鋿晶館

營業中

休息中

鋿晶館出左名係自家製品牌,點心都係即叫即做嘅手作點心🩷早排食完佢嘅點心已經決定要食埋dinner!上網睇資料先知原來師傅經驗超豐富超有料!之前喺日本東京富麗華做過廚,專為啲高官同明星服務,返左香港之後仲做過多間米芝蓮酒店同大型連鎖酒樓集團主管😳唔支持都唔得啦!呢度食物款式好多!有小菜、原盅養生燉湯、蒸飯等,亦有價錢實惠嘅全日套餐👍🏻蝦球好大粒,咬落爽口彈牙,蝦肉鮮甜👍🏻醬汁甜甜地好開胃👍🏻啫啫雞煲食得多,今次係啫啫通菜煲🤭除咗通菜,配料仲有好多蝦米、洋蔥、肉末等🤤食落充滿鹹香同埋鮮味👍🏻咖喱顏色好鮮艷,上枱已經聞到好香!牛腩炆到好腍,而且好入味👍🏻配料方面有大量青紅椒同洋蔥等~咖喱汁嘅份量非常多,充滿椰香味,少少辣好惹味!餸飯之選👍🏻荷葉飯超特別,賣相好吸引而且份量都幾大~班頭腩好多肉,而且質地好滑,肥瘦適中😻飯比較乾身,食落有淡淡嘅荷葉香味👍🏻不錯~超級震撼嘅菠蘿包😂價錢實惠但係好大份!吉列豬扒外皮好脆,夠入味,食落亦唔會油淋淋,火候啱啱好~菠蘿包甜甜地加埋豬扒嘅鹹味又幾夾👍🏻抵食!青梨烏龍茶好有驚喜!好大隻好得意嘅熊仔冰😍飲落好香梨味,打卡亦一流!.冇黎錯啊!😻

上水比較少去，但都有不少美食，今次嚟到上水匯一間中式茶記，名字感受到高尚之餘，原來餐廳師傅來頭不少，他喺日本東京富麗華工作多年，專為高管達人和明星服務，之後回港喺多間米芝蓮酒店同大型連鎖酒樓集團做主管，經驗非常豐富，餐廳是他自家品牌，對食物質素有高要求，所有點心都係手作並且現場即點即做。◇ 香芒大蝦球炸皮夠薄又唔油膩，香芒汁清甜香口，陣陣芒果味好開胃，蝦肉爽甜啖啖肉，少量新鮮生菜沾上香芒汁一齊食◇ 椒鹽豬扒配炒飯豬扒椒香美味，三塊份量剛好，炒飯香口粒粒分明◇ 豉汁欖角蟮片飯豉汁加蟮片係絕配，蟮片肉質爽口，飯底放在荷葉上夠熱，加上蒽花更香口◇ 脆皮魚柳菠蘿包菠蘿包包底香脆，包面亦脆卜卜，塊炸魚柳皮薄肉厚，加上蕃茄片同少量生菜，經典茶餐廳美食◇ 淮杞圓肉響螺燉赤肉湯◇ 川芎白芷天麻燉斑骨湯餐廳提供多款燉湯，全部都好吸引，今次叫咗兩款，都係真實用料冇欺場，小編就好想逐款試哂去

想食惹味中菜唔一定要出九龍嘅！係上水一樣有好味中菜食🤩地點係上水匯商場 ， 好近上水火車站，地方又乾淨，坐得舒服😌叫左一個中式炒飯+椰汁紅豆冰，輕食類就有芝士火腿牛角包+凍朱古力🤤椰汁紅豆冰：😍靚到「嘩」左一聲，有玫瑰花形嘅紅豆味冰塊❤️打卡一流 。而且又大杯，天氣熱黎飲真係好爽👍🏻椒鹽厚切黑毛豬扒 炒飯 ：椒鹽豬扒，又香又惹味。豬扒肉好多汁👍🏻夠嫩夠Juicy。炒飯唔好以為係普通嘢，呢間就炒得好好，蛋炒飯，飯粒做到粒粒分明，炒得夠乾身👍🏻100分。除咗中菜之外，仲有好多輕食，沙律三文治都有。我朋友叫咗份芝士火腿牛角包，餡料都幾多👍🏻食完都好滿足😊仲有個小食，香芒大蝦球，🍤蝦球新鮮爽滑，十分彈牙，配搭香甜芒汁，好開胃。整體價錢都唔算貴，食飽飽再坐過關返大陸玩就岩曬✌🏻