一起食堂 (域多利皇后街)

營業中

休息中

係中環做完野，有兩間想食既都冇開🥹就隨便入左呢間叫一起食堂既台灣野～一黎係見到下午茶menu好抵食，仲要係中環，我地連查都冇查過網上食評就入左去🤣我地order左兩份下午茶，下午茶一份主食配一份小食，跟餐仲可以半價叫台式飲品。魯肉飯($38)飯既份量好多，下午茶食都好飽，魯肉既調味剛剛好 。但因為飯太多，顯得魯肉既份量好少，個人鐘意魯肉撈哂成碗飯後，每一啖飯都食到魯肉😂當然下午茶呢個價錢唔可以要求太高，如果飯既份量少1/3咁就應該剛剛好。跟飯會配半隻滷蛋，蛋正常但滷水味唔夠濃，可能浸得唔夠耐🤔另外小食我揀左雞翼，竟然有兩大隻滷水雞翼！反而雞翼整得好入味，而且肉質夠嫩😋豆乳素菜烏龍麵($38)配鹽酥雞烏龍麵麵質幼滑好好食👍🏻豆乳湯都飲到豆乳味，不過唔算濃，相對清淡。配料有蘿蔔、粟米粒、小棠菜、香菇、腐皮，一睇就知好健康，岩哂要減肥既女小編食🤣鹽酥雞炸得啱啱好，個人覺得比台灣烤既更好食！之前係台灣食都覺得佢地果邊偏重口味，鹽酥粉會落太多，呢間落粉既份量剛剛好👍🏻小食份量都好多，下午茶跟餐小食都有6、7塊鹽酥雞塊～.另外我地半價order埋兩杯飲品：仙草奶茶同埋仙草冬瓜茶兩杯都幾好飲😆仙草奶

星期六工作繁忙，延至2點半先可食Lunch,一行 3人到一起食堂，雖已過了2點時段，但小店亦滿坐，但亦慶幸有一張吉枱，不用等位已入坐。小食吉列炸生蠔美味非常，炸粉薄身香脆，蠔外脆內軟，蠔鮮有肉汁唔腥好食～good 飲品正常唔太甜～解渴清甜紅燒三寶牛肉湯麵～有牛腱、牛丸、牛肋條用料十足，牛腱牛肋條炆得淋滑，入口唔痴牙有肉味，麵質比較林少少，湯鮮甜的牛骨味，配上小食海澡、迷理小地瓜及一口小甜品蔥油雞肉伴麵～蔥油香口唔油膩，伴上嫩滑雞肉滷蛋，豐富香口美味魯肉飯～飯選用珍珠米，飯質軟綿配上魯肉的香口，美味非常鹽酥雞～雞肉唔會炸得太乾，但略厭比較淡味，帶不出鹽酥的味道，如喜歡清淡味的朋友會比較喜歡，但個人覺得唔夠味道突出，普普通通。總括小店食物高質，店員有禮，中環區收費唔算貴，下次可再惠顧

👭🏻 一起食堂 🇹🇼好耐無食台灣菜啦陪兩老重遊活化既中環街市之後就去左旁邊既一起食堂地方都幾大 唔駛等位直入口水雞冷烏冬麵 $79口水雞食落啖啖肉烏冬好彈牙相信係有過冷河而個口水汁配烏冬食都好惹味去到最尾越食越辣好彩叫咗杯冬瓜茶止一止辣魯肉飯 $$69食台灣野一定要叫一碗魯肉飯魯肉肥瘦既比例岩岩好份量好多而且夠多汁果粒滷水蛋好正加埋酸菜粒好開胃滷牛腱 ($48)見到隔離桌個牛肉麵啲牛肉好正忍唔住隔離飯香叫咗個滷牛腱好入味 仲好腍添兩老無牙都食得好開心烤台灣香腸 ($32)台灣腸不嬲都好食佢地仲要切左一片片咁食得好方便如果啲蒜片係烤過既會仲正⭐️⭐️⭐️⭐️⭐️⭐️⭐️味道：👍🏻👍🏻👍🏻👍🏻👍🏻打卡：🦚🦚🦚🦚🦚推薦：🐽🐽🐽🐽🐽⭐️⭐️⭐️⭐️⭐️⭐️⭐️

呢一間台灣菜真係又平又好食😋之前都去過佢地觀塘嘅分店 今次就試下中環呢間😆.📌花雕麻油雞湯麵 $89花雕酒用左一個盒仔分開裝 因應自己想要嘅份量再加落去 今次我地就加哂落去 個酒味都幾濃烈 平時唔太飲酒嘅可能會覺得有少少苦🥃入面有四舊雞 質地偏實 但都嫩滑嘅🐔冬菇索左湯好入味 軟腍腍好食😋仲有紅棗、杞子、小棠菜 感覺都幾養生😌.📌蔥油雞肉乾拌麵 $79上次食過好好食 所以要encore 但今次有啲失望🙍🏻肉燥醬嘅份量唔夠多 撈左啲麵之後每條麵都得好少肉燥 食落唔係好夠味🙈好彩雞肉嘅份量都夠多 相對就冇咁dry 加埋面頭嘅蔥同埋炸蒜 成個感覺就豐富左啲😎.📌魯肉飯 $69魯肉半肥瘦 加埋個肉汁撈飯 簡直一流 有想一啖接一啖食嘅感覺🤩佢仲有啲酸菜係側邊 食到有啲膩嘅時候 就可以食少少酸菜 即刻醒哂胃🤤旁邊有三舊細細嘅紫薯入面 唔會話太甜 都幾好食 仲有枝豆同泡芙 正常發揮🍠.📌黑糖豬軟骨飯 $79呢個真係好好食 係MVP✨豬軟骨炆得好腍 好入味 仲要好juicy 軟骨位仲有入口即溶嘅感覺🐷食落好幸福😚不過黑糖味唔係好重～旁邊啲酸薑好醒胃😆仲配埋三款配菜：紫薯、泡芙同枝豆 好豐富🍱.📌鹽酥雞

有日lunch time路過見到好多人在店外等待，相信必定係好嘢。就拎咗張菜單看看。第二日打電話外賣自取，每個餐減$10，魯肉飯都唔洗$60，好抵食。包裝好靚簡約，用紙盒，盡量少膠，好環保喔。飯盒分幾間，有飯，有沙律菜，木耳，小紫薯，仲有個湯，好豐富。味道唔錯，魯肉放飯面，有魯肉汁，令飯有味道，口感好好。配有酸菜同埋魯水蛋，感覺好均衡健康。而且分量剛好，連男同事都講飽飽，好滿足 地點方便，正正中環街市旁邊，係中環區外賣既其中一個好選擇喔。

在中環的日子久了, 午飯的選擇發覺實在不多, 今天剛好想吃頓稍為好一點的午飯, 選了這家台式料理. 始終是中環區, 價格的起跳點是$69, 不少的部份是租金. 點了最便宜的魯肉飯, 配上蘆薈桂花雪梨茶. 跟餐由沙律到甜品都有, 配上湯, 沙律菜, 木耳, 泡芺.魯肉的肉味香濃, 配上的榨菜亦脆身好吃, 滷水蛋味道不錯. 加上飲品的價格是$81, 味道不錯, 以午餐而言價格有少許略貴, 只能偶然過來. 

中環區一陣都覺得就係高級同貴，今日黎開食lunch，唔小心搵到呢間台式小店，試吓先❗️❗️❗️先黎一個魯肉飯 $69魯肉偏瘦，又有蛋同菜，不錯呢間最特別係隔離個兜前菜，分別係麻醬沙律，雲耳同埋忌廉泡芙，整體質素幾好，又多菜，可能係因為中環OL對健康要求比較高😂😂食得咁健康有少少唔慣，就梗係叫啲熱氣野食啦，鹽酥雞（$38），份量多，雞肉汁多，好香好脆，值得留意係都係有菜食😂😂整體質素不錯，黎開中環係你既選擇❗️❗️

今晚和朋友到了中環吃晚餐，晚上7點多人客好多啊，我被安排坐到面牆的位置，雖然店細細，但都幾舒服，我和朋友差不多吃到打烊。一路播著台灣歌手的歌曲，加了幾分台灣的風味。便當魯肉飯 $68，本想吃魯雞腿飯但太夜已售罄，所以吃了魯肉飯，有一隻魯蛋，飯好大碗，好飽飽，味道都幾好，好有台灣感覺，不過隻魯蛋就咸左少少。擴肉乾拌麵 $78，朋友食拌麵，佢話個麵質地幾好，我都食左少少，好煙韌，個擴肉好大件，好多肥肉令味道更香，但唔敢食太多。升級組合+$12 加配自選飲品一杯，我地叫左蘆薈桂花雪梨茶，好清甜；熱茉莉毛尖茶，熱茶可以解一解油膩。另外還叫了三個小食，烤台灣香腸 $28、燙青菜 $22、炸花枝丸$32。以甜品芋圓仙草凍$35作結，好飽好滿足，本想吃熱的仙草，幸好有店員溫馨提示熱的質感不是結實的，我們吃了凍，不太甜有淡淡仙草香，不錯。

早段時間已經bookmark左呢間新開既餐廳，今日星期六放假下午經過中環唔知食咩，就一於去試一試。可能今日系星期六，少左一班中環上班客，人流唔算好多。餐廳裏面既裝潢屬於簡單平實，充滿台灣既風格，因為牆身掛左好多幅台灣電影既海報，「那些年，我們一起追的女孩」、「海角七號」、「第36個故事」等，勾起一段段電影情節，而且仲播住台灣既流行曲。餐廳地方唔算好大，有幾張四人枱同單人高枱，一個人來食都非常適合，感覺比較舒適。點菜紙上既選擇一目了然，而我地最後因為有點肚餓，都食左不少，哈哈！鰻魚係我其中一樣最愛，當然要食啦。就咁睇相，相信大家都感受到佢有幾大條。條鰻魚好巨型，長到出晒界，仲長過個碗。鰻魚沾滿鰻魚汁，非常惹味。鰻魚比較腍身，肉質肥美，無咩骨，加上流心蛋，蛋黃伴鰻魚肉，不能不試！而且仲配埋小食，涼拌雲耳、紫薯仔和沙律菜。台灣麵食當然唔少得紅燒牛肉麵啦！湯底濃而不膩，仲有入晒味既白紅蘿蔔同清甜既蔬菜。紅燒牛肉厚身大大件，炆得好腍好入味，而且牛肉帶有筋，容易入口。而麵亦都好有口感，亦都食晒牛肉湯味。可惜白紅蘿蔔只得一件，如果多件就更好。同樣地，牛肉麵都配埋小食。每次食台灣野都想試魯肉飯，想比較