馬德里餐廳

營業中

休息中

今日跟爸爸去了深水埗黃金電腦廣場購物，點知一行出黃金廣場，就突然落起超級大雨，所以快快脆脆搵間餐廳坐低食埋晚餐才回家。看到這間港式餐廳價錢相宜，而且座位多，所以便進入了吃晚餐。座位數目很多，而且客人也很多，大家也在吃喳喳聲鐵板，相當吸引，又夠惹味。我們看了餐牌後也決定食鐵板餐，餐廳除了鐵板餐外，還有焗飯粉麵等等。鐵板餐也相當抵食，包含了沙律、餐湯、飲品，還有主食鐵板一份。首先介紹一下餐湯，餐湯都有可以選擇紅湯或白湯，都會配上了牛油跟餐包。紅湯的羅宋湯相當足料，入面有很多蔬菜，酸酸甜甜好開胃。白湯忌廉湯相當Creamy。飲品方便我們點了一杯熱奶茶和一杯熱檸水。跟餐已包了日式芝麻醬田園沙律，沙律都相當之大份，而且沙律菜超新鮮及爽脆。另外一份加配$8升級為法式蒜香田螺焗薯蓉。田螺相當惹味，配上了細滑薯蓉好好味。這道前菜相當之吸引而且價格也相當之抵。懷舊鐵板肉眼牛扒配薯菜，當店員奉上鐵板餐後，店員會拿着兩款醬汁為你加到鐵板上，分別有黑椒汁和燒汁，熱辣辣的鐵板遇上了醬汁後，便會發出咋喳聲，而且冒出大量香噴噴的煙，視覺效果和味道都相當之震撼。爸爸所點的肉眼扒相當大份，啖啖肉牛肉味香濃，而且熟到也恰

去深水埗黃金買野前覓食先喺對面有間港式据扒餐廳，就入去試下我哋係lunch時段去，每日有唔同既lunch menu，價位大概係$6x左右，有据扒有焗飯揀，包左餐湯同餐飲(不過冇餐包)我哋2個人嗌左2個 肉眼牛扒拼炸蝦 一個配薯菜，一個配意粉 $69@一開始就嚟左2個餐湯先(冇得揀，得紅湯)好快主菜就嚟喇雖然唔係鐵板上，不過呢個價錢有呢個份量好驚喜！大過埋面既肉眼，質素唔可能有太大期望都好可以接受！黑椒汁分量都好足仲加左個薯蓉焗田螺+$18有4粒無殼田螺仔，重點當然係薯蓉，正呀，加$18好抵玩飲品就不過不失啦推介俾對港式据扒有興趣既你哋

深水埗一直都係搵平食嘅地方，收工就實行過去搵食!見到餐廳做緊promotion, 揀main course 就可以配上自助沙律吧及任食雪糕，岩哂女仔食 可以食沙律減減肥 又可以食雪糕增加脂肪Set dinner揀左焗澳洲羊架配意粉同埋忌廉汁煙三文魚意大利飯澳洲羊架配意粉羊架一D都吾覺得有羶味 味道好鮮 吾似雪藏肉，肉質煮得吾會老 吾韌 好容易咬開 所以女仔係男朋友面前食都無有怕忌廉汁煙三文魚意大利飯本人去親西餐廳都會叫一直意大利飯，今次亦不例外!!!!意大利飯煮得好綿 好creamy，吾會硬 食落係滑身嘅 好入味 平時吾食意大利飯又鍾意食好creamy忌廉汁嘅朋友可以試下煙三文魚吾需要多講 都係一樣味道 無特別餐湯可以自助refill，另外有栗米湯供應而餐湯一D都吾馬虎，足料 味道吾會咸 餐前飲 酸酸地好開胃沙律吧種類亦都好多 車厘茄絕對係我favourite，好甜好新鮮

已經轉左做半自助晚餐，決定一試。先附上餐牌自助沙律吧、雪糕及餐湯區域真係眼闊肚窄，原以為可以食多碟菜，但因為豆類太多，都好飽肚。沙律菜雖然只有3款，但勝在呢3款都多人食，加上配菜同醬汁都唔少，眼見都算受歡迎。味道方面唔錯，菜都爽口，粟米唔甜，值得一讚。但豆類較甜。餐包方面，內裡好鬆軟，如果有得烘熱，相信會更好食。主菜來了---------水牛城芝士和牛漢堡包配薯角 108蚊個包皮脆，個汁同蕃茄帶出酸味，味道中規中舉。以價錢而言都唔會覺得唔抵食。但食落會覺得個漢堡味道唔夠多汁，仔細一睇發現中間真係有少少紅色，所以食落唔會覺得乾。薯角方面，真係無特別。（如果再熱d上枱更好）焗鮮茄芝士豬扒飯 98蚊茄汁夠酸，芝士略嫌唔夠多，豬扒入口都算軟身。以呢個價錢，會覺得唔抵食。食後感轉左做半自助晚餐的確吸引到人黎幫趁，但真係會覺得借呢個轉變黎加價。食物款式比以前係少左，雖然味道還可以但選擇少左，真係食前要停一停（睇餐牌）諗一諗（作選擇）。