，暖胃又滋潤。椒鹽小食系列也是Hot Item之一，鱔球肉質白嫩，無骨啖啖肉，椒鹽調味適中、不死鹹，份量一點都不少，如中菜館小菜般一大碟！蘇格蘭蟶子2pcs $116 | 日本扇貝 2pcs $76倆口子都是海鮮控，看到鄰座客人的大盤海鮮很吸引，也Order兩款小嚐一下。貝類海鮮已被細心起肉，非常新鮮，啖啖肉，特別是蟶子，爽甜彈牙！頂級安格斯牛頸脊(大) $368 | 滑牛肉 $148牛頸脊厚度適中，保持一定的咬感，無論是肉味和油香，都很有水準。要吃健康版本，可以Order滑牛肉，與生雞蛋輕輕攪拌再下爐，滑嫩口感和牛肉香是另一番風味。招牌芫荽餃 $80 | Q彈鮮蝦丸 $88芫荽黨黨員盛讚這個芫荽餃，皮薄餡多，塞滿芫荽，沒有多餘的肥豬肉。鮮蝦丸加

今日同朋友仔一齊咗呢間位於天后嘅叁不館 打邊爐 行到入去已經見到濃濃嘅香港懷舊氣息 主要係傳統圓台為主 其實係一個一家大細或者朋友聚會 如果唔想俾人打攪 仲有一個包間可以提早預訂哦而且佢哋最近做緊promotion 只要follow佢哋嘅IG 就可以享用$1/支啤酒 但就必須買10支 飲唔晒雖然唔可以帶走 但可以暫存喺餐廳90日參加條件：2人以上及消費滿$500以上椒鹽龍蝦🦞（$288）：未打邊爐之前我哋先上咗個椒鹽龍蝦 食少少嘢先 估唔到有幾好食喎 龍蝦肉非常香口入味 同時又唔會太喊 而且好彈牙 啖啖肉啊😋卜卜蜆豬骨煲湯底 ($238): 呢度嘅湯底選擇非常之多 我哋自己揀咗一個卜卜蜆豬骨煲 店員教我哋先飲湯同食蜆再打邊爐 個湯好香胡椒味好鮮甜 啲蜆都好新鮮而且好多好足料Tops ($18)：我哋嘅醬料選擇非常之多 特別推介自家製蒜油!真係點咩都好食啊!!!仲可以買返樽返去撈麵食🤣頂級安格斯牛頸脊（$308/例牌）：果然係頂級安格斯 真係好好食 識落好軟熟 好濃郁嘅牛味 油脂分布得好均勻 佢又唔會好似和牛咁好Heavy嘅感覺 要再encore啊!!!😝自裝炸魚皮（$68）：好脆好香口

呢間餐廳既設計好有創意同心思，用左老香港做主題，播住香港經典歌曲，濕紙巾、點餐紙都有特別設計，連碗碟餐具都係傳統港式，細個食豆腐花果隻鐵羹都有😆呢到除左設計之外食物一樣有心思，醬汁比起平時既邊爐店更多選擇，特別既係自家製沙嗲醬同埋蔥油，兩樣都係港式既感覺，沙嗲味同蔥味都係好濃，搞到好想攞黎送飯🤣呢個椰子雞湯底不得了，可惜miss左侍應哥哥倒椰子水落去果下冇影到🥲佢會提我地飲左湯先再落雞，我仲諗緊點解唔係熬左啲雞味出黎先飲個湯，但一飲落就發現個湯底本身已經超好味😋之後落雞又可以每次酌量落唔洗驚煮到變老雞，好正👍食材一啲都唔馬虎，頂級安格斯牛頸脊一擺入口好香牛油味，而且有厚度，海鮮類全部都好新鮮，羊肉臊味都幾重中意臊味既可以嗌，牛脷托就煙韌啲。啊仲有前菜個青瓜都好好食，野飲嗌左個銀菊露，唔會好甜好好飲😍呢個食物環境氣氛質素真係對得住價錢，見到有啲客人帶左外國朋友黎食，可以感受舊時既港式情懷又可以食到高質素既野食，有機會我都想帶外國朋友黎呀。

凍凍地最啱打邊爐~ 今日同幾個朋友黎左試呢間，一入到去已經俾佢個裝修吸引，好以前香港，而且所有野都有detail, 最正係連放野食個架係用以前曬野個架黎放, 連啲衫同袋都係用滕籃黎放~我地4個人叫左個咯咯花膠雞湯湯底，一黎到個湯係同啲料分開，姐姐叫我地飲完湯先落料，個湯好好飲，好濃雞味，而且仲好暖胃。而且見到有好多雞同花膠好大條, 呢個湯底真係力推。另外要推介呢間餐廳既肉, 我地叫左黑毛豬、頂級安格斯牛頸脊同滑牛, 佢全部肉都好新鮮, 而且肥瘦均勻。個人最鍾意滑牛，因為真係好滑~另外再推介芝士獅子狗同午餐肉餃。午餐肉餃出面好少食到，佢好大粒而且好飽滿。而個獅子狗，我鍾意佢個芝士係藏喺粒丸入面而唔係就咁塞落個窿，所以啲芝士係完完整整就留番喺粒丸入面。食到最後，原來餐廳送西瓜做甜品，又甜又凍既西瓜為呢餐邊爐畫上完滿既句號~

早排見到體能之巔既秋成勳係旅發局既廣告，佢其中一站去左天后既叁不館。自己都好耐冇食過港式邊爐，所以今日帶埋老豆去叄不館打邊爐！餐廳霓虹燈logo好靚，裝潢充滿講港式情懷，帶領客人穿梭到七八十年代既大排檔，老豆都讚場景非常逼真。餐廳連餐牌都整到好似以前報紙，可謂一絲不苟👍🏻餐廳一共有十款醬油，其中最特別既係蔥頭油，其他都係常見既材料例如麻油、炸蒜等等，- 卜卜蜆豬骨煲相信湯底入面至少有三十隻蜆，越食越有，豬骨湯底都好足料，入面有好大件豬骨，仲有粟米同蘿蔔。職員會定時幫我地加湯，非常貼心🥰- 草蝦（半份）海鮮非常新鮮，蝦肉煮完唔會好痴殼，肉質彈牙鮮甜，- 蘇格蘭蟶子蟶子上枱時候已經離殼同清洗乾淨，蟶子非常新鮮大隻，肉質爽脆。- 頂級安格斯牛頸脊肉味超級濃郁，肉質同脂肪分佈好完美，肉質鮮嫩爽滑，唔會過肥，我地叫左例牌但分量一啲都唔少。- 牛胸尖望落好似一片肥膏，但入口非常爽口，油香亦透過咀嚼慢慢滲透出嚟，不過兩個人一碟牛胸尖有少少hardcore，食到最後好膩🤣- 紫菜炸響鈴紫菜釀入響鈴中間帶來雙重香脆口感，香鹹既紫菜為響鈴加添風味，比起一般響鈴有過之而無不及。- 招牌牛餐肉餃餃子皮好薄，牛

.‼️❤️ 記得CLICK我PROFILE關注我呀 ❤️‼️.🥘 U̾l̾t̾i̾m̾a̾t̾e̾ ̾S̾t̾e̾a̾m̾y̾ ̾H̾o̾t̾p̾o̾t̾ ̾B̾l̾i̾s̾s̾ @ 🌟 叁不館《👽食神大媽打邊爐》.💁‍♀️ 圖片展示美食為：咯咯花膠湯 HKD 298頂級安格斯牛頸脊 HKD 268時令海鲜 HKD 210蒙古羊肉片 HKD 90芝士墨魚丸 拼 芝士蝦丸 HKD 108蝦膠油炸鬼 HKD 78新鮮炸響鈴 HKD 68皇帝菜 HKD 45竹蔗茅根海底椰 HKD 48.👽 每年秋天起，就會發現大媽作為邊爐怪不停瘋狂約朋友打邊爐 😆 今次朋友仔就介紹話不如去呢一間裝修到好似香港七八十年代懷舊排檔FEEL嘅餐廳試下！果然裝修好有特色，超級地道香港懷舊LOOK，連個餐牌都設計得好有心思，啲食物名好搞鬼！.🥘 天氣涼涼哋，大家叫左「咯咯花膠湯」！呢個湯底好足料，好多塊花膠，仲有半隻咯咯雞，令個湯底幾濃郁，養顏又養生！.🐂 本身想嗌拼盤，但係其中一個朋友仔唔食牛，咁就嗌份「頂級安格斯牛頸脊」。厚切、大塊開邊，油花分佈均勻，完全無筋，咬落非常之嫩口！.🥩 另一款肉肉就係「蒙古羊肉片」，性價比超級高，份量同質素都非常唔錯，肉質滑嫩，絕無騷味，唔會一夾就

🍽叁不館📍天后電氣道68號金輪天地7樓✨小編同朋友真係好鍾意打邊爐~今次介紹呢間港式火鍋真係好有特色！最緊要係食物質素好高，超抵讚！👍✨「叁不館」會九龍城寨,餐廳裝潢以古式茶檔、港產戯等的舊時代香港為主題。一打開𨋢就見到，處處都係充滿特色嘅打卡點。例如有麗花皇宮夜總會~九龍皇帝書法餐廳店内有大排檔嘅感覺，沿用圓枱、摺凳、Menu好用心思。✨店員好詳細介紹Menu内容，當日有嘅海鮮會用藍色highlight,證明開店前要為每一份Menu highlight,都幾花時間但係就唔洗當食客落Order先知冇自己想食嘅海鮮，大大的加分位👍👍🍽今晚卜卜蜆鍋 $198😻卜卜蜆吸引呀！同朋友秒速決定要今晚卜卜蜆鍋湯底就係豬骨湯，加左卜卜蜆令湯底更鮮甜蜆肉方面好大大粒又飽滿，最重要係，完全冇沙架✨特別之處在於個湯底加左好多芽菜，索曬湯汁超正，因爲朋友唔好芽菜，所以俾小編食曬~haha🍽(例)頂級安格斯牛頸脊 $268油花分布均勻，肉質鮮嫩，食落非常滑嫩!因為份量好大，所以性價比好高。🍽海鮮：蟶子$210小編對蟶子嘅要求好高，平時打邊爐買嘅都係蟶子皇，而呢到嘅真係100分! 蟶子上枱前已經處理好，清洗得乾

叁不館位於天后電氣道橫街，因為唔係地鋪所以平時留意唔到佢🥹到左7樓一出𨋢，就即刻見到一個好有老香港風味既霓虹燈牌，餐廳背景都播住耳熟能詳既廣東歌🎶好好feel 兩位店員當日好好服務，上到去好快就安排到座位，介紹唔同既湯底同埋食物比我地聽😇落完單就會拎一大碟配料上黎，其中蔥頭油真係一定一定要試，真係可以提升香味同鮮味❤️湯底我地揀左復古味沙嗲湯，唔夠幾分鐘就上枱。當日店員都好體貼，又提醒我哋沙嗲湯底比較容易煲燶，叫我地唔好太大火，十分抵讚👍🏼其他野食唔夠十分鐘都上齊🔥🔥頂級安格斯牛頸脊 $278 原本諗住比多幾十蚊要碟大既，點知例牌份量都咁多😍牛味香濃，而且都有番咁上下厚～日本扇貝 $58/1隻 🇯🇵鮮味十足！而且擺盤都勁靚，打卡一流🥹扇貝入口彈牙，非常新鮮新鮮炸響鈴 $68 響鈴係最後先黎到，廚房收到order先即刻炸，真係新鮮滾熱辣🔥份量好多，同沙嗲湯底非常夾👅另外仲叫左魚皮餃，爽彈牛筋丸，白柏葉，唐生菜❤️真係好滿足呀！打邊爐當然唔少得野飲，呢度選擇都勁多，點都有一款岩你🥳竹蔗茅根海底椰 $48/1榨 到左7點幾，呢到已經座無虛席，大家最好Book左位先黎呀❤️-------------

火鍋店嘅裝修走懷舊路線，一岀𨋢就見到好搶眼嘅霓虹燈招牌，店內除咗大排檔設計嘅木座位，連點餐紙都好似舊報紙咁好有feel😍一邊食仲會一邊聽到8、90年代嘅經典廣東歌曲🎤另外餐廳仲提供竹蘿筐俾客人擺放衣物，細節位都做到足，充滿港式情懷👍🏻🍴醬料 ($18/位)一共有十款，任君選擇，推介試下蔥頭油，加落野食度勁惹味呀～🍴開胃小食 ($20/碟) - 青瓜雲耳及花生🥜🥥莫生氣椰椰雞鍋 ($178)呢到嘅湯底有好多選擇🤩今次揀咗椰子雞湯🐓店員會喺客人面前，倒入原個椰青作湯底，湯料仲有粟米、椰青肉等～店員特別叮囑落雞肉之前可以先試試個湯底，味道好清甜，唔會太咸太油膩，岩晒養生人士🤣雞肉好嫩滑，完全吸收晒椰子湯底嘅精華，濃濃嘅椰子雞香味，仲好鮮甜，正！🐂頂級安格斯牛頸脊 (例) ($268)呢到嘅牛頸脊有兩個size，因為同朋友兩個人食，叫左個例牌，但其實份量已經好足夠，牛肉好大碟😍色澤、肥瘦均勻食落牛味濃郁，椰子湯底仲可以中和返牛肉本身嘅油膩感👍🏻🐖豬頸肉片 ($68)豬頸肉係抵食之選🤩只係$68就有大大碟🤣豬頸肉望落雖然薄薄地，但淥熟咗之後竟然出奇地有咬口，夠晒彈牙！🫔紫菜炸響鈴 ($68)紫菜

睇完戲最啱嚟個early dinner，今次就去左走懷舊風嘅參不館打邊爐。六點準時去到估唔道都有另外一台客同我地一樣係early bird~ 餐廳走懷舊風，播著我地細細個爸爸媽媽會係屋企播嘅歌，都幾過癮！貪心嘅我地湯底揀左復古味沙嗲湯拼媽好辣啊 麻辣湯($128+$20)。連食得辣嘅我都覺得麻辣湯真係幾辣，所以我地一大半時間都食沙嗲湯過邊~ 咁啱啤酒買三送一，啤一啤佢解辣一流！例牌頂級安格斯牛頸脊嘅肉質好嫩，肥美度啱啱好，有牛味，配沙嗲湯真係無得頂~ 我地臨到最後仲特登order左出前一丁$38，整埋個高級版嘅沙嗲牛肉公仔麵，掛曬汁，唸起都回味~珊瑚蚌同手打丸都係當晚嘅出色之作。珊瑚蚌睇落細細碟，但鋪得都幾密，食落超級爽。我地order左雙拼Q彈鮮蝦丸/芝士牛丸，爽口彈牙而且芝士真係一咬就出嚟，邪惡得來但滿足感爆燈。我地仲叫左打邊爐必食嘅炸響鈴，新鮮脆身。蜂巢冰豆腐$42同雜菜拼盤$88 有油麥菜、生菜、粟米、番茄、蓮藕、萵筍，都唔錯。連火鍋醬料、餐前小食埋單$5xx/位，唔算平但食物高質而且坐得舒服可以慢慢食兼食得開心，值得一試！Menu-

🙋🏻‍♂️餓底探員今晚去咗天后調查呢間火鍋店，餐廳嘅裝修擺設以至碗碟器皿都好懷舊，連店內播放嘅音樂都係80至千禧年代廣東經典流行曲，店員服務周到，好細心講解menu同推介食咩，喺度用餐好似穿越咗去舊時咁，好有人情味同賓至如歸嘅感覺🍲今晚卜卜蜆煲 $178📸表示個湯底㨂咗卜卜蜆煲，入面有海量嘅蜆同芽菜，非常足料🙋🏻‍♂️表示個湯底有好多蜆喺底，飲落好鮮甜，而且無落味精🥩頂級安格斯牛頸脊(大) $328📸表示個安格斯牛頸脊好大碟，油花分佈均勻，成碟鮮紅色，好新鮮，睇到都流晒口水🙋🏻‍♂️表示個牛頸脊食落好重牛味，口感鬆軟嫩滑🐖豬頸肉片 $68📸表示個豬頸肉片肥瘦適中，放咗喺塊竹蓆上面，賣相好吸引🙋🏻‍♂️表示個豬頸肉食落好軟腍，好有咬口🍡手打五寶丸 $98📸表示個手打五寶丸分別有牛丸，豬肉丸，鯪魚丸，蝦丸同墨魚丸，每樣兩粒，啲丸搓得算大粒，一次過試到五種味道睇見都興奮🙋🏻‍♂️表示啲丸食落爽口彈牙，最驚喜係個牛丸，食落好juicy，好香牛味，蝦丸同墨魚丸都好鮮甜，鯪魚丸同豬肉丸就正常，整體唔錯嘅🥟雙籽鮮蝦雲吞 $80📸表示個鮮蝦雲吞有6粒，每粒都手工包成，包到好飽滿，漲卜卜咁🙋🏻‍♂️表示個鮮蝦雲吞皮

呢家火鍋店愈黎愈多，今次去咗天后一間樓上火鍋店，環境富有港式風味，連menu設計都系，充滿地道情懷。✿ 莫生氣爺爺雞湯 $178打邊爐首先緊系揀咗湯底先🍲莫生氣爺爺雞湯即系椰子雞湯。員工會問系想自己倒椰子水定佢地幫手倒🥥懶懶嘅我地當然揀後者😛有成個椰子水真系好搶眼😆系真·椰子雞湯。啲雞肉都幾新鮮嫩滑🐔✿ 炸響鈴 $68同平時食一樣，擺咗落湯幾秒，再拎上黎食都仲爽脆👍🏼吾擺落湯就咁食仲脆。✿ 黃金鮮魷 $98估吾到打邊爐都食到黃金鮮魷🦑鹹蛋黃味好重💛鮮魷有嚼勁，有啲鹹，呢樣可以控制番個份量。✿ 手打五寶丸 $98五寶丸有豬肉、鯪魚、牛、墨魚、蝦，鯪魚丸真的不錯，食到有陳皮味🤣其餘幾種都好味😋牛丸味道好香濃。✿ 頂級安格斯牛頸脊 $268例牌都夠多，吾洗叫大份。牛頸脊向來系我好中意食嘅牛肉部分，脂肪分佈均勻，熟咗之後有清晰紋理，有入口即溶感覺😋

裝修係懷舊風嘅火鍋店，一入去已充滿七、八十年代氛圍。有復古嘅牆身、餐牌、扭蛋機，仲要播住懷舊金曲🎶🎤完全充滿香港情。我都一路食一路唱🎤相信同朋友一齊嚟，氣氛一樣不得了！★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*🌽椒鹽粟米 $68係去到咩地方我都要嗌嘅椒鹽粟米(*☻-☻*)香口嘅辣椒加埋椒鹽配上甜甜地嘅粟米🌽味道實在非常開胃！🍲今晚卜卜蜆鍋 $198跟返店員指示，湯底滾後先飲2啖湯(◐‿◑)真係冇講錯，非常鮮甜(⁎⁍̴̛ᴗ⁍̴̛⁎)然後再建議食晒啲蜆先再打邊爐🍲蜆肉非常肥美鮮甜，份量好多，絕對足夠！🐮頂級安格斯牛頸脊 (例牌) $268牛頸脊嘅色澤鮮艷、脂肪平均分佈。放落湯底燙大約7秒就足夠，會立即食出最完美煙韌口感，牛味非常濃郁，滿足😜🐮牛脷托 $72薄切加上彈牙爽爽地嘅口感，肉嘅鮮味亦非常突出，每次打邊爐或燒肉都抵擋唔到牛舌嘅誘惑。🤍蟶子 $78/隻$78 2啖冇左，絕對唔係一個抵嘅價錢！但係蟶子真係幾時都係海鮮價，都冇計。雖然貴，但真係極鮮甜🥹🥹返工咁辛苦，就豪一豪吧!!!？(●°u°●)​ 」

天氣開始變涼，又嚟到打邊爐嘅季節。之前網上見到位於天后嘅「叁不館」好似唔錯，呢晚我哋專登訂定枱到訪。雖然係平日晚上，不過餐廳人氣好高，全場滿座👏🎬。店家花咗好多心機去裝修，令到每一個角落都成為打卡點，門口擺放咗閃亮燈箱、牆身油咗壁畫🎨、貼上海報以及寫滿大字等，盡顯懷舊復古風格。餐牌設計同樣精美，成份馬經咁📰，另外又有廣東話揭後語玩。呢度所提供嘅食材款式多完化，價錢就屬中上水平啦，不過啲料係靚嘅。即使全場都滾啊滾啊、烚啊烚啊🔥，但食完離開個身竟然冇一大浸味，證明餐廳抽風掂。莫生氣椰椰雞湯($178)，喺冇睇過餐牌嘅情況下，我哋已經決定揀呢款湯底😎，主因係餐廳充斥住好香嘅椰味。椰子雞湯真材實料，店員喺客人面前將新鮮椰水倒入湯底🥥，然後等佢滾多陣，再放雞肉🐔，啲雞淥完都仲好嫩滑。店員溫馨提示我哋先品嚐一碗原汁原味嘅雞湯，再打邊爐。佢果然無介紹錯，🍲湯底好好飲，唔會過鹹、亦唔肥膩，最終忍唔住飲咗半鍋。頂級安格斯牛頸脊($268/例牌)，🥩就咁睇價錢會覺得牛肉定價唔平，但考慮到質素同份量，尚算物有所值。估唔到例牌都咁大碟，我諗有超過廿幾塊😳，唔使慳住食。每塊牛頸脊大小厚薄適中，紋理平均，食落肉味