漁獲浜燒

營業中

休息中

星期二晚同老公去食餐好既，我地各方面都好滿意。特製黑松露炙燒平目魚邊沙律首先食個沙律開胃，沙律菜爽脆，一片片牛油果好新鮮，平目魚燒過後非常肥美，加上黑松露醬，無得輸。金目鯛活貝浜燒盛合有金目鯛、活帆立貝、活文蛤、活北寄貝。金目鯛係今日係日本新鮮運到架，輕輕燒過，食得出佢既鮮味，好滿足。剩低既魚骨會拎去炸變成下酒菜，脆卜卜，好香口，處理得好好，唔駛驚會被魚骨刺到。活北寄貝非常鮮甜，唔蘸醬食都得。活文蛤以清酒烹調，好大隻而且酒味好出。活帆立貝啖啖肉，兩種唔同既烹調方法都好好食。香煎蒜片厚切牛舌口感爽脆得黎內裡好軟腍，油脂感十足，非常出色。鈴鹿川純米大吟釀食日本菜梗係唔少得飲sake啦，一入口酒味濃烈，但好快變得好易入口，正。你仲可以自己揀酒杯添。

特製黑松露炙燒平目魚邊沙律 ($138)顏色鮮艷，滑溜嘅牛油果配合油份爆燈嘅平目魚邊、仲有香濃嘅黑松露醬，味道非常夾，超級好味！金目鯛刺身 ($580)原條起肉做刺身，夠晒霸氣！油脂適中，肉質細膩，食完之後，店員將成條魚骨攞去炸，有啲鹹香又脆卜卜，送酒啱晒味噌蟹甲羅燒 ($78)店員將鵪鶉蛋、蟹膏及脆脆撈勻後就開始燒，瞬間已經燒好，食落唔係好膩，搽麵包食好襯活日本北寄貝 ($198)口感軟綿又鮮甜，一啲渣都冇活龍蝦浜燒 ($598)第二次食原隻龍蝦，燒之前仲拎咗埋嚟俾我哋影相。一路燒一路加上龍蝦膏及蝦肉味噌，肉質彈牙有嚼勁，味道濃郁香煎蒜片厚切牛舌 ($98)係我最愛嘅牛舌！每一塊都好厚身，外層煎得香脆，內層好爽口，食出啖啖都係肉汁，最重要係蒜片夠晒嘅香又多，一齊食真係絕配再食埋桃味雪葩及番薯雪糕，完美的一餐~

特製黑松露炙燒平目魚邊沙律 ($138)平目魚、牛油果、番茄、沙律菜，配上香濃嘅黑松露醬，好野味，平目魚輕輕燒過，有少少炭燒味，仲好肥美、油份高金目鯛刺身 ($580)原條做刺身，厚切，肉質細膩，油脂適中，魚骨都無浪費，拎去炸，鹹香又脆卜卜，送酒一流味噌蟹甲羅燒 ($78)蟹膏加鵪鶉蛋放响蟹甲上燒，燒到咁上下，再加麵包糠，蟹膏味出晒，乾乾哋，放在麵包上，好香口，比多幾片包我都仲得活日本北寄貝 ($198)北寄貝加上了清酒同昆布燒，比平刺身更鮮甜，食完仲可以飲湯活龍蝦浜燒 ($598)原隻龍蝦開邊燒，一邊燒一邊加龍蝦膏及蝦肉味噌响上面，肉質爽口彈牙、味道清甜香煎蒜片厚切牛舌 ($98)配上勁多嘅蒜片嘅厚切牛舌煎至外層香脆，又爽口，又juicy最後食埋個時令桃味雪葩及番薯雪糕，完美

不得了！這間餐廳性價比超高食物新鮮，海鮮鮮甜！雖然價錢略貴，但沙律、刺身、海鮮浜燒、牛舌小食到甜品都絕對的頂瓜瓜，值回票價！ 這裏除了皇牌的海鮮浜燒，更有熟食和生食的丼飯、炸物、前菜小食、煮物燒物、刺身等...款式很多！店內座位不是很多，另一邊有高枱，我們自成一角慢慢享受美食月の玉響200ml $298清酒有陣陣的水果味，易入口，女生必選，濃度有17度，容量有分大小。特製黑松露炙燒平目魚邊沙律$138第一次食平目魚，肉質軟，不錯有牛油果、番茄仔、蔬菜，記得黑松露醬自行攪勻食。刺身盛合五款$428有牡丹蝦、生吞拿魚、油甘魚、三文魚和馬糞海膽先吃上吞拿魚，冇乜根〜新鮮！然後急不及待食馬糞海膽，味道完全不苦澀，鮮甜味有少許的！中途才發現原來有配上紫菜牡丹蝦很巨大肉質都很爽口，不“梅'，新鮮平時很少在香港吃魚類的刺身，但這個油甘魚實在冇得頂，意外的好味三文魚平時吃得多，沒有太大分別！浜燒是order後店員燒的，不用怕燒過頭影響質素味噌蟹甲羅燒(配多士) $78/隻平時出面一般沒有配上多士， 這裡貼心的配搭不錯，多士可以有多點會比較好，因為多士食完過後餘下還有很多，單食比較咸！(浜燒貝殼類) 活

去過東京新宿的著名水產店，念念不忘新鮮漁獲 。用最簡單直接的燒烤方法，已夠滋味！這店海鮮每日新鮮運到，決定和朋友一起品嚐。點了支天祿光臨大吟釀，酒質清甜韻味長，帶微微李子果香。開胃菜有沖繩風沙律，拖羅肥美！在等食燒烤之際，又點了份牛舌、厚燒吃起來嚼勁十足！當然要試浜燒套餐。店員說今晚有剛送到的龍蝦，可以一味兩食，即刻決定UPGRADE套餐。店員為我們遞上活生生的海鮮，全程跟貼我們進食的速度準備食物，服務大加分！帶子可清酒或牛油調味，厚肉彈牙。鮑魚鮮嫩，蟹預先剪好，啖啖肉！生蠔輕烤，原汁原味。第一次試龍蝦刺身，肉質彈牙味道濃郁，而蝦身再撈入滿滿的膏做甲羅燒，入口軟滑有層次！未夠飽又見這間店的刺身有質素就追加海膽丼，北海道馬糞海膽味道甘甜，質地比較Creamy。雖然好貴但食物質素一流今餐好滿意！

最近身邊都不斷有人到日本旅行，北海道，九州，東京等等地方的相片每天也在Facebook看到。但唯獨是可憐的我沒有假期，要留在香港拼搏上班。特別趁著上星期五工作沒有那麼忙，來一個Happy Friday，和好朋友吃一頓日本晚餐，望梅止渴，一解我旅行的渴望。漁獲浜燒位於銅鑼灣澳門逸園中心。從地鐵站Sogo出口一出來便看到，地點十分方便就腳。下雨也不用擔遮。由於我們沒有預約，於是安排到坐吧檯那一邊。但這樣更好，能夠欣賞到廚師炮製食物的表演。我們一行二人點了幾樣日式料理，一起互相分享。特製黑松露炙燒平目魚沙律 (⭐⭐⭐⭐⭐) 一上枱便聞到松露的香味。沙律菜配上味道濃的的松露醬和橄欖油，吃起來十分可口開胃。另外，比目魚輕輕地火槍燒過，吃起來十分鮮嫩，油脂感十足，令人停不了口。刺身盛合五款 (⭐⭐⭐⭐💢) 然後的是刺身盛合，一共五款，包括了三文魚，吞拿魚，油甘魚，馬糞海膽和牡丹蝦。刺身一款三片，是厚切的。吞拿魚和三文魚脂肪分佈平均，吃起來有油脂感，入口即溶。另外，馬糞海膽吃起來十分鮮甜，配合爽口的紫菜，吃起來沒有那麼單調。漁獲浜燒盛合 (⭐⭐⭐⭐⭐) 然後便是萬眾期待的漁獲浜燒盛合。我們叫的是二人

今日黎到呢間漁獲浜燒！食食日本野！我都係隨便search 附近嘅餐廳就碌到呢間好似唔錯就去食了！gogogo!去到餐廳樓下，已經聽到d人話上呢間食，我諗跟大隊應該冇錯！入到去都幾full 我地就坐bar 枱，睇住師父幫我地整野食😋先黎一個細芝麻鹽醬椰菜，開開胃先！好味啊！上面好似有d粟米脆脆！咸咸地 又有d口感！之後叫咗個刺身，店員話今日最新鮮係金目鯛而且肉質比較爽！排到好靚呀！賣相100分！一條魚有3種食法，去品嚐佢嘅鮮味！首先就係左圖，就係點一個類似柚子味嘅醬汁，酸酸地！呢個食法好似比較日式，如果食唔慣就可以好似右圖咁就係點豉油加wasabi 就係我地平時最正路嘅食法！個人覺得呢2種味道都各有各有千秋而第三種就係未出現嘅！就係下圖啦😆😆就係食哂d肉再用佢個頭黎整魚湯！呢個湯就不得了，好鮮甜，而且放咗d味噌覺得好夾！之後再食一個沙律先！呢個好似係幾熱門嘅沙律🥗特製黑松露炙燒平目魚邊沙律，睇睇d 黑松露多到好似唔洗錢咁😋😋😋超正，仲有牛油果，個人覺得如果每日都係得食呢個沙律我可以食超多超多菜！平目魚邊口感都幾得意入口即溶又有果種燒過嘅味！之後黎個燒白鱔！我本身都驚驚地，因為好怕有骨，但

終於有糧出當然要去食餐好嘅慶祝下，選擇困難症諗完又諗，最後朋友定左係澳門逸園中心搵一間食，咁決定食邊間就由我話事俾浜燒海鮮吸引左黎呢間，一入門口就見到大大個魚缸同游緊水嘅海產，裝修令人諗起日本家庭式小店，感覺溫馨。被安排坐係吧位，可以望到師傅處理海鮮，旁邊又有店員幫手燒，呢個位我鐘意！沙律有牛油果好驚喜，平目魚邊嘅油脂好香，拌住清新嘅沙津菜好夾。店員極力推薦龍蝦刺身，可以試到龍蝦活刺身同蝦頭甲羅燒兩食。睇到師傅處理龍蝦手法極純熟，而且擺盤非常靚。刺身咬落爽口清甜，個人覺得唔加醬油已經非常鮮味。牛舌同樣係店員推薦，表層好有彈性，中心保持到濕潤柔軟，醬汁味道岩岩好，應該係香港食過最好味嘅牛舌！黎呢度當然要試浜燒，加錢可以食活帆立貝，講明慶祝梗係食豪D。鮑魚放上爐個陣仲識郁，夠新鮮所以肉質好彈牙；蟹腳同期待一樣非常鮮甜。蠔放入清酒一齊燒，鮮味濃郁，我地要求唔好燒的太熟，所以口感好creamy。帆立貝可以揀清酒煮或加香草牛油，牛油同香草將帆立貝嘅鮮味帶哂出黎，好惹味，同埋加錢轉活帆立貝好值，無論肉質同甜味都冇得頂。比較濃味嘅蝦頭甲羅燒做壓軸，將龍蝦尾上淨餘嘅肉燒熟，剪碎再放入預先炒過嘅味噌蝦膏

小妹生日在即，有好友請食飯，當然出席啦！今次朋友帶我食日本野，餐廳位於銅鑼灣，都幾方便下！門口貼咗好多不同報章雜誌的介紹，令人十分期待接下來的晚餐質素有多高。餐廳私穩度很高，除了中心的大格，另還有幾間不同大小的房間，專門用來放置二人枱，令情侶可以有二人世界。呢個牛舌做得十分好！去食的朋友一定要試！牛舌雖然細細粒但都幾厚！一厚大家就會問會唔會韌，我想同大家講呢粒牛舌好軟稔，師傅煎到外脆內軟！令人十分回味！因為朋友喜歡食刺身及海膽，所以點左呢個5品刺身！海膽質素好，好creamy，隻蝦好大隻，肉爽無雪味！最好食Toro，油脂足夠又不膩，咬落去既彈又軟，好幸福。呢個燒白鱔都係必試！啖啖肉，燒得外脆內軟！非常好味！黎呢度無理由唔食濱燒！ 呢個套餐好豐富，有生蠔、活鮑魚、蟹腳、活扇貝！未燒已經好期待，而且呢度食係唔洗自己燒，有靚蠢姐姐燒俾你！火候控制同服務態度都非常之好，令人好滿意！先來燒蟹腳！蟹腳開好哂，你只係需要用筷子撩啲蟹肉出黎！姐姐同我地處理好哂，坐定定食就可以！呢隻蠔⋯啖啖肉！非常鮮嫰多汁！ 燒好熱辣辣又唔會燒得太老！呢2隻鮑魚非常新鮮，我地好殘忍地望住佢地由生勾勾咁燒到變桌上美食！鮑

刻之宵 ($68) 究竟我飲嘅係清酒定whisky？之所以咁特別，原來响釀酒時用咗釀過Whiskey嘅桶釀製，喜歡Whiskey嘅朋友一定要試芝麻鹽醬沙律 ($20)用咗椰菜做嘅沙律，好特別，而且仲好鮮甜爽脆，呢個沙律仲加咗七味粉，所以有小小辣特製黑松露炙燒平目魚邊沙律 ($138)除咗平目魚，仲有牛油果、番茄、沙律菜，配上黑松露醬，好野味，平目魚輕輕燒過，有少少炭燒味，仲好肥美、油份高香煎蒜片厚切牛舌 ($98)厚切嘅牛舌，配上勁多嘅蒜片，牛舌煎至外層香脆，又爽口，又juicy，仲配上酸汁，口感大增刺身盛合 ($408) 分別有牡丹蝦、三文魚、吞拿魚、油甘魚同海膽。全部都好新鮮，又鮮甜，隻牡丹蝦仲好大隻，值得介紹吓嘅係吞拿魚，呢到嘅吞拿魚係由日本空運到港，期間完全冇冰鮮，所以唔需溶雪，因此，保留咗吞拿魚嘅鮮味池魚刺身 ($328)另外點了碟池魚刺身，呢條池魚係手釣嘅，比平時吃的更鮮，廚師仲將部分厚切，部分薄切，可以感受到唔同嘅口感，厚切嘅咬多幾口，鮮味更出，配上酸汁，陪覺鮮味、食完，仲將條魚骨拎去炸，炸出來咸咸哋，好脆，全部嘢可以食落口，送酒一流味噌蟹甲羅燒 (配多士) （$156

2018年第一次嚟食，一樣咁好味特製黑松露炙燒平目魚邊沙律 ($138)係我最愛嘅沙律呀！賣相超靚，顏色鮮艷，滑溜嘅牛油果配合油份爆燈嘅平目魚邊、仲有香濃嘅黑松露醬，味道非常夾，超級好味！香煎蒜片厚切牛舌 ($98)上次食過之後，真係念念不忘。每一塊都好厚身，外層煎得香脆，內層好爽口，食出啖啖都係肉汁，最重要係蒜片夠晒嘅香又多，一齊食真係絕配刺身盛合 ($408)有牡丹蝦、三文魚、吞拿魚、油甘魚及海膽，食落好新鮮，連伴碟嘅青瓜都係超級鮮甜㗎！池魚刺身 ($328)係日本用手釣，比養嗰啲當然更新鮮。大廚預備咗兩種食法，分別係厚切及薄切，兩種都好好味，當然我鍾意厚切啦，貪心啲吖嘛！食完之後，店員將成條魚骨攞去炸，估唔到原來炸咗出嚟係成條都食得㗎，有啲鹹香又脆卜卜，完全係驚喜！特上漁獲浜燒盛合 ($768)越南虎蝦：真係好大隻，肉質彈牙，蝦味甚濃南非鮑魚：肉質超煙韌帆立貝：清酒煮法始終係我嘅最愛，食落啲肉一絲絲咁，好新鮮，淡淡嘅清酒味不過唔搶喉松葉蟹腳：感覺上今次啲肉比上次更厚身，海水味好勁，啲肉都係一絲絲咁㗎！蠔：非常肥美，由於係燒得半熟，所以質感好creamy，加咗高湯及清酒一齊煮，鮮味