一起食堂 (威利廣場)

營業中

休息中

比較近海旁的一個地下店入到有頗舒服的感覺，可能因為都是新裝潢，而且坐位都幾舒服雖然此是台灣菜，但個人感覺有點日系風因為枱椅都係啡系為主，而且天花掛了些燈籠日是假期，人流不算多我地一行2人可坐一個4人卡位，很闊落枱上放了一張黑白點菜紙，可以用鉛筆圈出喜歡的主要食品類有面﹑飯﹑小吃飲品同甜品如果午市(11:30-15:00)幫襯，可用$12自選$12以下既飲品﹑+$2有迷你芋圓仙草凍﹑+$6飲品可以加珍珠/仙草/紅豆食物方面，份量比想像中多好多好似我叫左一個魯肉飯，原來都會跟前菜同湯~呢樣佢個點菜紙冇寫到~所以大家要小心唔好眼闊肚窄味道方面，我和朋友都覺得整體是幾有水準而且價錢仲要幾抵食，性價比高呀!而且也不用加一服務費呢服務方面都算幾好有一個加分位係，我和朋友只點了一杯飲品，但侍應上飲品時，會再用紙杯上一杯暖水這個位真係好貼心，滿意➽魯肉飯 $58黎到有驚喜，因為我本身見價錢係$58，以為淨係一個碗仔size 就算，因為平時出面呢個價係差不多咁所以我叫左個滷水拼盤送魯肉飯，點知叫多左 …魯肉飯黎到個碗真係好鬼大，魯肉既量都好多佢仲跟埋前菜同一碗湯，原來係一個set 的安排前菜有迷你甜蕃薯

台灣店滿載而歸，好豐富每次食台灣店都好開心好滿足，今日去左觀塘既一起食堂，設計充滿台灣風，有集體回憶既電影貼係牆上面，真係好治癒❤️🤩因為好肚餓，叫左定食之外仲叫左小食，超開心1.肉燥花枝丸湯米粉加鹽酥雞鹽酥雞炸得好出色，外脆內多汁，米粉就好有台灣風味,真係好掛住台灣呀。2.魯肉飯好足料嘅滷肉飯，必食！或者可以叫四寶飯，可以試多啲唔同嘅食材小食:~府城蝦卷，烤台灣香腸~小食類嘅至愛！~炸花枝丸，每次去台灣店都是必叫的。當然唔少得台式飲品~仙草奶茶，我自己係好鍾意食仙草既~大愛~~白桃烏龍茶:好香既桃味~好FRESH~地點係近海旁個邊,KT MTR 直出去,都好易搵~

🍱台日式食堂🍱推介指數 ❤️❤️❤️❤️🤍繼續 #支持小店系列 位於開源道向觀塘碼頭方向近迴旋處，主打台日菜式的地舖食肆。除了飯、麵、小食、甜品、飲品全日更買3送1🍚魯肉飯 HKD58✨包裝盒懷舊風，令人懷念在台灣食便當的時光。便當十分豐富，肥瘦剛好帶甜的魯肉配白飯、入味滷水蛋1隻、一口番薯3件、爽脆酸菜、中華沙律及抹茶甜點、仲有是日例湯🐥麻辣雞肉乾拌麵 HKD58✨雞絲份量不少又唔鞋、1隻滷水蛋、爽脆醃蘿蔔、魯肉醬等，最難忘係麻辣醬惹味且漸進辣，正🥢古早滷水拼盆 HKD68✨足料抵食拼盤，牛腱、雞翼、鴨腎、滷蛋，款款份味且熟成剛好，一啲都啱會過腍或韌呀🍢綜合關東煮 HKD58✨9款食材包括花枝丸、芋頭丸、牛丸、魚片、粟米、冬菇、豆腐、蘿蔔、菜！啱晒為食多心人士，全部都要🐥鹽酥雞 HKD38✨外層酥脆唔會太厚粉，雞肉唔會過熟🐽烤台灣香腸 HKD28✨想念台灣，特別懷念帶甜的烤香腸，仲有新鮮沙律菜，有誠意💫 整體價錢親民，而且份量男士都足夠。外賣都可以好豐富～.··🚪 一起食堂 🪑觀塘開源道48號威利廣場地下G5號舖

去開觀塘買嘢，臨近晚市無堂食時間，不如買外賣返屋企慢慢食。上網搵到好多人推介的一起食堂，一於試試佢！餐廳牆上掛了不同台灣電影海報，增添台式風格。餐牌亦有多款美食，包括：魯肉飯、台式小食及湯麵等等，選擇甚多。◽ 麻辣雞肉乾拌麵 $58麻辣醬夠香辣，拌勻後香噴噴，乾拌麵麵條彈牙，麻辣醬增添惹味，雞肉都唔會太乾身，加埋隻雞蛋夠哂豐富。◽ 魯肉飯 $58原來係一個便當，除了魯肉飯，仲有中華沙律、蕃薯仔、雞蛋及甜點，食完真係大滿足。◽ 古早滷水拼盆 $68有牛腱、雞翼、鴨腎及滷蛋，份量以這個價錢來說算多，而且夠哂份味，牛腱好腍；鴨腎夠爽；雞翼肉滑又入味。◽ 鹽酥雞 $38翻熱後再食，香脆惹味，是台式的地道口味。◽ 一口炸芝士 $48有流心的效果，半溶芝士「芝」味十足！◽ 府城蝦卷 $28蝦卷好有蝦味又有咬口，有機會要堂食試下。🔸 芋圓燒仙草 $28吃到最後又怎少得甜品？燒仙草不會太甜，配搭煙韌芋圓，完美！雖然話屋企自「煮」好方便，但有機會的話希望大家幫襯小店共度難關！

有野做所以又去觀塘，同第二個朋友提起佢想試所以就同佢再食過呢間小店😝。🔅蔥油雞肉乾拌麵 ($58)雞肉同麵既份量都超多，仲有埋蛋同菜，好豐富。開頭見到個麵冇咩汁白雪雪以為會無咩味同好乾🤣，點知唔洗加湯個面本身都濕濕地🖖🏻。🔅魯肉飯 ($58)飯都好豐富，汁既份量撈完個飯岩岩好，加上啲肉唔算好肥，食落去唔會太肥膩👍🏻。🔅炸花枝丸 ($28)唔會炸到太油，夠大粒又夠彈牙，仲咬到真花枝！食完一粒就會想食第二粒🤤。🔅烤台灣香腸 ($28)上次食過好食所以又叫🤣，好鐘意食台灣腸🤤。🔅芋圓燒仙草 ($28)上次食左凍今次試個熱既😎！第一次食熱既仙草，一上見到成碗仙草汁咁好新奇🤣，攤凍少少就變左仙草狀。芋圓既數量仲比想像中多，同朋友一齊食都好飽👍🏻。🔅焦糖牛奶布丁 ($12)呢個朋友叫我就無試😂，佢話無乜特別都ok。💬呢間良心小店質素真係唔錯，份量又夠多。2個人叫埋小食甜品飽到傻，但食得好滿足💛。

今次嚟到主打台灣菜嘅一起食堂，門面唔算顯眼，以工廈嚟講遠少少，我喺同一條街上興趣班都唔多留意到，所以更要介紹下！😆一起食堂喺中環、觀塘都有分店，2間分店餐牌有少少不同～觀塘店地方闊落，有唔少台灣電影嘅海報，桂綸鎂呀😍海角七號呀😍好有回憶感！〔蟹黃冷烏冬麵🦀 $88〕食蟹嘅季節當然要揀呢個烏冬，果然無令我地失望！冷烏冬彈牙，絕對唔係食到牙較軟嗰種🤣蟹黃味濃郁，似咸蛋黃，呷少少醋幾好食開胃🤤👍🏻記住要快啲食呀，否則就會岀水影響味道架啦🤣〔魯肉飯 $58〕魯肉飯同坊間嘅有少少不同，細問下原來小店用左熟蒜、生蒜🧄、酸菜調味，有埋碗湯解膩，唔錯〔炸雞皮餃子 $38 炸花枝丸 $28〕用雞皮包餃子好少見，食落味道有啲似雞肉腸，幾得意！🥟 花枝丸彈彈牙牙，味道正常👌🏻〔芋圓仙草凍 $35〕食埋糖水作結，一流呀地瓜圓同紫薯圓煙韌，但芋圓就一般〔珍珠奶茶 $24〕〔檸檬多多 $24〕整體感覺: 味道真心幾唔錯😋選擇多，價錢良心，一食解台愁💛推介蟹黃烏冬咁近興趣班地點，一定會重訪🙌🏻