讚好台灣

營業中

休息中

到讚好台灣晚餐，位於紅磡湖光街1-7號聯成大廈鴻運閣地下13及14號舖，一聽個名就知道係台灣菜啦😁！ 店內環境比較迫夾，枱與枱之間太近距離，快食快走😆。晚餐🥢 ～ 夜市小香腸滷肉飯$52、 肉燥綜合湯麵$66、 魚酥皮蛋豆腐$32、 冰胚芽奶茶(跟餐價) $10。 ▫️夜市小香腸滷肉飯🍛 ～ 滷肉偏少，香腸有點乾， 整體味道普通。  ▫️肉燥綜合湯麵🍜 ～ 湯底夠濃，配菜小，麵質煙韌。 ▫️魚酥皮蛋豆腐🧈 ～ 豆腐口感滑溜，面層有皮蛋和肉鬆，味道幾好。 ▫️冰胚芽奶茶🥤 ～ 味道正常。 整體食物質素普通， 經過可以一試。🏷️溫馨提示～ 整個用餐體驗均屬個人分享意見， 只作參考😊。

不能去旅行，只好在港食台灣菜止止癮。讚好一向受歡迎，平時必定要排隊，但這個星期六晚竟然人不算多，晚飯的黃金時間餐廳也坐不滿。滷肉鹽酥雞飯($49)，鹽酥雞質地較乾也不滑，沒有甚麼雞味，整碟表現一般。牛肉乾拌麵($64)豐盛牛乾拌麵($74)，跟前者的分別是少了一點牛肉，多了兩件蘿蔔和兩粒丸。拌麵配有大量青瓜絲，拌均整個麵綽綽有餘。牛肉程長條型，帶有些筋膜，大概是用牛肋條附近的位置。牛肉質地驚訝地做得很軟淋，不黏牙，也滷得入味。蘿蔔不甜，白蘿蔔更是苦澀有渣兩粒丸屬一般貨色，味道普通。除了牛肉的質素不錯，乾拌麵的表現也令人滿意。麵煮得保留一定口感，很有咬口，配上醬汁和清爽的青瓜絲讓人不自覺一口一口的吃。見很多檯都有點魚酥皮蛋豆腐($30)，我們也點一客試試。豆腐是偏硬型，皮蛋份量都足夠，醬汁惹味，只是表面的木魚絲太大塊，令質感較韌難咬開。以晚餐的價錢來說，讚好都算經濟，特別是拌麵的份量都幾大，飲品也可以優惠價加配，難怪經常都有人在排隊。這裡的環境和服務也不預計讓客人久坐的，若想找個地方快快食個晚飯，或者之後有下場，讚好也是一個選擇。寫著寫著，又想念台灣菜了

每次經過湖光街都見到店員喺門口招徠，充分表現出台灣人熱情好客嘅文化，今日終於有機會一試。下午茶餐性價比高，一小碗主食配三款小食，包普通飲料。主食份量拿捏得宜，充饑而不飽滯；鹽酥雞屬瘦肉部位，口感結實，又唔會太乾，反而係隻蛋老咗啲。因為未食晏嘅關係，點咗碗正價乾拌麵。拌麵已預先拌好，味道鹹中帶微甜，蔥花、青瓜絲擺放一邊自由加添，但青瓜偏老、唔夠爽脆；配料份量正如其名，牛筋牛腩丸類蔬菜樣樣有啲，筋腩炆得夠稔軟，蘿蔔好入味，一咬爆滷水汁夏天食豆腐冷盤夠哂消暑，木魚削成大片有口感，與旗魚鬆同樣起到提鮮作用，令原味清淡嘅豆腐生色不少；醬汁略鹹，幸而豆腐份量夠多中和返。充滿台灣特色嘅大杯飲料，永遠都飲唔見底

行行吓街搵嘢食，看到呢間吃台灣菜的小館，即管入去試食。口水豐盛牛乾伴麵，牛肉好淋，還有兩粒丸，加入了胡麻醬和辣醬，味道唔錯。魚酥皮蛋豆腐，皮蛋很好味，但係用了百福豆腐，口感一般。路邊攤拼盤，鹽酥雞香脆，都算唔錯。正宗滷肉飯，滷肉太少，如果加多一點配菜會較好。冰百香果綠茶，百香果果味唔夠，整體還算可以。古草味冬瓜茶，茶有冬瓜味，不過略為甜一點。