金鳳大餐廳 (金鳳樓)

營業中

休息中

今日中午嚟到呢度食飯，四個人去到大概12:30左右。今日唔算多人，等一張枱就到我哋，大概等咗10分鐘左右。今日嘅午餐得三個，有蒜蓉豬扒，咖喱雞球，同埋香煎牛脷。既然冇牛扒就叫咗個牛脷配薯菜黎試吓。午餐有包一個餐包、一碗餐湯（可以揀紅湯，或者白湯）仲有嘢飲（凍飲係唔使加錢），連埋個牛脷配薯菜，總共$62，都幾抵食。忌廉湯唔錯，入面都足料，有唔少肉同埋蘑菇，幾好飲。餐飽有附牛油，搽咗牛油之後好好食。個牛脷都唔錯，鹹鹹地，配埋啲蒜蓉汁，係啲薯菜略嫌少咗啲。凍檸茶正正常常，唔算大杯。總括嚟講，呢度價錢合理，食物質素OK，係坐得迫啲。

講起鋸扒點會唔會少得港式扒房「金鳳」呢間餐廳都幾10年歷史之前搭車經過成日見到排滿隊今日就去試吓佢餐廳入邊水bar部都有聖誕裝飾❄️配埋佢嘅紅磚背景真係好外國下個餐牌封面寫住「阿叔」唔係「金鳳」🤔一打開第一頁，原來創辦人叫做阿叔所以餐牌嘅cover都係寫住阿叔今日我就揀咗蘇格蘭牛扒首先就上咗個白湯先白湯即係忌廉湯一般港式扒房都會有紅白湯可以揀跟住緊隨，其後就係餐包加牛油🧈呢個橙色嘅膠碟，真係好有港式餐廳嘅風味當然唔少得凍檸茶🥤牛扒上菜嘅時候可以揀黑椒汁同蒜蓉汁今次我係揀咗蒜蓉汁向右手邊嘅位置，都見到啲蒜蓉汁喺度滾緊牛扒就叫咗五成熟，切落去都好林識落都幾易咬而牛扒下邊就有啲薯條🍟、粟米同埋瓜配菜一間充滿港式風味嘅扒房喜歡懷舊感覺嘅朋友，值得嚟呢間老字號食㗎

今日同好朋友黎這間懷舊扒房，環境唔大、簡潔，好多有經驗又有禮貌的侍應叔叔姐姐。餐牌包好多選擇，有意粉、飯、咖哩等，當然唔得必食的扒餐。牛扒更是必試部分，我哋點了2個牛扒（侍應姐姐推介的）：美國極級牛小排同美國德州西冷扒每個都有加蒜茸有熱熱又軟熟的餐包、餐湯扒餐上枱，熱熱的好香；落了醬汁（黑椒或燒汁）立即香氣更濃烈牛小排：口感軟熟好諗，牛味都香，份量唔少，我哋這個點了7成，好味😋牛西冷：這個比較多肥膏，但牛味更重更好，口感都諗，但比較牛小排，有咬口一點，我哋點了5成好滿足的感覺及肚子❤️❤️❤️

大大塊牛扒之金鳳懷舊扒房傻婆們都係叫左3成熟同蒜茸汁，仲加左2蚊要蒜茸，鐵板一上熱騰騰，再由店員問你要淋咩汁，淋上蒜茸汁時出晒煙同汁，一定要用餐紙擋住哦！🌸美國安格斯肉眼牛扒$188+$2蒜茸⭐️⭐️⭐️⭐️⭐️安格斯肉眼牛扒大大塊，連夾入口即溶的肥膏食，簡直滿足呀！好有牛味，牛扒沒有醃制過，只在煎煮時才灑少許鹽，所以配上生蒜蓉及蒜蓉汁，也不覺得太鹹，味道剛剛好。🌸蘇格蘭牛扒$123+$2蒜茸⭐️⭐️⭐️⭐️⭐️牛扒十分厚切嫩滑，每一塊配搭蒜茸食真係一流好正👍3成熟加上鐵板真係剛剛好，唔會出血水，內裡顯得微紅，牛扒食晒一塊已經好飽🌸羅宋湯⭐️⭐️⭐️⭐️⭐️湯入面既菜十分入味十分淋，非常容易食呢～🌸牛油餐包⭐️⭐️⭐️⭐️⭐️餐包上枱微熱，完美融化牛油，牛油香配上鬆軟餐包，好正！🌸檸檬茶⭐️⭐️⭐️⭐️⭐️茶味夠濃郁，配搭新鮮檸檬。🌸朱古力⭐️⭐️⭐️⭐️⭐️加左好多花奶，成件事十分香滑濃郁，好耐都冇飲過甘懷舊既朱古力======詳情======金鳳大餐廳 (金鳳樓)太子荔枝角道102號金鳳樓地下================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #

一講到港式扒房我諗十個有九個都會諗起金鳳實惠既價錢配上不錯既味道係唔少香港人既共同回憶話說局長收工咁啱行過金鳳突然食肉大發 決定入金鳳食返夠！原來而家金鳳唔止做以前果啲餐仲有啲高級少少既美國扒餐價錢都幾相宜 決定叫貴族牛扒一試首先上左餐包 好熱得 烘到脆脆地仲辣手 幾好白湯都係跟餐 有啲料架 都唔錯忌廉味都有既 飲得過啦兩杯野飲 一杯奶茶 茶同奶味都唔錯仲有杯凍朱 都算濃 幾好嘩 賣相好吸引 揀左黑辣汁 5成熟大過我塊面呀裡面仲要係粉紅色 生熟程度都岩岩好仲係好嫩 仲要無咩筋 有肉味百零蚊 有肉味wo 仲要加埋啲黑辣汁好惹味 食到停唔到友人叫左個焗豬 只可以講完勝市面上快餐店茶餐廳果啲焗豬豬扒好入味 又煮到好腍個炒底又非常之乾身 炒得好出色聽講lunch跟餐外賣都係5x蚊如果屋企附近有我應該會日日食

這是我第二次光顧這家店，這家是首店，人流超高，座位擺放也特別擠迫，但顧客還是對它寵愛有加，心甘情願排隊等候。之前光顧過一次尖沙咀分店，座位明明更寬敞，可是連一半滿座也達不到，別說要排隊了。由於我吃不出來兩家店的高低之分，所以偏向選擇環境舒適的尖沙咀分店，但若要感受懷舊氛圍或鐵板燒的煙霧瀰漫，必然是到首店朝聖了。金鳳的羅宋湯向來質素一般，之前喝到的都是甜重酸輕不辣，但這次喝到的是近乎純甜，甜得都不太像湯了，我沒有把它喝完。餐包狀態依舊，經過加熱帶微暖，質感非常鬆軟，吃掉一整個也不會太撐。雖然一試便知龍與鳳，掩飾不了是便宜貨，但塗上牛油還是一個好包，而且這裡收費親民，絕對對得起它的價錢。我點的是馳名蘇格蘭牛扒餐，蘇格蘭牛扒即肉眼扒，我不吃這裡的牛柳，嫌它軟腍得沒有"鋸扒"風味，我也不敢點T骨牛扒，上一次來吃過是怕了。當時貪圖T骨牛扒可以同時嚐到西冷與牛柳，結果西冷那邊近乎吃不動，牛扒入口是軟的，可是咬幾口渣子就出來了，完全咬不開，吃的過程非常狼狽，吃一口，咀嚼幾下，吐出來，吃一口，咀嚼幾下，吐出來……我愛吃生蒜，每次必多花兩元加蒜，滿足感up! 醬汁選了黑椒汁，我重看上一篇的食評才想起來說

充滿懷舊氣息的扒房，昏暗的燈光，舊式裝潢，它的歷史感，並不是裝出來的。。。不知從前也是如此擠迫嗎？店面面積不大，一眼見晒，兩旁卡位與中間餐枱很貼近，某些位直程封住隔離位，食食下要起身行開讓路⋯⋯除了迫，還有通風問題，每當醬汁淋上燒熱鐵板，加上生蒜蓉所產生的濃煙，嗆喉！流眼水！刺激到咳⋯⋯慢慢飲水舒緩下。羅宋湯不錯～有椰菜紅蘿蔔，但無肉～餐包其貌不揚，但配上牛油，軟熟好味～牛油已半溶狀態，小心會從刀上滑走～檸檬茶size左至右：加大、免費送、熱加$3加大，就會係出面嘅正常size。送嗰杯嘅size係以前茶記熱飲size。終於到我地嘞！如果唔築起城牆真係會被油彈到成身油，彈落皮膚會痛！小朋友見到覺得好刺激好驚～牛柳餐加蒜蓉在場好多人加蒜蓉，另加$2。兩大塊，可以同小朋友share食，八成熟，切開肉呈粉紅色無血水，剛好！牛柳本身較稔，所以無問題，牛味加蒜蓉味，好味配菜就小啲，薯條得碎濕濕幾段仔，不過牛下面既全部都超油！襯返懷舊氣氛，數白欖～餐廳感覺很懷舊蒜蓉牛柳係一流嗆口濃煙好難受紙巾冰水來打救食完餐飯成面油縱使有個好理由濃煙令我不回頭轉去荔枝角舖頭可能會有新感受完～

星期六晚上，真的好想食一次咁岀名既金鳳餐廳，据下扒，試下到底點解咁多年來都會一直有人排隊食佢！終於，比我有咁機會食到！.六點幾去到，等了一個鐘左右，佢其實係一輪輪咁入，所以都算快.門口的餐牌.跟餐有餐包同餐湯，都是一般的味道，正常鋸平扒會附送既質素.西冷鐵板餐加蒜 $82+2熱辣辣上碟，一大塊扒，下面墊着薯菜，西冷有小小筋，口感比較實，牛味重，好味，一個女仔食會好飽，重點係加蒜！食完雖然會好大陣蒜味，但係依個真係畫龍點睛，會令到成個扒味道更豐富.蘇格蘭牛扒鐵板餐加蒜 $82+2依個配料同上，只是塊扒有點不同，依塊口感比較林身，肉味冇咁濃，但個人比較鐘意依個！.餐飲檸茶，加大加$3正常味道，茶底ok.食完都還好，唔係好大陣味，環境就係迫左d，但服務唔會好差，有些少人情味添！下次都係平日黎食會好d haha

叫左:西冷牛扒,牛柳,羅宋湯,餐包餐包:冇咩特別.羅宋湯:多菜味濃,酸辣度適中好正好開胃.西冷牛扒:爛肉一件,淋得太過份,完全冇肉味,叫左5成,出來時重要勁燶.牛柳:要6成,又爛又嚡,都係燶到睇得到.轉左用低價貨,食午餐就可以,晚餐不去也吧!

蘿宋湯:新鮮足料,酸味足,令人開胃.餐包:雖然好普通,都好軟熟.牛排意粉:牛排好淋,但今次梳打粉過重,味道一般,茄汁意粉太甜,可食但欠水準.白汁雞皇飯:個汁同雞肉都幾香滑,好大碟,但雞肉冇咩味,比較淡.奶茶:一般,唔太滑,欠左小小茶味.午餐都係收$30,可以一試,不過不失喇!

金鳳午餐真是十年如一日,香港人嘅福氣.午餐有:餐湯,餐包,主菜連飲品,連加一都係$30,重想點呀,唔使食大集團單一午餐啦!蘿宋湯:新鮮足料,酸味足,令到個胃好舒服.餐包:雖然好普通,都好軟熟.瑞士雞排飯:雞排大大件,好滑好入味,汁係蒜茸汁,好重蒜味好香濃.洋蔥豬排意粉:不過不失,豬排都腍,但唔夠入味,汁ok,意粉淡左小小.奶茶:一般,唔太滑,欠左小小茶味.整體:今時今日,多年午餐都係收$30,重要食得飽飽真係難得.

尋日(23-2-2011 Wed)爸爸有事上大陸,夜晚就我同男友自己攪掂.男友晏晝o係太子,我就問同事太子,旺角區有咩o野好介紹,同事就介紹呢間.好,就呢間.男友好早到o黎等,但亞叔話要人齊至畀位,冇問題.我到o黎都好早,於是同亞叔’報到’,佢就即刻畀個位我o勒.坐低睇完menu,我o地揀o左$93.00o既鮑魚西冷(八成熟)鐵板餐同$66.00o既牛柳(七成熟)鐵板餐,亞叔主動問加唔加蒜蓉,我o地都加.而湯就要一紅一白.好快,湯同餐包到o黎,我o既忌廉湯,一睇就知好稀,佢內裡有雞絲,火腿粒.飲落,味道係淡淡o既,唔係咁好.而男友o既羅宋湯呢,佢話一般濃味,但唔係最好.至於餐包,呢個熱辣辣又軟熟,反而唔錯.之後兩個主菜到o黎,男友o既七成熟牛柳,肉質嫩滑,鬆軟,黑椒汁唔太辣,可以o既.我o既鮑魚八成熟西冷,,西冷外層變得脆脆地,原本燒汁應該幾好味,但可能加o既蒜蓉太多,味道被蓋過晒,應該唔加會好啲.而薯菜唔多.最後係餐茶,我o地要o左凍檸茶同凍檸水,呢o度o既唔係大大杯,畀人o既感覺小家o左環境:好迫夾,通道都只夠一個人過.服務:我就戰戰兢兢,不過又唔太差,只係一食完o野就即收啫.價錢

平安夜，同事請假的請假，剩下我和幾位同事繼續留守，中午時份，大家興致勃勃想走遠一點吃飯，增添些新意，結果有同事提議「金鳳」，難道想「据扒」不成？說到「金鳳」，我即時想起不久前光顧的「飛鷹」（詳情請參閱食評-《飛鷹懷古》）正好可以借此機會比較一下。我們行了約十五分鐘才到達「金鳳」，幸好人客不多，我們也不用等位。侍應安排我們坐在入口處的圓枱。我以為同事會「据扒」，而我自己對此不太感冒，準備叫個午餐算了，結果大家經過一輪研究，還是決定叫午餐。無巧不成話，我們五人都叫了薯仔雞扒配意粉，我要了紅湯及熱奶茶多奶。紅湯紅湯蠻大碗，賣相也是一般貨色，看起來不算濃郁，不過雜菜也有一定份量。喝了一口，質感淡而稀薄，似是沒放很多茄膏，但味道很辣。相較「飛鷹」的紅湯，「金鳳」的食味道就沒那麼吸引了。餐包餐包賣相與「飛鷹」的類似，但Size較小。雖然亦有烘過才送上來，吃起來還算輕軟，但食味較「飛鷹」的淡，沒什麼麵包的香味。薯仔雞扒配意粉沒多久，五碟薯仔雞扒配意粉一同送來了，好不壯觀。賣相也跟一般快餐沒什麼兩樣，但份量看來較「飛鷹」的多出一些。先吃雞扒，雞扒吃起來頗粗，沒什麼肉味，薯仔汁只是有幾粒薯仔加些普通的醬