人和荳品廠 (已結業)

平日有時間去tea, 想食啲嘢但又唔想太飽嘅行行吓禮頓道/堅拿道, 見到呢間好似好老字號而且食物又唔怕食飽肚於是入去坐坐餐牌食物都係豆製品為主由於唔想食太飽, 都係簡單叫咗魚肉煎豆腐($18)+無糖(淡)豆漿($8)點餐後好快有得食魚肉煎豆腐有4大件2面都煎得好金黃，甚至有層薄薄嘅脆皮豆腐入面好嫩, 會動L係真正內脆內嫩煎完又冇爛, 大大件好滿足不過油咗少少魚肉雖然薄薄一片, 但好彈牙食得出係冇咩點溝粉嘅無糖(淡)豆漿($8)好大杯不過唔算香豆味

💛人和荳品廠·呢間我中學既時候已經開始食架啦 佢好似咁多年都仲係咁平 而且佢既煎豆腐真係好好味🤤·魚肉煎豆腐$16呢個超級熱辣辣 而且佢啲豆腐好滑 而且豆味都好濃🤤我自己鍾意鵝頸橋嗰間分店多啲 我覺得佢無咁油 渣甸街嗰間就香口啲 不過佢係香口到似炸豆腐咁 睇下大家鍾意邊款啦😌·豉油皇炒麵$16佢呢個都好味 好大碟 而且入面好多芽菜 撈甜醬好正 不過如果唔好彩去流慢既時候佢會擺到凍左少少 咁就無咁好食🤭🤭·杏仁豆腐花$16呢個個杏仁味都真係幾出 但係我自己覺得原味好味啲 因為呢個唔知係咪要加杏仁露/霜個啲 佢會比較多水 食到底會好散🤣·#rbyeat#rby日本菜#rby💛#rby銅鑼灣 #rby旺角·📍銅鑼灣渣甸街55號📍灣仔堅拿道西15號📍旺角奶路臣街3號E📍旺角旺角道28號地下

細細個成日嚟食依間店，主打豆腐食品。難得今日係銅鑼灣行完街有啲攰，就喺度食個小食歇歇腳。舖頭細細，但算多位。座位好狹窄，好彩我隻腳生得短，如果對腳長啲，其實都坐得幾辛苦。我叫咗份魚肉煎豆腐同埋一杯熱豆漿 。由於人流多、回轉多，所以廚房嘅叔叔不停係度煎豆腐。一碟四件，碟野上枱時係熱騰騰。雖然味道不及當年，而魚肉亦相對少咗，但加埋佢特定嘅李x記蒸魚豉油，成份魚肉釀煎豆腐嘅鮮味又出咗黎啊 。杯熱豆漿唔算太甜，幾好飲。