泰基隆

營業中

休息中

深水埗嘅泰菜 🇹🇭 丫！佢同番茄師兄&蘇媽•蘇媽喺同一條街，經常見前兩間有長龍，就比較少留意哩間！但原來佢已經喺同一條街⋯⋯對面開咗間食泰麵嘅分店（分店逢星期三休息）。🦑『泰式冬陰公湯(S)』$68可以揀蝦或者海鮮，我哋揀咗海鮮；入面有魷魚圈、鮮蝦、青口兩大隻、仲有好多菇同蕃茄仔；上枱熱辣辣，每人有兩大碗；味道方面，可以辣多少少⋯⋯🦐『泰式生蝦』$88⋯蝦有8大粒，爽口新鮮，配埋新鮮青瓜，👍🏽；用保鮮紙分開冰同蝦，保到温，仲衛生啲特別鍾意個汁，又酸又辣，我哋仲留咗嚟點炒金炒粉⋯⋯🥬『馬拉盞炒通菜』$58比想像中大碟，通菜炒得爽口，熱辣辣上枱，但哩個馬拉盞味比較淡無特別⋯⋯🥘『泰式炒金邊粉』$6819:04叫，19:43先上到，真係熱辣辣炒起，但要等好耐💬 個粉軟硬適中，帶少少甜；我哋留起咗啲辣汁，加入去，都幾夾⋯⋯🥭『芒果糯米飯』$48糯米飯係熱上，個飯因為暖笠笠，食得好舒服；其實份量唔細，但食下食下，好快就無😭；芒果算清甜，但欠果香。📍 泰基隆 (深水埗)深水埗基隆街241號地舖。回味指數：🟡🟡🟡🟡⚫️（其實下星期已經想再食對面嘅麵店，但就因為星期三，無得食😭）。【後記】➡️岀菜有少少慢

深水埗咁多好西，今日就食泰國嘢。呢間餐廳係A出口行幾條街就到，一d都唔難搵。泰式酸辣鳳爪：鳳爪數量唔算好多，不過個汁好開胃，亦都好辣，鍾意食辣既一定覺得好正泰式炒金邊粉：炒得好好食，唔乾唔濕岩岩好。味道都超正，酸酸甜甜好惹味。生菜包：D肉係有陣醋定唔知青檸既酸味，唔係得個鹹字，好開胃！d生菜都好新鮮馬拉盞炒通菜：佢落既辣椒都幾多，唔食得辣既應該會覺得好辣。炒得好香，不過就唔係她矮到有馬拉盞既味道。

一路都幾欣賞泰國菜香辣的味道，今日去開深水埗買電腦野，就見到附近有間泰國餐館，行到累累的我，就忍唔住行入去飲返杯凍飲，順便解決肚仔的呼叫。左邊呢杯係龍眼冰，又甜又凍正係我所需。另外，男朋友都叫左個凍冰冰的椰青。先叫左份泰式肉丸波波，一份有四粒。每粒肉丸波波都釀左泰式香料及肉碎係入面，之後炸到外皮金黃色，鍾意食熱氣野的你就一定不能錯過。另外我們仲叫左一份青芒鰂魚沙律，一上菜時，見到份量非常之大~~ 係鰂魚上放上滿滿的青芒泰式沙律！鰂魚先炸香再切件，上面再加上青芒果、果仁，並淋上泰式酸辣汁。魚皮脆脆，但魚肉唔乾，加上酸辣的汁及配料，非常開胃，難怪咁多枱的食客都被我枱上的鰂魚沙律吸引住。此外我們都叫左一份泰式青咖哩雞，好欣賞餐廳會用火Heat住咖哩，火喉剛好，就算食到尾都唔會凍左。雞肉無骨之餘，肉質都幾嫩滑tim！餐廳唯一不足係無薄餅，不過就有芝士糙米法包。為左唔想浪費咖哩的精華，所以都叫左一件。用糙米包一點，超好掛汁，加上法包上的芝士，味道變得更Rich更Creamy！係意料之外的好食！食得咁多濃味野，叫左碟菜去Balance下。呢碟馬拉盞炒通菜。菜炒完唔會太老，味道還可。食到尾，就叫左

今日去完高登同鴨記買野，就同女友喺附近搵野食。最後揀左食泰國菜，鋪頭唔大，見啲客都坐左大半間鋪，應該唔會難食得去邊。龍眼冰，好清甜，龍眼味都好夠。始終唔少鋪頭搞到杯野好甜，搞到飲糖水咁。青咖哩雞，有火喺下面keep住煲野熱，唔算好辣，雞肉係用雞脾肉，所以無骨。本人鐘意青咖哩係因為有椰香味，呢到當然都做到啦！馬拉盞炒通菜，炒到好有"獲"氣，熱辣辣出黎好惹味!芝士糙米法包，初頭以為係硬硬地嗰啲法包上面有芝士，黎到原來係軟熟既面包入面有芝士粒。再點咖哩汁黎食，味道幾特別，未食過芝士加咖哩呢個配搭(焗飯除外)。青芒鰂魚沙律，第一次食咁樣既炸魚，起哂一舊舊肉去炸，酸辣再加上青芒既清新，食落好好味！而且魚肉無骨，可以大大啖食落去。剩低既骨都有炸到，飲啤酒既人可以要黎送酒。

如果唔想去到九龍城咁遠，又想品嘗到高質泰國菜，可以考慮嚟呢間位於深水埗基隆街嘅餐廳。餐廳唔算太大，裝潢簡單，但係俾人一種置身於泰國小店嘅感覺。我同朋友叫以咗鹽燒鰂魚、豬頸肉生菜包、馬拉盞炒通菜同埋青檸水。鹽燒鰂魚外皮燒得好香脆，味道唔會太鹹，食到魚肉本身嘅鮮甜，而且肉質嫩滑。豬頸肉生菜包嘅豬頸肉炒得好香，食落都幾辣，略帶微酸，相當惹味，生菜亦非常新鮮爽脆。馬拉盞炒通菜夠曬鑊氣，味道唔太辣，通菜新鮮唔會太老，非常好味！最後飲返杯酸酸甜甜嘅青檸水，簡直係完美嘅一餐~聞到其他食客order嘅明爐烤烏頭魚同串燒都好香，賣相亦相當唔錯。睇黎要去多幾次，試埋其他菜式喇！